KELUARAN 11:8 - Susula Malalaok Hehelu Palak Ma Hehelu Beuk

⁸ Mate'en-na, Musa nafa'da nae, “Basa au Ama Maneng-nga, manapaletan-nala, neukose ala mai, fo ala sene-do'ok leu au matang-nga, ma loke fo ela au ma au leoinang-nga la'oela nusak ia. Basa ndia soona, neukose au la'o.” Boema Musa la'o ela manek-ka no namanasa nanseli.

KELUARAN 11:8 Referans Kwoze

DANIAL 3:19

Boema, Mane Nebukadnezar-ra nasan-na lua ponu-ponu soaneu Sadrakh, Mesakh ma Abednego, nalosa mata-panan pila lo'a-lo'a. Ana paleta fo ala tao-la ha'i manafolokakaak ndia mahaan-na, nahaa la'i hitu lena neme mahaa biasan-na mai.

YESKIAL 3:14

Manetualain koasa matuainan-na, ana mai leo au mai, de lelek Manetualain Duladalen-na so'u-na au de noo au, boema au ame'da daleng-nga makahe'duk, ma namahana.

NINITAK 3:9

Taoafik leona! Hataholi fo ana da'di manasene-do'ok nakabubua no Nitu a lima ein ndia, fo nde masapepeko-masandandalik fo ala manaku aoina na Yahudi, te se'ko na ta. Neukose Au tao alas mai sene-do'ok nai emi matam fo ela sila boeo bubuluk lae, Au sue-lai emi.

MARKUS 3:5

Yesus mete leo boboa-kaisun neu no nasak, tehu Ana dale he'di boe, nanahu ala langabatu lanseli. Boema nafa'da hataholi lima mate seselik ndia nae, “Lok o lima ma.” Hataholi ndia lok lima na boema, lima na hai.

YESAYA 49:26

Neukose, Au tao-a o musum-ma, mafuk daak, nalosa esa dodo-na esa. Soona basa hataholi daebafak lala'en-na, bubuluk lae Au, Manetualain, o Manasoi-manatefam; Fo Mabe'i-balakai lea, Yakob Manetualain-na, o Manasoi-manatefam.”

YESAYA 49:23

Neukose mane-manek-kala, ala da'di sama leo o amam, ma ina manek-kala, da'di leo o inam. Neukose, ala senek, fo fe ha'da-holomata neu o, ma lakaloe-lakadae aon-nala neu o. Soona neukose, o bubuluk, mae Au Manetualain; hataholi fo, namahena neu Au-a, dalen-na ta ba'ihana fa.”

MAZMUR 6:1

Soaneu mauli-malanga nakameek-ka. Nenik nakaminak kecapi. Tunga nakamee ka 8-a. Dauk kokoa-kikion-na.

2RAJA-RAJA 3:9

Boema, Mane Yoram-ma, la'o sama-sama no Mane Yehuda, ma Mane Edom-ma. Ala la'ok faik hitu dalen-na boema, basa oen-nala, nalosa solda'dun-nala ma bana-manun fo manafua sila bua-lo'an-nala ta hapu linu oe so'on.

1RAJA-RAJA 20:10

“Neukose ami manem-ma haitua solda'du makadotok nanseli mai fo ala tao lakalulutuk o kotam-ma, nalosa bei ela afu manai o kotam-ma ta dai ala la'u lenik sila liman-na fa. Ana soo fo ela basa lamatua daebafak-kala hukun ma lena-lenak ala taolisan, metema ana ta tao natetu dede'ak ndia fa!”

HAKIM-HAKIM 8:5

Basa boema, ala losa Sukot. Nai ndia, Gideon nafa'da laun manai kota ndia nae, “Sue-na, fe au solda'dung-ngala nana'ak faa dei. Ala sota lanseli, te natek-ka ami bei usi Zebah ma Salmuna, fo Midian manen sila-la.”

HAKIM-HAKIM 4:10

De Barak fo'a la'iesak leo Zebulon ma leo Naftali leo Kedes leu. Lelek ndia, hataholi manatunga Barak ma Debora, hataholi lifun sanahulu.

ULANGAN 32:24

Neukose mates, nanahu he'di sumaik-ka, ma la'a-ndoes-sa, ma hu kande he'dis fo maneni mamates-sa. Au po'ilotak bana makaak-kala, ala kaa lalas, ma menge malasok-ka, ana kaas.

ULANGAN 29:24

Boema, neukose basa daebafak-ka lala'en-na, latane lae, ‘Tao le'e de, Manetualain tao hataholi sila nusan-na, leondiak? Hu beek de, ana namanasa ba'u-ba'u basa ndia?’

BILANGAN 12:3

Musa nde been-na, hataholi esa, dale nakaloe nakadae aok nanseli, lena heni basa hataholi manai daebafak ia lala'en-na.

IBRANI 11:27

Hu ka nde namahehela ka, de Musa la'oela Masir no ta name'da bii bii-namata'uk soaneu Mane Masi ra nasa-melun fa. Musa la'ok nakandoo tunga dale tutu'u na, nono'ka bai, nita basa Manetualain fo nananita tak ndia.

KELUARAN 10:29

Musa nafa'da nae, “Sama leo Ama Manek halan-na. Tao leo bee-o, neukose au Ama Maneng ta nita seluk au so'on.”

NEHEMIA 5:6

Au amanene sila haladoin ndia boema, au amanasa anseli,