KEJADIAN 1:2 - Susula Malalaok Hehelu Palak Ma Hehelu Beuk

² daebafak-ka beita nalupa hata esa boen, ma beita nanaito-atok fa. Tasi matuaina liin-nala napoponu, de ana sa'e-na basa hata lala'en-na, ma makiu-makahatuk-ka potin-nan, tehu Manetualain koasan-na nakabale nai oe lain.

KEJADIAN 1:2 Referans Kwoze

YEREMIA 4:23

Au mete leo daebafak-ka neu, au itan louk, ma tokotiik, au anganalo leo lalai neu, ta hapu hata nasalaa fa.

MAZMUR 104:30

Tehu metema, O fes ani hahaek soona, sila nananakadada'dik; O fe so'da beuk neu daebafak-ka.

YESAYA 45:18

Manetualain nde nakadada'dik lalai-a, Ndia nde Manetualain-na! Ndia nde manamakadada'dik ma manafe daebafak-ka lupak, Ana taon-nan, natea-nahele, ma napadeik nahele. Ana ta taon-nan da'di mamana nee-nee lino-linok fa, tehu soaneu mamana leleok. Ndia nde nafa'da nae, “Au nde Manetualain, de ta hapu fe'ek fa.

MAZMUR 33:6

Manetualain fe paleta, boema lalai-a da'di; nakadada'dik le'do-a, bulak-ka ma nduuk-kala neme hala-kokolan mai.

AYUB 26:7

Manetualain nakapepela lalai nai tasi maloaina poin-na, ma Ana lolo'e daebafak-ka neu mamana louk.

AYUB 26:14

Tehu basa sila-la, ka'da ta'du-tana neme koasan-na mai; ka'da namakukutuk esa, fo ana losa ita di'idoon-na. Ita malelan-na, ka'da faaanak mesan, la'eneu Manetualain ma koasa matuainan-na!”

NAHUM 2:10

Niniwe lutu-lutu so, ana da'di mamana nees ma na'u-aiana, ta moli nai ndia so'on. Hu kande, bibii-namata'uk-ka de laun-na dalen-nala makasufu. Lungulangak-ka nakamate ma dele ngge'be-ngge'be. Basa hataholi-la mata panan-nala befula.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

ULANGAN 32:11

Sama leo manupui balupua, ana nanoli anan-nala fo ala laa ana ho'us nenik li'da manamakapepelan-na ma Ana ko'os nai li'dan-nala.

AYUB 38:9

Au nde lala ketu tasi-a, nenik ko'as-sa, de Au potin nenik makahatuk-ka.

MAZMUR 104:6

O poti ketun nenik tasi maloaina, de oen-na lifu-na, letelepak-kala poin-na.

MAZMUR 136:6

Ana bala daebafak-ka neu oe lain; susue-lalain manaketu-basa tak, losa dodoon-na.

MAZMUR 148:7

Koa-kion leon, hai daebafak-ka oe-isin, hai buta tasi-la, ma tasi maloaina;

AMSAL 8:24

Bongi au te tasi maloaina beita nananakadada'dik fa, oe mata-la beita ka'di fas.

YESAYA 31:5

Sama leo manupui-a, nakapepela li'dan-na, nai ndunun lain, soaneu nasulu-nahapa anan-nala, leondiak boe Au, Manetualain Fo Manakoasa, neukose asulu-ahapa, ma asala'e, ma soi-tefa Yerusalem.”

AYUB 41:32

Ana la'oela ei mamanan fo, nangale'do-a, ana tao nasafali tasi-a, da'di fufu'dek, de dulan-na fulak.