KELUARAN 13:17 - Susula Malalaok Hehelu Palak Ma Hehelu Beuk

¹⁷ Manek Masir-ra, ana po'i basa leoina Israel-la la'o boema, Manetualain ta noos tunga enok manatunga nusa Filistin-na fa, leomae enok ndia eno tetepak. Manetualain dodoo nae, “Boso nalosak hataholi sila-la lasasale dale, metema ala bubuluk, lae sila muse latee-lata'ti, boema ala fali le'us leo Masir leu.”

KELUARAN 13:17 Referans Kwoze

NEHEMIA 9:17

Ala ta tunga fa, lafandele heni O dale malolem lala'en-na, ma lafandele heni basa O tatao-nono'i manada'di beum-mala. No koao-ndaeaok, ala hele mauli-malangan esa, fo nos leo Masir leu fo da'di ata seluk. Tehu O Manetualain fo nau fe do'o do ampon, hahae naluk, dale malole ma manasue laik. O susue-lalaim, tete'ek-ka ba'un-na seli; O ta la'o ela fas.

1RAJA-RAJA 8:47

ela leo been-na, O mamanene hule-haladoin-nala. Metema nai nusak ndia ala tukatei-saledale leme sala-singo nala mai, ma ala hule-haladoi neu O no manaku lae sila-lasala-lasingo so, ma tao tatao-nono'i mangalauk soona, mamanene sila hule-haladoin-nala, ou Manetualain.

HATAHOLI 7:39

Leomae leondiak boe, ita bei ba'ikai nala ta nau tunga paleta na fa. Ala ta nau sipo kana fa, ma ala nau fali seluk leo Masir leu.

ULANGAN 20:8

Basa solda'du matuaina-la boeo, muse lafa'da dede'ak ia neu emi lae, ‘Ade, nai emi dalek, hapu hataholi tene manahailuak ma manabii-mamata'uk do? Metema hapu soona, ana bole fali ne'un, fo ela ana boso taon-na hataholi fe'ek mopo palanin-na.’

HATAHOLI 15:38

tehu tunga Paulus dale nameme'da na, metema lo Markus soona, ta malole fa, nana Markus ta nau nalalau-naoono sama-sama no sila fa, ma ana la'oelas leme Pamfilia.

ULANGAN 17:16

Manek-ka, ta bole nanuu ndala ba'uk-ka, fo ana fe solda'dun-nala, ma ana ta bole nadenu leoina ia fo, leu asa ndala nai Masir fa, nanahu Manetualain nafa'da, nae Ndia anan-nala, ala ta bole fali-le'us leo nusak ndia leu so'on.

HAKIM-HAKIM 7:3

Da'di, po'a-benga neu o ana paletam-mala mae, ‘See name'da-nana ana bii soona, muse no lai-laik, ana la'oela Letek Gilead ia, fo ana fali ne'un leo uman neu.’ ” Boema, hapu hataholi lifun duahulu dua fali le'us; de ela ka'da hataholi lifun sanahulu.

IBRANI 11:27

Hu ka nde namahehela ka, de Musa la'oela Masir no ta name'da bii bii-namata'uk soaneu Mane Masi ra nasa-melun fa. Musa la'ok nakandoo tunga dale tutu'u na, nono'ka bai, nita basa Manetualain fo nananita tak ndia.

KELUARAN 14:10

Lelek, hataholi Israel-la lita manek Masir-ra no solda'dun-nala mai boema, ala bii lanseli, de ala nggasi neu Manetualain, fo loke tutulu-fafalik.

ULANGAN 28:68

Neukose, Ana fe emi sa'e ofak fo, fali seluk leo Masir meu, leomae Ana nafa'da basa nae, neukose emi ta fali seluk leo naa meu so'on. Neukose, emi mase'o emi aoinam-ma nai naa, soaneu da'di ata neu emi musum-ma, tehu hapu hataholi esa boen, fo ana nau asan-na emi fa.”