KELUARAN 1:14 - Susula Malalaok Hehelu Palak Ma Hehelu Beuk

¹⁴ ma ala tao-la maso'dan-nala doi-doso. No dale susue-lalai taak, lakasetis fo ala tao bela-ba'u mabelaina-la nai mamana ue-le'dis, ma nai tina-la dalek.

KELUARAN 1:14 Referans Kwoze

HATAHOLI 7:19

Manek ndia fepa li'u nakamiminak ita bei ba'ikai nala, ma ka'da ana tao nasa-nasak mesan nos. Ana lakanakaseti hataholi la fo ala tu'uheni ana manapipila ana nala, de lalefu-le'ak basa mo ka de mate la'iesa kasa.

BILANGAN 20:15

Ami bei-ba'i kaim-mala, leu leo Masir leu, de ala leo lahele leme naa, teuk lamalala. Hataholi Masir-rala, tao ta malole neu ami, ma ami bei-ba'i kaim-mala,

KELUARAN 6:9

Basa boema, Manetualain nafa'da Musa nae,

KELUARAN 2:23

Teuk lamalala boema, mate manek Masir-ra. Tehu leoina Israel-la bei hoo-nggu'u, nanahu ala taos da'di ata, nalosa ala nggasi loke tutulu-fafalik. Sila hoo-nggu'un losa Manetualain.

HATAHOLI 7:34

Au ita ma Au taoafik neu basa Au hataholi kamaheheleng manai Masi ra doidoso nala so. Au amanene hoo-nggu'u nala de Au sanga kona u soaneu Au soi po'is. Besak ia mai dei! Te Au sanga adenu o fali mu'u ma leo Masir mu.’

YESAYA 58:6

Au ahiik okaaok-ka, nde ia: Se'iheni, lange tuni-ndenik-ka, ma lulu'a-lelepa ta ndoos ma matetuk-ka, ma soi-po'i hataholi fo nanatuni-ndenik-kala.

MAZMUR 81:6

Ana taon da'di nakeketuk esa, ba'eneu leoina Israel-la, nai lelek Ana tutulumatak, fo la'ban Masir. Au amanene dede'ak esa, tehu au ta alelak-kana fa nae,

NAHUM 3:14

Ka'da aso oe fo sadia, nai lelek lakahapi-la o, ma tao matea-mahele o kota musum-mala! Aa'i tane fo tao batu bata, ma sadia mamana cetak batu!

MIKHA 3:3

Emi mi'a au leoinang-nga. Emi sii-sii loun-na, ma emi tao makalulutuk duin-na. Emi kee-kees sama leo kee-kee paa, fo taon leo ulek dae dale neu.

YESAYA 52:5

Besak ia, Au ito-ato beek nia ia bai? Hataholi Babel-la, foo emi leondiak mesan. Sila fo, manatuni-ndeni emi-a, ala koao-ndaeao, ma lakadadaek Au lakandondoo henin.

YESAYA 51:23

Au fe doidosok ndia, neu hataholi manatuni-ndeni emi, fo nadenu emi mangape'uk hai meme dae lain so, fo ana heheta-aa'i emi, nono'kabai, emi da'di enok, fo hataholi-la'ok tunga lain.”

YESAYA 14:6

fo ala tuni-ndeni leoina-la no nasa-meluk, ma ala fepa-li'us lakandondoo henin

MAZMUR 68:13

Manek-kala loo solda'dun-nala, lalai so!” Ala lalai sama leo manupui kalua ana laa fo nalai. Basa inak mania uma-la, ala baba'e, lilofulak ma lilopilas nanala'o elak-kala. Leomae Manetualain anan-nala, makadotok ta tunga natee-natatik-ka fa, tehu ala sengi.

RUT SUSULAN-NA 1:20

Boema Naomi nae, “Boso maloo au mae Naomi, te maloo au mae Mara, nana Manetualain Fo Manakoasa po'ilotak au so'dang-nga, henuk no makahe'duk.

ULANGAN 26:6

Hataholi Masir-ra, ala tuni-ndeni ami, ma ala lakaseti ami, fo ami maue-male'di da'di leo ata.

ULANGAN 4:20

Tehu emi nde been-na, leoina fo nanasoi-tefak neme Masir mai, mamanak fo emi doi-doso manseli. Noo emi kalua meme nusak ndia mai, fo ela emi da'di Ndia leoinan, sama leo besak ia.

IMAMAT 25:53

nono'kabai naue-nale'di sama leo hataholi mana'a ngga'di, fo basa teuk-ka besak-ka bae ngga'din-na. Ata ndia tuan-na, ta bole taon no balakaik fa.

IMAMAT 25:46

ma emi boeo, bole fe emi anam-mala, da'di sila atan losa mate. Tehu emi ta bole tao balakaik neu emi nonoom fo hataholi Israel-la fa.

IMAMAT 25:43

Da'di, hataholi Israel fo nase'o aoinan-na neu emi-a, emi ta bole tao balakaik neu fan. Ela leo been-na, emi bii-mamata'u neu emi Manetualaim-ma.

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

KELUARAN 1:13

Boema ala tuni-ndeni hataholi Israel-la no dale susue-lalai taak,

KEJADIAN 15:13

Manetualain nafa'dan nae, “Mafandendelek, te neukose o tititi-nonosim da'di hataholi manamai, nai nusa fe'ek; neukose ala da'di ata nai ndia, ma neukose nanatuni-ndenik teuk natun haa dalen-na.

KELUARAN 1:11

Boema hataholi Masir-rala so'u manamanea, fo lanea leoina Israel-la, fo tao susa so'dan-nala nenik bela-ba'u mabelaina-la. Lakasetis, fo lafofo'a fe manek Masir-ra kota Pitom ma Raamses, fo da'di mamana pepe'da bua-lo'as.

KELUARAN 1:15

Basa boema, manek Masir-ra fe paleta neu Sifra ma Pua, fo nai lelek inak Ibrani-la, ala bongi soona, inak ka duak sila-la nde lakabobongik-kasa.

1RAJA-RAJA 12:14

Nandaa no hataholi muli-solu kala nanoli-nafa'dan, de nafa'da nae, “Au amang fe emi lelepa mabela, tehu neukose au fe emi lelepa mabela lena seluk bai. Ana fepa-li'u emi nenik ue, tehu neukose au fepa-li'u emi nenik ue besik!”

AMSAL 28:15

Hataholi mangalauk, fo ana koasa hataholi manato'a-taak-ka, sama leo singa manamangaok-ka, do meoasu, fo ana sapu-na hataholi.

MAZMUR 129:1

Nakamee dodonge-dadamak. Israel, mafa'da leon, tao leo bee de, musu-a fepa-li'u o, neme lelek o muli-solum-ma mai.

YESAYA 10:24

Manetualain Fo Manakoasa, nafa'da anan manaleo nai Sion-na nae, “Boso bii-mamata'u neu hataholi Asyur-ra, leomae ala tuni-ndeni ma fepa-li'u emi, sama leo makahulun-na hataholi Masir-ra tataon-na.