KELUARAN 12:27 - Susula Malalaok Hehelu Palak Ma Hehelu Beuk

²⁷ Soona emi muse mataa mae, ‘Ia tutunu-hohotu Paskah, soaneu fe ha'da-holomata neu Manetualain, nana Ana la'ok seli hataholi Israel-la uman-na nai Masir, nai lelek Ana taonisa hataholi Masir-ra anatou ulun-nala, de Ana fe ita taso'da!’ ” Boema hataholi Israel-la senek, ma lakaluku-lakatele.

KELUARAN 12:27 Referans Kwoze

KELUARAN 4:31

Boema lamahele, ma nai lelek lamanene lae Manetualain, taoafik neu leoina Israel-la, ma nita sila doi-doson lala'en-na boema, lakaluku-lakatele.

KELUARAN 12:11

Nai lelek emi mi'a, emi muse pake-nggao memak, soaneu leo-la'o, pake ta'bueis ma ho'u aitete'ek. Emi muse mi'a lai-lai. Ndia nde feta Paskah soaneu fe ha'da-holomata neu Au, fo Manetualain.

1 KORINTUS 5:7

Tu'u-tapaheni makahuluk lalutei palaak ndia, fo nde lalutei sala-singo ka, fo ela emi dadi ha'de sopu nanakame beuk fo balisi neme lalutei sala-singo palaa ka mai, fo daenga au bubuluk ae, memak emi leondiak. Nana ita feta Paskah na nanasadia basak, hu ka nde Kristus nde da'dileo ita bi'ilopo Paskah na, fo nanatunu-hotu basak so.

KELUARAN 12:23

Nai lelek Manetualain, la'ok okofeo nusak ia, fo Ana taonisa hataholi Masir-ra, neukose Manetualain nita daak manai emi umam-ma lelesun-na diin duas, ma nai netes manai lelesu-a lain; soona neukose, Ana la'ok nakandoo, ma Ana ta fe Ata nusa so'dak fo maneni Mamates-sa loak ana masok emi umam-ma, fo ana taonisa emi fa.

NEHEMIA 8:6

Boema Ezra nae, “Koa-kio Manetualain, Manetualain fo matuaina!” Laun-na lala'en-na so'uk liman-nala leo lain neu ma lataa lae, “Amin, amin!” Boema ala sene-do'ok neu Manetualain.

2TAWARIKH 29:30

Manek-ka ma lasi nggolok-kala ladenu hataholi Lewi-la lakamee soaneu Manetualain kokoa-kikiok fo Dauk ma Nabi Asaf-fa tao nakameek-kala. Basa hataholi-la lakamee no namahokok nanseli ma ala senek fo lakaluku-lakatele neu Manetualain.

2TAWARIKH 20:18

Boema Manek Yosafat-ta nakaluku-nakatele. Basa laun-na lala'en-na boeo tungan fo lakaluku-lakatele neu Manetualain.

1 TAWARIKH 29:20

Ana hule-haladoi basa nae leondia boema, nafa'da hataholi makadotok fo manamaka bubuak manai sila-la nae, “Koa-kio emi Manetualain leona.” Boema basa hataholi sila-la koa-kio Amak, Manetualain fo sila bei-ba'i kain sene-do'ok-ka. Boema ala sene-do'ok soaneu fe ha'da-holomata neu Manetualain ma manek-ka.

ULANGAN 16:5

Emi muse do'do bana soaneu Feta Paskah nai emi Manetualaim-ma hele mamanak-ka, fo boso nai mamana fe'ek, nai emi Manetualaim-ma fe emi nusak-ka. Emi muse tunu-hotu tutunu-hohotuk sila-la, nai lelek le'do-a tenak, sama leo nai lelek emi la'oela dae Masir-ra.

ULANGAN 16:2

Meu leo Manetualain hele mamanak-ka meu, fo do'do emi bi'ihiim bi'ilopom do emi sapim esa, da'di leo tutunu-hohotu Paskah, soaneu fe ha'da-holomata neu emi Manetualaim-ma.

KELUARAN 34:25

Nai lelek emi tunu-hotu banan-nanado'dok soona, boso tunu-hotu hata-hata fo taon pake laluteik. Bana-manu fo do'don soaneu feta Paskah, emi muse mi'aheni paan-na le'odaek ndia boe; ta bole ela losa balahaa fafaik fa.

KELUARAN 34:8

Hatematak ndia boe, Musa sene-do'ok.

KELUARAN 10:2

ma, fo ela o hapu tui o upu-anam tao leo beek, de Au tao akamiminak leoina Masir-rala nenik manada'di beuk sila-la. Boema emi basa-basam-mala bubuluk, mae Au nde Manetualain.”

KELUARAN 12:28

Boema ala la'o, de ala tao tunga Manetualain, paletan neu Musa ma Harun.

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

MAZMUR 44:1

Teidalek Korah kokoa-kikion-na. Nakamee nanolik-ka. Soaneu mauli-malanga manakameek-kala.

KELUARAN 13:8

Nai feta ndia faik makasososan-na, emi muse tui emi anatoum-mala, mae emi tao basa ia-la, nanahu Manetualain tao basa hata lala'en-na soaneu emi, nai lelek emi la'oela nusa Masir-ra.

MAZMUR 78:5

Ana fe hoholo-lalanen neu leoina Israel-la, ma Ana fe paletan-na, neu Yakob tititi-nonosin. Ana nadenu ita bei-ba'i kain-nala lanolin neu sila anan-nala,