Biblia Todo Logo
Bib sou entènèt

- Piblisite -




KELUARAN 13:9 - Susula Malalaok Hehelu Palak Ma Hehelu Beuk

9 Feta ia, ana da'di nasanene'dak soaneu emi, sama leo ta'du esa, nanapa'ak nai emi limam-ma, do emi dedeim-ma. Feta ia fe emi nasanene'dak, fo moke makasi nakandoo, ma manoli Manetualain hoholo-lalanen, nana Manetualain kalua heni emi meme Masir mai, nenik koasa matuainan-na.

Gade chapit la Kopi




KELUARAN 13:9
38 Referans Kwoze  

Pa'a paleta sila-la neu emi limam-ma, ma taon neu emi dedeim-ma, fo ela mafandendelek mahelen.


Fifikok sila-la da'di neu nasanene'dak: Nai lelek emi mitan, soona neukose emi mafandele Au paletang lala'en-na fo emi tao tungan. Ma hu kande fifikok sila-la, de neukose emi mafandendelek Au, fo emi ta tunga emi hihii-nanau mesam-ma fa.


Ha'da-tataok ndia, ana da'di nasanene'dak esa ba'eneu ita, sama leo ta'du esa nanapa'ak nai ita liman-na, do nai ita dedein-na. No enok ndia, neukose ana fe ita nasanene'dak tataas esa, nae Manetualain kalua heni ita teme Masir mai, nenik koasa matuainan-na so.”


Emi muse tao faik ndia, da'di faik nasanene'dak, da'di leo fai malole ba'eneu Manetualain. Tunga teuk, emi muse tao faik ndia da'di fai malole, neme bobongik leo bobongik neu.”


Dale dudu'a na nae leo ia, “Halak maneme Manetualain mai ndia, ana deka nanseli no emi; nai emi bafam dale, ma nai emi dalem dale.” Halak ndia nde ami tui-benga nana; halak ndia nafa'da nae, hataholi a, muse namahele.


Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”


Ta'ko ala pake kotak bana louk matua ina fo naisi Susula Malalao ka lalane nala, fo ala paken nai dedei nala ma alu nala boema ala tao lamanalu ba'du manalu nala fifiko na!


Boso matane mae leondia, nanahu paleta sila-la, ala deka lanseli loo emi. Emi bubuluk basan so, ma emi kokolak-kana no ta paluu pake lees susulak so'on, da'di ka'da tao tungan leona.


Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.


Hu ka nde dede'ak ndia de ka'da nai faik esa mesa kana neukose susa-soe – he'di-laus, dale he'dik ma la'andoes lapalunilan. Ma neukose ha'i naputun, nana Amak Manetualain fo manamaketu-mala'di nana nanuu koasa.”


Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.


Manetualain nafa'da neu manek Yoyakhin, fo Yoyakim ana manen-na fo manek Yehuda nae, “Neme Au-a mai, Manetualain fo maso'dak, Au afa'da no te'e-te'e ae, leomae o ba'eneu Au soona, sama leo ndeli mamatade'ik nai Au limang konang-nga tehu leomae leondiak boe, neukose Au fe'a heni o


Fo'a leon, ou Manetualain, fo tulu-fali ami, soi-tefa-mala ami, nenik O koasam-ma. Fo'a leon, sama leo nai tepo lelek makahulun-na nai lelek O tao makalulutuk Rahab: ma pau misa buta tasi ndia, losa maten.


Yerusalem, Au afandele o tataas esa; Au dokik o nadem-ma, nai au limadaleng-nga.


Mitak, Manetualain Ana mai no koasa soaneu Ana tao no makadelek. Hataholi fo, Ana soi-po'i basak-kala tunga loon.


Nai lelek ndia, neukose Manetualain pake tafaina matea ma matanen-na, fo Ana huku Lewiatan, menge fo manaule-po'de ma ana leleke ndia, ma soaneu taonisa buta tasi-a.


Hu ndia de anang-ngonei, ho'u mahele manatee-tenok-ka, ma tai-dodook-ka! Boso po'in makandondook,


nana nanoli-nafa'dan-nala, popo-tama o dale malolem-ma, sama leo bulamolik-ka nai o langam-ma, ma henu-a tao nalole-nanapu o mata-panam.


O nde makadada'dik kii ma kona, Letek Tabor ma Hermon-na, eeki-latadale ba'eneu O.


Manetualain, ami ia O atam-mala, O ana mesam, fo O soi-tefa basan nenik O koasam-ma, ma O bei-bakai matuainam-ma.


Boso mafandele heni paleta fo, faik ia au fen neu emi ndia, makandondook.


Tao au da'di o inaana susuem, boso holu esa boen, te holu ka'da au mesang-nga; nanahu susue tou-ta'ek ndia balakain-na ba'u mamates-sa, ma dale hihii sao-anan-na, sama leo mamates-sa. Pilan-na sama leo ha'i pilan-na fo ana pila lo'a-lo'a.


Do'dofa te kokou isik-ka neukose tola sapiselik dalen-na. Touanak ndia ta name'da fa, te samanen-na doi-doso samaleo manupui laa nasale leo hihi'ik-ka neu.


Tehu, neukose Au pake Au koasang-nga, fo Au huku Masir nenik Au fe soe matuaina leo naa neu. Basa ndia soona, besak-ka ana po'i emi la'o.


Hu ndia de, neukose Au huku Masir, nenik huhuku-dodokik mabelaina, basa soona Au o leoina Israel, fo Au anang-ngala lala'en-na, kalua leme nusak ndia mai.


Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.


no lima mabe'i-balakain ma makadelen-na; susue-lalain manaketu-basa tak, losa dodoon-na.


Neukose hataholi-la, esa-esak manaku nae, ndia aoinan-na, Au nuung ndia, ma ana mai nakabubua no Yakob tititi-nonosin. Esa-esak sulak nai liman-na nae, Manetualain Nuun, ma noke aoinan-na soona nae, Manetualain anan-nala lima-ein.”


Nai teuk ka 430-a, fai mate'en ndia, nde basa Manetualain anan-nala lala'en-na, la'oela dae Masir-ra.


Mafandendelek te, makahulun-na emi da'di ata neme Masir, boema emi Manetualaim-ma soi-po'i emi, nenik be'i-balakai matuainan-na. Hu ndia de, au paleta emi fo tao malalao-malalafu fai Sabat-ta.


Soona emi muse mataa mae leo ia, ‘Makahulun-na, ita da'di mane Masir-ra atan-na, boema Manetualain soi-po'i ita nenik be'i-balakai matuaina.


Ana noo Israel kalua leme Masir mai; susue-lalain manaketu-basa tak, losa dodo-na;


Ou Manetualain, fo ami Manetualaim, O matu'du basa O koasam-ma nenik O moo O anam-mala kalua leme Masir mai, ma O koasam ndia bei nananafandendele nahelek. Ami masala-masingo ma tao salak so.


Swiv nou:

Piblisite


Piblisite