IMAMAT 6:18 - Susula Malalaok Hehelu Palak Ma Hehelu Beuk

¹⁸ Losa dodoon-na, basa touk fo Harun tititi-nonosin-nala, bole la'a loti ndia; ndia nde da'di sila baba'e mahelen-na, neme nana'ak fo nanatunu-hotuk soaneu Manetualain. Hataholi fe'ek koila'e nana'ak nanatunu-hotu basak ndia soona, neukose ana hapu soe, nanahu nana'ak ndia malalao-malalafun-na.

IMAMAT 6:18 Referans Kwoze

BILANGAN 18:10

Ndia nde been-na, malalao-malalafuk ba'eneu o, da'di o muse mu'an nai mamana malalao-malalafuk boe. Tehu ka'da touk-kala bole la'an.

IMAMAT 6:29

Basa touk manai imam-mala teidale-bobongin dalek-ka, bole la'a paa tutunu-hohotu malalao-malalafuk nanseli ndia.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

1 PETRUS 1:16

Nai Susula Malalaok dale nanasulak nae, “Ela leo bee na emi malalaok, nanahu Au malalaok.”

IMAMAT 6:27

Su'di see, do su'di beek boe, fo ana koila'e bana ndia paan-na soona, neukose ana hapu soe, nanahu paa ndia malalao-malalafun be'i-balakain-na. Metema, bana ndia daan-na la'e ba'du esa soona, muse safe ba'du ndia nai mamanak fo nanahele hehelik.

IMAMAT 3:17

Hataholi Israel-la, ta bole la'a minak do daak makandondook fa. Nakanenetek ndia, nanapakek losa dodoon-na, de hataholi Israel-la muse tungan, leomae ana leo su'di nai bee boe.

KELUARAN 29:37

Tao leondiak tunga faik, nai faik hitu dalen-na. Soona mei tunu-hotuk-ka aoinan-na lala'en-na da'di malalao-malalafuk; su'di beek fo la'e mei tunu-hotuk ndia soona, muse fen neu Manetualain, ma su'di see fo ana koila'en soona, neukose ana hapu soe, nanahu mei tunu-hotuk ndia malalao-malalafun bei-balakain.”

1 KORINTUS 9:13

Tao leo beeo emi bubuluk basa hataholi manamalalau-maoono nai Manetualain Uman dale a, ana sipo nana'ak neme Manetualain Uma na mai. Ma hataholi fo manaito-ato nai mamana fee-fee tutunu-hohotu ka, ana hapu baba'ek esa neme tutunu-hohotuk fo nanafek manai ndia.

IMAMAT 6:19

Manetualain fe seluk Musa nakanenetek-kala nde ia,

IMAMAT 7:6

Basa touk manai imam-mala teidale-bobongin-na dalek, bole la'a paa tutunu-hohotuk ndia, tehu muse la'an nai mamanak fo nanahele hehelik, nanahu tutunu-hohotuk ndia malalao-malalafuk nanseli.

BILANGAN 18:8

Manetualain nafa'da Harun nae, “Mafandendelek! Te basa tunu-hotu hehelik fo aia fen leo Au mai, tehu ta nanatunuk fa soona, o nuum ndia. O baba'em-ma nde ndia, fo ndia nananaketu basak losa dodoon-na so. Au fe baba'ek ndia neu o, ma neu o tititi-nonosim.

IMAMAT 4:3

Metema manatao sala-singok-ka nde Imam Matuaina, nalosa basa leoina Israel-la tao salak soona, muse ana tunu-hotu fe Manetualain, sapi maneanak esa, ta lu'u-la'ak fa, fo ela sala-singon hapu do'o do ampon.

IMAMAT 4:24

Muse, ana lalaa liman-na neu bana ndia langan lain, boema ana do'don nai mei tunu-hotuk-ka boboan kii, fo nai mamana do'do bana, soaneu tutunu-hohotu nanatunuk.

IMAMAT 4:33

Muse, ana lalaa liman-na neu bana ndia langan lain, boema ana do'don nai mei tunu-hotuk-ka boboan kii, fo mamana do'do bana soaneu tutunu-hohotu nanatunuk-ka.

IMAMAT 6:10

Lelek tutunu-hohotuk ndia putun, fo ana da'di afu soona, imam-ma pake lopo ei keke'uk, ma ba'du manalu tema abalutu, fo muse ana hulu-na afu maminak ndia neme mei tunu-hotuk lain mai, fo pe'dan neu mei tunu-hotuk-ka boboan-na.