IMAMAT 5:9 - Susula Malalaok Hehelu Palak Ma Hehelu Beuk

⁹ Muse pisi manupui ndia daan-na neu mei tunu-hotuk-ka boboan-na, ma keke'e bei ela daak manai maupui ndia aon dale-a, fo ana pisok leo mei tunu-hotuk-ka sosolon dale neu, fo soaneu tutunu-hohotuk sala-singok hapu do'o do ampon.

IMAMAT 5:9 Referans Kwoze

IMAMAT 4:34

Imam-ma, muse dope limaku'un-na leo daak ndia dalek neu, fo ana losen neu mei tunu-hotuk-ka susulan manai bu'un haas, ma ana pisi daak fo bei elak-ka leo mei tunu-hotuk-ka sosolon dale neu.

IMAMAT 4:30

Imam-ma, muse dope lima ku'un-na leo bana ndia daan dale neu, fo ana losen neu mei tunu-hotuk-ka susulan-nala nai mei-a bu'un haas, ma ana pisi daak fo bei elak-ka leo mei tunu-hotuk-ka sosolon dale neu.

IMAMAT 4:18

Muse, ana lose daak ndia seli neu mei tunu-hotu boomenik-ka susulan manai bu'un haas, nai Lalaa Temak dale, boema muse ana pisi daak fo bei elak ndia, neu mei tunu-hotu nanatunuk-ka sosolon dale, nai Lalaa Temak-ka lelesun-na bafan-na.

IMAMAT 4:7

Muse, ana lose daak ndia seli neu mei tunu-hotu boomeni kaboomenik-ka, susulan manai bu'un haas, nai Lalaa Temak dale, boema, muse ana pisi daak fo bei elak ndia, neu mei tunu-hotu nanatunuk-ka sosolon dale, nai Lalaa Temak-ka lelesun-na, uluk.

IMAMAT 4:25

Imam-ma muse dope limaku'un-na leo bana ndia daan dale neu, fo ana losen neu mei tunu-hotuk-ka susulan-nala nai mei bu'un haas, ma ana pisi daak fo bei elak-ka leo mei tunu-hotuk-ka sosolon dale neu.

IBRANI 12:24

Emi mai masasale matak mo Yesus, fo Lelete soaneu hehelu-balataa beuk ndia. Emi masasale matak mo daa nanapisi ka, fo malole na lenaheni Habel daa na.

IBRANI 2:10

Memak nandaa Manetualain fo mana makadada'dik basa hata lala'ena soaneu dale dudu'a na mesa kana, Ana tao Yesus manasoi-tefa fo matetu-mandaak, tunga doi-doson. No enok ndia, fo Manetualain nalo hataholi ba'u ka, soaneu ala tunga nananamatutua-namadedemak sama-sama lo Yesus. Nanahu Ndia nde manasoi enok ba'eneu sila soaneu bisa nanasoi-tefak.

YESAYA 42:21

Manetualain nau soi-tefa; Ana hii fe ha'da-holomata, ma mamatutua-mamadedema hoholo-lalanen.

IMAMAT 7:2

Bana soaneu tutunu-hohotuk ndia, muse do'don nai mamanak do'do bana, soaneu tutunu-hohotu nanatunuk-ka, boema pisi daan-na neu mei tunu-hotuk-ka boboan haas.

IMAMAT 1:15

Imam-ma muse neni manupui ndia leo mei tunu-hotuk-ka neu, fo ana po'de la'di lesuha'in-na, fo tunu langan-na nai mei tunu-hotuk lain. Muse lose manupui ndia daan-na neu mei tunu-hotuk-ka boboan-na.

IMAMAT 1:5

Basa soona, muse ta'ti sapi ndia nai Lalaa Temak-ka lelesun-na, bafan-na. Imam-imam fo Harun tititi-nonosin-nala, muse tunu-hotu daan-na soaneu Manetualain boema pisi daak ndia neu mei tunu-hotuk-ka boboan haas, fo nai Lalaa Temak-ka lelesun-na matan-na.