KELUARAN 12:48 - Susula Malalaok Hehelu Palak Ma Hehelu Beuk

⁴⁸ Hataholi nanasunat bei taak-kala, ta bole la'a nana'a feta ndia fa. Metema hataholi nusa dea esa leo nahele so, de nai lelek emi hii tao feta Paskah soaneu fe ha'da-holomata neu Au fo Manetualain soona, muse sunat nakahuluk basa touk manai teidalen-na dalek. Basa ndia soona, sipok-kasa da'di leo hataholi Israel isik, fo ala bole tunga feta Paskah.

KELUARAN 12:48 Referans Kwoze

BILANGAN 9:14

Metema nai emi dalek, hapu hataholi nusa dea esa ana nau tunga feta Paskah soona, muse ana tunga basa nakanenetek ma nakeketuk-kala. Nakeketuk sila-la, la'e basa hataholi lala'en-na, nau hataholi Israel, do hataholi nusa dea boe.”

KOLOSE 3:11

Basa dede'ak sila la mate'e na nde, leomae hataholi Yahudi do hataholi ta Yahudi, hataholi nanasunat do hataholi nanasunat beitaak, hataholi manamai do hataholi malela ha'da tak, ata do malangan boeo, basa-basas sama, nanahu Kristus nde basa hata lala'e na, ma Ana da'di esa no basa hata lala'e na!

GALATIA 3:28

Nai dede'ak ia dalek, hataholi Yahudi no hataholi ta Yahudi, ata no malanga na, ma tou ka no ina ka, sama so. Emi basa-basa mala da'di esa, hu ka nde Kristus Yesus.

YESKIAL 47:22

de dae ndia, ana da'di emi pusakam, losa dodoon-na. Hataholi nusa dea fo, ala leo lahele lai emi tala'da heom, boema ala bongi anan-nala lai mamanak ndia, de sila boeo, muse hapu baba'ek neme dae ndia mai. Muse taos da'di leo, leoina Israel matetuk, fo sila boeo tunga tu-u batu, soaneu ala hapu dae, nai lelek dae ndia, nanababa'ek neu leo-leo Israel-la.

KELUARAN 12:43

Manetualain nafa'da Musa ma Harun nae, “Ito-ato feta Paskah nde ia. Hataholi nusa dea-la, ta bole la'a paa bi'ilopo, fo nana tunu-hotuk nai fai Paskah fa.

YESKIAL 44:9

Au, Manetualain Fo Mademaina po'a-benga, ae hataholi nusa dea fo, nanasunat beitak-kala, ma hataholi fo, ana tunga neu Au fa, ta bole masok Au Umang-nga fa. Nakanenetek ndia, la'e hataholi nusa dea fo, ala leo lahele lai, leoina Israel-la tala'da heon-na boe.”

KEJADIAN 17:11

Mulai neme besak ia mai, o muse sunat basa o anatoum, fo nanabongi beuk-kala, fo teun-na, besak-ka faik falu, ma basa o atam, fo bongin nai o umam, do o asa mak-kala. Sunat ndia, neukose ana da'di ta'du-tana, neme hehelu-balataak fo, Au taon emi.

YESKIAL 14:7

Ba'eneu hataholi Israel do hataholi nusa dea fo, manaleo manai leoina Israel-la tala'da, fo dook-ka leme Au mai, ma lase'o aoinan-nala neu sosongo-tatangok, boema loke nanoli-nafa'dak neme nabi esa mai soona, nemen-na fo Au nde fe natataan-na.

IMAMAT 19:34

Taos sama leo emi taon neu hataholi fo emi leoina esa, ma sue-lais, sama leo emi sue-lai emi aoinam-ma mesak-kana. Mafandendelek mae emi boeo, maso'da hai, sama leo hataholi nusa dea nai Masir. Au nde emi Amam Manetualaim-ma.