IMAMAT 5:10 - Susula Malalaok Hehelu Palak Ma Hehelu Beuk

¹⁰ Basa ndia soona, Imam-ma tunu-hotu manupui ka dua, fo soaneu tutunu-hohotu nanatunuk-ka, nandaa no nakanenetek-ka. Enon-na leondiak, imam-ma tunu-hotu tutunu-hohotuk soaneu hataholi ndia, soona neukose, Manetualain fe do'o do ampon neu hataholi ndia sala-singon.

IMAMAT 5:10 Referans Kwoze

IMAMAT 4:26

Basa soona, muse tunu la'iesak bana ndia minan-na nai mei tunu-hotuk lain, sama leo tutunu-hohotu mole-dame-a boe. Imam-ma tataon-na leondiak, soaneu ana fe tutunu-hohotuk ba'eneu hataholi manakoasa esa, soona neukose, Manetualain fe do'o do ampon neu hataholi ndia sala-singon.

IMAMAT 4:20

Tataon-na sama leo tunu-hotu sapi mane soaneu tutunu-hohotuk fo sala-singok hapu do'o do ampon. Tataon-na leondiak, ba'eneu Imam Matuaina tunu-hotu tutunu-hohotuk soaneu salanik-ka sala-singon-nala, soona neukose, Manetualain fe do'o do ampon neu sala-singok sila-la.

1 YOHANIS 2:2

No Yesus Kristus tunu-hotu ao ina na, de ita sala-singon hapu do'o do ampon. Tehu ta ka'da ita mesa tala sala-singon hapu do'o do ampon fa te, basa hataholi daebafa ka sala-singon boeo, hapu do'o do ampon.

YAKOBIS 5:15

Metema ala hule-haladoi no namahehelek soona, neukose Amak Manetualain nakahahaik hataholi kamahe'dis ndia, ma Ana fe do'o do ampon neu sala-singok fo, ana tao no'i nana.

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

ROMA 5:11

Lenak neme ndia mai, ita boeo tamahoko nai Manetualain dalek, tunga ita Lamatuan Yesus Kristus. Nana besak ia ita hapu mole-dame ndia tunga Kristus.

IMAMAT 5:16

Hataholi ndia, muse bae tunu-hotuk fo ana ta fe ndia fa, ma ana popo-tama seluk baba'ek lima neme bi'ilopo do bi'ihiik-ka belin-na mai. Basa soona, muse neni bana ndia leo imam-ma neu, fo imam-ma tunu-hotun soaneu hataholi ndia, soona neukose, Manetualain fe do'o do ampon neun.

IMAMAT 5:13

Enon-na leondiak, imam-ma tunu-hotu tutunu-hohotuk soaneu hataholi ndia sala-singon, soona neukose, Manetualain fe do'o do ampon neun. Imam-ma baba'en-na nde ha'desopu lenak ndia, sama leo tutunu-hohotuk gandum-ma boe.

IMAMAT 4:35

Basa soona, muse ana ho'i-na la'iesak bana ndia minan-na, sama leo tutunu-hohotu mole-dame-a boe. Muse tunu bana ndia minan-na nai mei tutunuk-hohotuk lain, sama-sama no tutunu-hohotu nana'ak fo nanatunu-hotuk neu Manetualain. Imam-ma tataon-na leondiak, soaneu ana fe tutunu-hohotuk ba'eneu hataholi ndia sala-singon, soona neukose, Manetualain fe do'o do ampon neu hataholi ndia.

IMAMAT 4:31

Muse, ana ho'in-na la'iesak bana ndia minan-na, sama leo tutunu-hohotu mole-dame-a boe. Imam-ma, muse tunu bana ndia minan-na nai mei tunu-hotuk lain, fo daenga boon-na nandaa no Manetualain dalen-na. Imam-ma tataon-na leondiak, soaneu ana fe tutunu-hohotuk ba'eneu hataholi lauingu esa sala-singon, soona neukose Manetualain fe do'o do ampon neu hataholi ndia.

IMAMAT 5:6

Ma soaneu sala-singon nanasoi-tefak, muse neni bi'ilopo esa, do bi'ihiiina esa, soaneu Manetualain. Imam-ma muse tunu-hotu tutunu-hohotuk ndia, fo ela hataholi ndia sala-singon, hapu do'o do ampon.