KELUARAN 14:22 - Susula Malalaok Hehelu Palak Ma Hehelu Beuk

²² Oe-a ba'eneu dua, de nai lelek hataholi Israel-la lena tasi-a, ala la'ok nai dae ma'dak lain, de oe manai boboa kii-konan, nalupa leo papala nanadamak-ka.

KELUARAN 14:22 Referans Kwoze

IBRANI 11:29

Hu ka nde namahehele ka, de hataholi Israe la, ala hapu lena lala Tasi Pila sa selik, nono'ka bai ala la'ok nai dae ma'dak lai na, tehu hataholi Masir ala, tasi ndia ko'do henis nai lelek ala so'ba lena boe.

MAZMUR 66:6

Ana tao nasafali tasi da'di dae ma'dak, de ami bei-ba'i kaim-mala la'o eik leo selik leu. Hu ndia de, ami mamahoko-setelee, nanahu tatao-nono'in.

MAZMUR 78:13

Ana fa'a ba'e tasi-a, boema nakalelenak-kasa; oe-a nanabakatetek sama leo te'te-a.

KELUARAN 15:19

Nai lelek hataholi Israel-la lena tasi-a, ala la'ok nai dae ma'dak lain. Tehu lelek Masir kaletan-nala loo ndala ma hataholi manasa'ek-kala masok leo tasi dale leu. Manetualain taon-na tasi oen-na nakatema falik, nalosa ala bolo.

KELUARAN 14:29

Tehu lelek hataholi Israel-la lena tasi-a, ala la'ok nai dae ma'dak lain, ma oe-a nalupa leo papala nanadamak, nai kii ma nai kona.

1 KORINTUS 10:1

Tolano-tolanoo ngala lemin! Ela leo bee na mafandendelek, hata fo ana da'di neu ita bei ba'ikai nala, lelek fo ala tunga Musa. Ko'a sa nasulu-nahapa na la'iesa kasa, de ala lena lala Tasi Pila sa selik no so'da-molek.

YESAYA 63:13

Manetualain fo, manahela-nole sila fo la'ok tunga oe madema dale, nai bee? Sama leo ndala la'ok tunga moo solokaek-ka, ala ta lakatunu lita fa.”

NEHEMIA 9:11

Soaneu tao enok fe O anam-mala, de O ta'da ba'e tasi oe-a neu dua; O makalelenak-kasa tunga tasi buin-na fo ta makadoek fa. Basa manausis-sala, bolo nai oe madema dale, sama leo batu tena nai tasi manafo'ak-ka dalek.

KELUARAN 15:8

O fuu tasi-a, de lii-a napoponu, napadeik natetu sama leo papala nanadamak-ka, nalosa hapu la'ok tunga tasi buin-na.

BILANGAN 33:8

Basa boema, ala la'oela Pi-Hahirot, de ala lena tasi fo ala masok leo moo solokaek Etam-ma leu; ala la'ok faik telu boema, ala ofu leme Mara.

ZAKHARIA 2:5

Manetualain naheluk basa nae, neukose Ndia nde da'di papala nanadamak ha'i okofefeo kota ndia, fo nasulu-nahapan, ma neukose Ana leo nai naa, nai koasa ma matua-mademan lala'en-na dalek.”

YOSUA 4:22

mafa'das mae hataholi Israel-la, lena Lee Yarden ia, nai dae ma'dak lain.

SEMUEL SUSULAK-KA ESAN-NA 25:16

Lele'do-le'odaen, lasulu-lahapa ami, nai lelek ami foo bi'ihiik, bi'ilopo deka moos.

2RAJA-RAJA 2:8

Boema, Elia o'du heni ba'du manalun-na, boema ana dikun, de ana fepan neu lee ndia oen lain. Boema, oe ndia natasi'da neu dua, de nalosa Elia ma Elisa la'ok lai dae ma'dak lain.

MAZMUR 74:15

O nde fe oemata-la ma lee-la faa; O tao makamama'dak lee matua-la.

MAZMUR 136:14

No Israel fo anan-na, leo selik leu; susue-lalain manaketu-asa tak, losa dodoon-na.

YESAYA 43:16

Manetualain tao basa enok esa, tunga tasi-a so, tunga oe manalua ponu-ponuk-ka.

YESAYA 63:12

Manetualain fo, manasama-sama no Musa, fo no lima mabe'i-balakain-na, de Ana fa'a ba'e oe-a nai sila matan, fo ela na'den-na nanakoa-nanakiok losa dodoon-na, nai bee?

YOSUA 3:16

no hatematak ndia boe, lee-a ta faa so'on. Oe manafaa neme lee langan-na mai, ana da'di te'te, tehu nai dook-ka, nai kota Adam fo kota esa nai kota Sartan-na boboan-na. Lee oen manafaa leo Tasi Mates-sa neu, ana ta faa so'on, nalosa hataholi Israel-la, la'ok nai dae ma'dak lain leo selik leu mamanak ndia, nasasalematak no kota Yerikho-a. Basa imam-mala fo manandolo Peti Hehelu-balataak ndia, lapadeik lahele nai lee tala'da heon, losa hataholi Israel-la lala'en-na, lala selik.

2RAJA-RAJA 2:14

boema ana fepa Elia ba'du manalun ndia, neu oe lain, ma nafa'da nae, “Amak, fo Elia Manetualain ndia, nai bee?” Basa ndia boema, ana fepa ba'du manalu ndia, neu lee oen lain, de oe ndia natasi'da neu dua, de ana la'ok leo selik neu.

MAZMUR 106:9

No paletan-na, de Tasi Gelagah ma'dan, de Ana noo anan-nala tunga tasi dale, sama leo, ala la'ok nai moo solokaek-ka.

MAZMUR 136:13

Ana fa'a ba'e tasi Gelagah; susue-lalain manaketu-basa tak, losa dodoon-na;

YESAYA 11:15

Neukose Manetualain tao nama'da Namo Suez-sa. Ana fe ani mato'bik-ka mai, nalosa Lee Efrat-ta ana da'di oe ba'e kaba'ok hitu, de hataholi manapake ta'bueis-sala, bisa lena tunga dalek.

YESAYA 11:16

Ba'eneu anan fo bei elak-kala, neukose hapu okofoo soaneu ala kalua leme Asyur mai, sama leo nai lelek Israel kalua neme Masir mai.

YESAYA 51:10

O nde tao mama'da tasi-a, tasi maloaina, oe mademainan-na. O tao enok, tunga tasi ndia, fo ela hataholi nanasoi-po'ik-kala, hapu lena leo selik leu.