IMAMAT 9:4 - Susula Malalaok Hehelu Palak Ma Hehelu Beuk

⁴ Madenus, fo ala tunu-hotu sapi mane esa, ma bi'ihii mane esa boe, fo soaneu tutunu-hohotuk mole-dame. Sila muse tunu-hotu basa sila-la, soaneu Manetualain, sama-sama no tutunu-hohotuk nana'ak fo nanatao mina, nanahu nai faik ia, Manetualain mai leo sila mais.”

IMAMAT 9:4 Referans Kwoze

KELUARAN 29:43

Nai ndia nde, neukose Au atongo o leoina Israel-la, ma Au ndela-sa'ang neukose taon-na mamanak ndia da'di malalao-malalafuk.

IMAMAT 9:23

Basa boema, Musa no Harun leu leo Manetualain Lalaa Teman dale leu. Basa ndia boema, ala kalua falik, de ala ba'e-pala hataholi Israel-la. Boema, basa hataholi Israel-la, lita Manetualain mamain-na ndela-sa'an.

IMAMAT 9:6

Boema Musa nafa'da nae, “Manetualain nadenu emi tao basa ia-la, fo ela emi hapu mita Manetualain mamain-na, ndela-sa'an.”

YESKIAL 43:2

de nai ndia nde, au ita managale'do-ka, nangale'do neme dulu mai, fo ta'du-tana la'eneu Israel Manetualain mamain-na. Manetualain halan-na, nananamanenek sama leo tasi maloaina nangguu, ma daebafak-ka mangale'dok, nanahu Manetualain mangale'don-na.

BILANGAN 16:19

Basa boema, Korah naloo nakabubua basa hataholi Israel-la lala'en-na, de lapadeik lasasalematak loo Musa no Harun, nai Manetualain Lalaa Teman-na lelesun-na bafan-na. No kaiboik, basa hataholi Israel-la lala'en-na, lita Manetualain mandela-masa'an nangale'do.

BILANGAN 14:10

Basa laun-na lala'en-na, ala kekeme, sanga tapa lenik-kasa batu, losa mates. Tehu no kaiboik, hataholi sila-la lita Manetualain masa'an-na to'da mai, nai Lalaa Teman lain.

IMAMAT 2:1

Metema, hataholi esa tunu-hotu tutunu-hohotu nana'ak soaneu Manetualain soona, tutunu-hohotuk ndia muse nalupa ha'desopuk neulauk, fo po'a mina setun ma boomenik neu lain.

KELUARAN 24:16

Manetualain ndela-sa'an kona nai letek ndia lain, de hataholi Israel-la litan sama leo ha'i-a pila nai letek-ka poin-na. Faik nee dalen-na, ko'as-sa poti-na letek ndia, de neu fai ka hitun-na boema, Manetualain naloo Musa neme ko'as ndia dalek mai.

KELUARAN 19:11

Binesak te, sila muse laheheleaon basa so. Nai faik ndia, neukose Au kona leo Letek Sinai lain u, nai mamanak fo nai bee, basa hataholi-la bisa lita Au.

KELUARAN 16:10

Lelek Harun bei kola-kola no basa-basas te, ala mete leo moo solokaek-ka neu, de no kaiboik, lita Manetualain ndela-sa'an nai ko'as dale.

IMAMAT 9:3

Boema, madenu leoina Israel-la, fo ala tunu-hotu bi'ihii mane esa, soaneu tutunu-hohotuk sala-singok hapu ampon, ma sapiana esa, boema bi'ilopoana esa, teuk beke esak, ma ta lu'u-la'ak fa, fo soaneu tutunu-hohotu nanatunuk.

IMAMAT 9:5

Leni Musa helu basa hata-la, leo lalaa Temak-ka matan-na neu, ma basa salanik lala'en fo lakabubua lai ndia soaneu ala sene-do'ok neu Manetualain.

IMAMAT 3:1

Metema, hataholi esa tunu-hotu sapi esa, soaneu tutunu-hohotuk mole-dame soona, sapi ndia bole sapi mane, ma bole sapi ina, tehu ta bole la'u-la'ak fa.

YESKIAL 43:27

Basa fai ka hituk sila-la soona, imam-mala muse mulai fe tutunu-hohotuk, nai mei tunu-hotuk ndia lain, tutunu-hohotu nanatunuk, ma tutunu-hohotu mole-dame soaneu laun-nala. Soona neukose, Au sue-lai emi basa-basam-mala. Au, Manetualain Fo Mademaina, nde manakokolak-ka.”