IMAMAT 5:16 - Susula Malalaok Hehelu Palak Ma Hehelu Beuk

¹⁶ Hataholi ndia, muse bae tunu-hotuk fo ana ta fe ndia fa, ma ana popo-tama seluk baba'ek lima neme bi'ilopo do bi'ihiik-ka belin-na mai. Basa soona, muse neni bana ndia leo imam-ma neu, fo imam-ma tunu-hotun soaneu hataholi ndia, soona neukose, Manetualain fe do'o do ampon neun.

IMAMAT 5:16 Referans Kwoze

BILANGAN 5:7

hataholi ndia, muse manaku sala-singon, ma ana bae namadai leo hataholi fo nakatutu'dak-kana ndia, ma ana bae popo-tama seluk palsen duahulu neme baba'e makasososan-na mai.

IMAMAT 22:14

Metema hataholi esa imam-ma teidale-bobongin ta ndia fa, boema ta name'da fa te na'a nana'ak fo nanatunu-hotuk ba'eneu Manetualain soona, muse ana bae ngganggatin-na leo imam-ma neu, ma ana popo-tama seluk-kana nenik baba'ek 20 neme baba'ek natun esa mai.

IMAMAT 27:31

Metema hataholi esa, ana nau soi falik buna-boak sila-la seli soona, muse ana bae belin fo nananaketu basak-ka, ma popo-taman no baba'ek duahulu, neme buna-boak sila belin-na mai.

IMAMAT 27:27

Tehu, bole soi bana nalulik-ka ana makasososan-na tunga belik fo nanapakek nai Manetualain Lalaa Teman-na, ma popo-taman no baba'ek dahulu neme bana ndia belin-na mai. Metema ta soi fan soona, bole nase'o bana ndia leo hataholi fe'ek neu, tunga belik fo nanapakek nai Manetualain Lalaa Teman-na.

IMAMAT 27:15

Metema hataholi ndia, ana nau soi falik uman-na soona, muse ana bae belin-na, ma ana popo-taman nenik baba'ek duahulu neme uma ndia belin-na mai.

IMAMAT 27:13

Metema hataholi ndia, ana nau soi falik banan-na soona, muse ana bae belin-na ma ana popo-taman no baba'ek duahulu neme bana ndia belin-na mai.

IMAMAT 5:10

Basa ndia soona, Imam-ma tunu-hotu manupui ka dua, fo soaneu tutunu-hohotu nanatunuk-ka, nandaa no nakanenetek-ka. Enon-na leondiak, imam-ma tunu-hotu tutunu-hohotuk soaneu hataholi ndia, soona neukose, Manetualain fe do'o do ampon neu hataholi ndia sala-singon.

HATAHOLI 26:20

Au kokolak no mangale'dok o hataholi la ae, sila muse tukatei-saledale leme sala-singo nala mai, fo ala fe so'da na leo Manetualain neu, ma latu'dun nai maso'da nala dalek lae, sila tukatei-saledale leme sala-singo nala mai so. Au afa'da dede'ak ndia makasososa na neme Damsyik, de basa boema neme Yerusalem, ma neme basa Yudea lala'ena, ma neme basa hataholi ta Yahudi la tala'da.

LUKAS 19:8

Nai uman, Zakeos fo'a napadeik de nafa'da Yesus nae, “Lamatuak, au hata-heto ngala seli, neukose au fe hii kasa leo hataholi nuu ta-hata ta kala, ma see boe fo au ke'dindiu hain soona, neukose au bae fali kana la'i ha!”

MAZMUR 69:4

Au aloo bou-bou, losa au sota-mangu ma au botolii koko'dong-nga, namatuu. Au matang-nga nakete nana au ahani, au Manetualaing-nga, tutulu-fafalin.

IMAMAT 5:13

Enon-na leondiak, imam-ma tunu-hotu tutunu-hohotuk soaneu hataholi ndia sala-singon, soona neukose, Manetualain fe do'o do ampon neun. Imam-ma baba'en-na nde ha'desopu lenak ndia, sama leo tutunu-hohotuk gandum-ma boe.

IMAMAT 5:6

Ma soaneu sala-singon nanasoi-tefak, muse neni bi'ilopo esa, do bi'ihiiina esa, soaneu Manetualain. Imam-ma muse tunu-hotu tutunu-hohotuk ndia, fo ela hataholi ndia sala-singon, hapu do'o do ampon.

IMAMAT 4:26

Basa soona, muse tunu la'iesak bana ndia minan-na nai mei tunu-hotuk lain, sama leo tutunu-hohotu mole-dame-a boe. Imam-ma tataon-na leondiak, soaneu ana fe tutunu-hohotuk ba'eneu hataholi manakoasa esa, soona neukose, Manetualain fe do'o do ampon neu hataholi ndia sala-singon.

KELUARAN 22:1

“See namanako-na sapi do bi'ilopo esa, boema ana do'don do nase'on soona, muse ana nggati sapi ndia nenik sapi lima ma bi'ilopo ndia nenik bi'ilopo haa.

IMAMAT 7:2

Bana soaneu tutunu-hohotuk ndia, muse do'don nai mamanak do'do bana, soaneu tutunu-hohotu nanatunuk-ka, boema pisi daan-na neu mei tunu-hotuk-ka boboan haas.

BILANGAN 5:8

Teu metema, hataholi fo ana tao nakatutu'dak-ka maten so, tehu tolanoo ka'a-fa'din manadekan ta, soona muse fe doi sosoin ndia leo Manetualain neu, fo da'di imam-ma baba'en. Hataholi masalak ndia bi'ilopo manen fo soaneu feta sala-singon hapu do'o do ampon-na, ta nanalekek nai doi sosoin ndia dalek fa.

SEMUEL SUSULAK-KA ESAN-NA 6:3

Boema lataa lae, “Emi boso meni falik Israel Manetualain-na Peti Hehelu-balataan ndia, ka'da leondiak mesan, tehu muse menin no bua palsen, fo soi-tefa emi sala-singom. No enok ndia, neukose emi lea-hai, ma neukose emi bubuluk, tao le'e de, Israel Manetualain ndia, huku emi do'e-do'e.”

IMAMAT 4:20

Tataon-na sama leo tunu-hotu sapi mane soaneu tutunu-hohotuk fo sala-singok hapu do'o do ampon. Tataon-na leondiak, ba'eneu Imam Matuaina tunu-hotu tutunu-hohotuk soaneu salanik-ka sala-singon-nala, soona neukose, Manetualain fe do'o do ampon neu sala-singok sila-la.