IMAMAT 9:24 - Susula Malalaok Hehelu Palak Ma Hehelu Beuk

²⁴ No kaiboik, Manetualain nakona ha'i mai, de hotu heni tutunu-hohotu nanatunuk-kala, ma paa bibiak mamina manai mei tunu-hotuk lain-na. Lelek hataholi Israel-la litan boema, ala eeki-latadale ma ala sene-do'ok.

IMAMAT 9:24 Referans Kwoze

HAKIM-HAKIM 6:21

Basa boema, Manetualain ata nusa so'dak ndia look liman-na neu, de ana due paa ma loti ndia, nenik ana ho'u aianak-ka pe'dan-na. Boema, batu ndia ana pila, de ha'i na'a heni paa ma loti ndia. Basa boema, ata nusa so'dak ndia, mopok-kana.

1 TAWARIKH 21:26

Boema Dauk napadedeik mei tunu-hotuk esa neu dia soaneu Manetualain, de ana fe tutunu-hohotuk nanatunuk, ma tutunu-hohotuk mole-dame. Basa boema ana hule-haladoi de Manetualain nataa hule-haladoin ndia nenik Ana haitua ha'i neme lalai mai de na'aheni tutunu-hohotuk manai mei tunu-hotuk ndia lain.

MAZMUR 80:1

Soaneu mauli-malanga nakameek-ka. Tunga nakameek: Laisona se'bang-nga. Asaf fe sakasii Kokoa-kikion.

HAKIM-HAKIM 13:23

Boema, saoinan-na nataa nae, “Metema, memak Manetualain nau taonisa ita soona, tao leo bee-o, Ana ta nau sipo, ita tunu-hotu fen tutunu-hohotuk-ka; boeo, neukose ta natu'du basa ia-la neu ita, do nafa'da basa dede'a-dede'ak, fo nafa'da basan neu ita so.”

KELUARAN 3:2

Nai ndia, Manetualain ata nusa so'dan esa, natu'du aoinan-na neun, nai ha'i manapilak-ka dalek, fo ha'i manapilak ndia, ana kalua neme makatemak-ka tala'da mai. Musa nita makatemak-ka pila, tehu ha'i-a, ta na'a makatemak ndia fa.

KEJADIAN 15:17

Lelek le'odae boema, no kaiboik la'o esa masu-masu, ana to'da mai no obol manapilak, boema ala la'ok tunga paa bibiak sila-la tala'da.

NINITAK 7:11

Basa ata nusa so'da kala lapadeik okofefeo la kandela mane ka, ma basa lasi-lasi nala, boema mahahae kahak sila la. Ata nusa so'dak sila la bala leu kandela mane ka mata na, boema ala sene-do'ok Manetualain.

NINITAK 5:8

Bi'ilopo Ana ndia beitao leondiak te, mahahae kaha kala ma lasi-lasik kaduahulu hak sila la, bala leu mata na. Sila esa soona, ana ho'u sasanu ma mango lilopilas fo isi na boominik, fo nde Manetualain hataholi kamahehele nala huhule-haladoin.

MATEOS 26:39

Basa boema Ana la'ok leo uluk neu doo-doo ana faa, de Ana senek boema Ana hule-haladoi nae. “Ama, metema Ama nau soona, madok doidosok fo Au muse lu'a-lepan ia neme Au a mai. Tehu boso tunga Au hihii-nanaung, te tunga ka'da Ama hihii-nanaun.”

EZRA 3:11

Laun-nala lakamee nakamee kokoa-kikiok ba'eneu Manetualain, no lakamee lakafafalik nakameek-ka mate'en-na, fo liin-na nae leo ia, “Manetualain ndia malole; ma susue-lalain neu Israel, matea-mahelek losa dodoon-na.” Basa laun-nala eeki-latadale, ma koa-kio Manetualain, nana ala tao Manetualain Uman laten-na so.

NINITAK 4:9

Mahahae kahak sila la lakamee nakamee kokoa-kikiok, ha'da-holomata, ma makasi neu Ndia fo nangatuuk nai kandela manek ndia lain, fo nde Ndia fo naso'da losa dodoo na. Ma nai lelek mahahaek sila lakamee soona,

2TAWARIKH 6:2

Besak ia au afofo'a uma Mandela-masa'ak esa ba'eneu O, soaneu da'di O mamana leleom-ma losa dodoon-na.”

2RAJA-RAJA 19:15

boema ana hule-haladoi nae, “Manetualain, fo Israel Manetualain fo nangatuuk nai Kerub lain-na, ka'da O mesa-mesam-ma, nde Manetualain fo koasa basa nusak lala'en-na nai daebafak-ka poin-na. O nde makadada'dik lalai ma daebafak-ka.

BILANGAN 16:22

Tehu Musa no Harun senek, de lafa'da lae, “Ou Manetualain, O nde fe maso'dak neu basa hata maso'dak lala'en-na. Metema ka'da hataholi esa mesak-kana nde nasala-nasingo soona, ade O mamanasa basa hataholi Israel-la lala'en-na do?”

BILANGAN 14:5

Boema musa no Harun, senek leu basa laun-na matan-na.

KEJADIAN 17:3

Boema, Abram senek, de basa boema, Manetualain nafa'da nae,

IMAMAT 10:2

Boema Manetualain nakona ha'i-a mai, de ana hotu nisas nai Manetualain Lalaa Teman dale.

BILANGAN 23:21

Ta tita tatao-nono'i mangalauk nai Yakob fa; Ta tita toto'a-tataak nai Israel fa. Manetualain, fo sila Manetualain-na sama-sama nos.