KELUARAN 14:21 - Susula Malalaok Hehelu Palak Ma Hehelu Beuk

²¹ Boema Musa leleuk liman-na leo tasi lai neu, de Manetualain fe ani timu matuaina mai, nalosa tasi oen-na le'a. Le'odaek ndia, ani timu nahele, de ana tao nasafali tasi-a da'di dae ma'dak.

KELUARAN 14:21 Referans Kwoze

YESAYA 63:12

Manetualain fo, manasama-sama no Musa, fo no lima mabe'i-balakain-na, de Ana fa'a ba'e oe-a nai sila matan, fo ela na'den-na nanakoa-nanakiok losa dodoon-na, nai bee?

KELUARAN 15:8

O fuu tasi-a, de lii-a napoponu, napadeik natetu sama leo papala nanadamak-ka, nalosa hapu la'ok tunga tasi buin-na.

MAZMUR 66:6

Ana tao nasafali tasi da'di dae ma'dak, de ami bei-ba'i kaim-mala la'o eik leo selik leu. Hu ndia de, ami mamahoko-setelee, nanahu tatao-nono'in.

YESAYA 51:10

O nde tao mama'da tasi-a, tasi maloaina, oe mademainan-na. O tao enok, tunga tasi ndia, fo ela hataholi nanasoi-po'ik-kala, hapu lena leo selik leu.

MAZMUR 78:13

Ana fa'a ba'e tasi-a, boema nakalelenak-kasa; oe-a nanabakatetek sama leo te'te-a.

MAZMUR 74:13

O fa'a ba'e tasi-a, nenik O be'i-balakaim matuainam-ma, ma O tao maba'e buta tasi langan-nala.

NEHEMIA 9:11

Soaneu tao enok fe O anam-mala, de O ta'da ba'e tasi oe-a neu dua; O makalelenak-kasa tunga tasi buin-na fo ta makadoek fa. Basa manausis-sala, bolo nai oe madema dale, sama leo batu tena nai tasi manafo'ak-ka dalek.

YOSUA 4:23

Tuis mae, emi Manetualaim-ma tao nama'da Lee Yarden ndia, fo emi basa-basam-mala losa selik, sama leo Ana tao nama'da Tasi Gelagah, soaneu ami,

MAZMUR 136:13

Ana fa'a ba'e tasi Gelagah; susue-lalain manaketu-basa tak, losa dodoon-na;

KELUARAN 14:16

So'uk o aitete'em-ma, fo leleuk-kana leo tasi lai neu. Soona neukose, oe-a ta'tiba'en neu dua, fo hataholi Israel-la hapu lena tasi-a, no ala la'ok nai dae ma'dak lain, nai tasi buin-na.

YESAYA 51:15

Nana Au nde o Manetualaim-ma, fo manataon-na lii-a, napoponu, nalosa lii-a nggu-nggu. Au na'deng-nga nde been-na, Fo Manakoasa.

AYUB 26:12

Ana tao nakamate tasi ina nenik koasan-na, ma fepa li'u Rahab nenik Ndia malelan-na.

HATAHOLI 7:36

Musa ia nde hela-nole leoina Israe la kalua leme Masir mai, ninik ana tao manda'di beuk, ma dede'a matuaina la neme Masir, neme Tasi Pila sa, ma neme mo maloa teuk hahulu dale na.

KEJADIAN 8:1

Manetualain ta nafandele heni Noh ma basa bana lala'en, fo sama-sama loon nai ofak ndia dalek. Manetualain fe anin-na mai, de nalosa oe ndia mulai ma'da.

KELUARAN 7:19

Manetualain, nafa'da Musa nae, “Madenu Harun, fo ana ho'i-na aitete'e-na, fo leleuk-kana leo basa lee-la, oelolok-kala ma lifu-lifu manai Masir-ra. Neukose oen-nala da'di daak, ma neukose hapu daak nai nusak-ka lala'en-na, nakalenak nai tong ai-la dalek, ma nggusi batu-la dalek.”

KELUARAN 14:20

nai solda'du Masir-ra ma solda'du Israel-la tala'da. Ko'as ndia, neni makahatuk, nalosa le'odae katemak esa, solda'du bubua ka duak sila-la, esa ta hapu deka no esa fa.

YOSUA 2:10

Ami mamanene basa halak la'eneu, da'di tao leo beek de, Manetualain tao nama'da Tasi Gelagah nai emi matam, lelek emi la'oela Masir. Ami boeo mamanene basa, tao leo beek de, emi taomisa Sihon ma Og, fo leoina Amori mane ka duan sila-la, neme Lee Yarden-na boboan dulu.

2RAJA-RAJA 2:8

Boema, Elia o'du heni ba'du manalun-na, boema ana dikun, de ana fepan neu lee ndia oen lain. Boema, oe ndia natasi'da neu dua, de nalosa Elia ma Elisa la'ok lai dae ma'dak lain.

YESAYA 23:11

Manetualain nakapepela liman-na neu tasi lain, de ana loliheni nusa-nusak-kala. Ana fe paleta, fo ela tao nakalulutuk Fenisia kota musun-nala.

YESAYA 43:16

Manetualain tao basa enok esa, tunga tasi-a so, tunga oe manalua ponu-ponuk-ka.

YESAYA 50:2

Tao le'e de, neme Au anang-ngala mai, hataholi esa boen, ta hapu nataa, nai lelek, Au mai aloos? Ade, ka'da ala bedenge, nanahu laedaenga. Au ta soi-po'i, ma soi-tefa abe'i fas do? Te'e-te'e, no Au paletang-nga, de tasi ma'dan, Au tao lee-la, da'di moo solokaek, nalosa i'ak-kala mates, de laboo mami.

YESAYA 63:13

Manetualain fo, manahela-nole sila fo la'ok tunga oe madema dale, nai bee? Sama leo ndala la'ok tunga moo solokaek-ka, ala ta lakatunu lita fa.”

HABAKUK 3:8

Ou Manetualain, ade, hu ka nde tasi-a de, O nasam-ma fo'a do? Ade, lee-la nde tao-la O mamanasa do? O sa'e ko'as-sa da'dileo ndala ma kaleta musu, nai lelek O fe O anam-mala sesengik.

AYUB 38:24

Ade, o bubuluk le'do-a mamana nate'en-na do? do ani timu-a, ana mai neme bee mai?

MAZMUR 148:8

hai ndelas ma u'da eis, salju ma ko'as-sa, anin matuaina, fo ana tunga Manetualain paletan-na lemin!

YESAYA 44:27

Au nde afa'da tasi buin-na ae: Ma'da leona! Au nau tao ama'da, o leem-mala.