KELUARAN 13:21 - Susula Malalaok Hehelu Palak Ma Hehelu Beuk

²¹ Nai fai lele'don-na, Manetualain la'ok nai uluk, fo nai dii ko'as dale, ma nai fai le'odaen-na, Ana la'ok nakahuluk-kasa nai dii ha'ik dale, fo natu'du enok-ka. No enok ndia, ala hapu la'ok lele'do le'odaen.

KELUARAN 13:21 Referans Kwoze

NEHEMIA 9:12

O mauli-malangas nai fai lele'don-na, nenik ko'as bubuak esa. Ma nai fai le'odaen-na, O tao mangale'do enon-na nenik dii ha'ik-ka.

MAZMUR 99:7

Ana kokolak nos neme dii ko'as dale mai, ala tunga basa hoholo-lalanen ma paletan-nala.

ULANGAN 1:33

fo Ana la'ok nai emi uluk, soaneu Ana sanga fe emi mamana oofuk. Ana da'di manamatu'du enok ba'eneu emi, nai fai le'odaen-na, nai dii ha'ik dale, ma nai fai lele'don-na, nai dii ko'as dale.”

MAZMUR 105:39

Manetualain nakapepela ko'as-sa, fo nasulu anan-nala, ma ha'i fo nasalaa, nai fai le'odaen-na.

MAZMUR 78:14

Ana hela-noles nenik dii ko'as-sa, nai fai lele'don-na, ma nenik dii ha'ik-ka, nai fai le'odaen-na.

NEHEMIA 9:19

Tehu O ta la'oela fas, nai moo solokaek ndia fa, nanahu O henuk no susue-lalaik-ka. O ta fe'a heni dii ko'as-sa ma dii ha'ik-ka fa, manamatu'du sila enon-na nai fai lele'don-na ma fai le'odaen-na.

BILANGAN 14:14

de neukose, ala tuin neu nusak ia hataholin-nala lamanene basa, lae O, fo Manetualain, sama-sama moo ami. Boeo, lamanene basa, lae O matu'du O aoinam-ma neu ami, nai lelek O la'ok nai ami uluk, nai dii ko'as dale, nai fai lele'don-na, ma nai dii ha'ik dale, nai fai leodaen-na.

BILANGAN 10:34

Metema ala la'o leme mamana ofu mai soona, nai fai lele'don-na, Manetualain ko'an-na nai sila lain tataas esa.

KELUARAN 16:10

Lelek Harun bei kola-kola no basa-basas te, ala mete leo moo solokaek-ka neu, de no kaiboik, lita Manetualain ndela-sa'an nai ko'as dale.

ULANGAN 31:8

O manahela-nolem ma manatulu-falim nde Manetualain. Neukose, Ana ta tao ba'ihana o dalem-ma, ma Ana ta la'oela o fa. Hu ndia de, boso bii-mamata'u, ma dalem-ma boso ba'ihana.”

MAZMUR 68:7

Manetualain sadia mamana leleok fe hataholi fo, maleu-malak-ka: Ana soi-po'i hataholi nanahukuk-kala, nalosa ala laua-lanale. Tehu hataholi manala'ban Manetualain-na, muse ana leo nai dae tokotiik.

MAZMUR 77:20

O la'ok tunga lii lain, O la'ok feo tasi maloaina, tehu O ei mamanam-ma, ta nananitak fa.

KIDUNG AGUNG 3:6

Ade ndia fo manamaik neme moo solokaek-ka mai, nalupa leo ha'i masu bubuak-ka do? Boomenin-na sama leo laluteik ma boomenik-ka, ma manadangan-nala badaa kaboomenin-nala.

KELUARAN 10:10

Manek-ka nae, “Au ta bisa po'i emi moo inak-kala, ma emi anam-mala fa! Hata fo emi moken ndia, ka'da sama leo emi mamahena au oke Manetualain, fo Ana ba'e-pala emi. Mangale'dok ba'eneu au so, nae emi manuu dudu'a mangalauk.

KELUARAN 32:1

Lelek leoina Israel-la bubuluk lae doon-na seli Musa ta kona neme letek lain mai fa, tehu bei nai naa boe, boema leu lakamomotu-la Harun de lafa'dan lae, “Ita ta bubuluk hata da'di neu Musa fa, hataholi fo mana no ita kalua teme Masir mai; da'di tao fe ami lamatua fe'ek fo nauli-nalanga ami.”