IMAMAT 6:16 - Susula Malalaok Hehelu Palak Ma Hehelu Beuk

^16-17 Muse ana tao ha'desopu lenak-ka da'di loti fo ta pake laluteik fa, fo imam-mala la'an nai mamanak fo nanahele hehelik, fo nde: nai Manetualain Lalaa Teman-na so'dan-na. Fo Manetualain fe basa imam-mala baba'en neme tutunu-hohotu nana'ak-ka mai-a, nde ndia. Nana'ak ndia malalao-malalafuk nanseli, sama leo tutunu-hohotuk fo sala-singok hapu do'o do ampon, ma tutunu-hohotuk bae hutak-ka.

IMAMAT 6:16 Referans Kwoze

YESKIAL 44:29

Sila muse laso'da leme tutunu-hohotu gandum, tutunu-hohotuk fo, sala-singok hapu do'o do ampon, ma tutunu-hohotu bae huta-bu'uk-ka mai; basa hata lala'en fo, nanafe hehelik neu Au, muse fes leo sila neu.

IMAMAT 2:3

Tutunu-hohotuk nana'a lenak-ka nde been-na, soaneu basa imam-mala. Tutunu-hohotuk ndia malalao-malalafuk nanseli, nanahu ho'in neme nana'ak fo tunu-hotu basan soaneu Manetualain so.

IMAMAT 6:26

Imam-ma muse tunu-hotu tutunu-hohotuk ndia, fo muse na'an nai mamanak fo nanahele hehelik, fo nde nai Manetualain Lalaa Teman-na, so'dan-na.

KELUARAN 12:8

Le'odaek ndia boe, muse dala paan-na, fo la'an no aidoo makaheduk ma loti fo kamen ta pake laluteik fa.

1 KORINTUS 5:8

Da'di mai fo ata teu tao ita fetan ndia, ninik loti lalutei ta ka, fo nde loti fo ana dadi ta'du matetu-mandaak esa nae, basa-basan nandaa no Manetualain dale na. Ita boso tao feta Paskah ndia ninik loti fo nanapake laluteipalaak fo nde lalutei sala-singo ka ma tatao-nono'i mangalau ka.

IMAMAT 5:13

Enon-na leondiak, imam-ma tunu-hotu tutunu-hohotuk soaneu hataholi ndia sala-singon, soona neukose, Manetualain fe do'o do ampon neun. Imam-ma baba'en-na nde ha'desopu lenak ndia, sama leo tutunu-hohotuk gandum-ma boe.

BILANGAN 18:8

Manetualain nafa'da Harun nae, “Mafandendelek! Te basa tunu-hotu hehelik fo aia fen leo Au mai, tehu ta nanatunuk fa soona, o nuum ndia. O baba'em-ma nde ndia, fo ndia nananaketu basak losa dodoon-na so. Au fe baba'ek ndia neu o, ma neu o tititi-nonosim.

IMAMAT 6:23

Basa tutunu-hohotu nana'ak, fo imam-ma tunu-hotun, muse tunu la'iesak-kana, ta bole na'a faaanak boen.

2TAWARIKH 31:14

Kore fo Yimna anan-na da'di manamanea-la malangan nai Manetualain Uman-na Lelesuinan Dulu, ana hapu bela-ba'uk soaneu sipo boa-boa fo nanafek neu Manetualain-na, boema ana baba'e boa-boa sila-la.