IMAMAT 4:3 - Susula Malalaok Hehelu Palak Ma Hehelu Beuk

³ Metema manatao sala-singok-ka nde Imam Matuaina, nalosa basa leoina Israel-la tao salak soona, muse ana tunu-hotu fe Manetualain, sapi maneanak esa, ta lu'u-la'ak fa, fo ela sala-singon hapu do'o do ampon.

IMAMAT 4:3 Referans Kwoze

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

IMAMAT 9:2

Musa nafa'da Harun nae, “Pa'a-ma sapi maneanak esa, ma bi'ilopo mane esa, duas ta lu'u-la'ak fa. Tunu-hotu bana ka duak sila-la soaneu Manetualain, fo sapi mane-a, soaneu tutunu-hohotuk sala-singok hapu ampon, ma bi'ilopo mane-a, soaneu tutunu-hohotuk nanatunuk.

IMAMAT 4:14

boema no lai-laik, sala-singok ndia nanabubuluk soona, salanik-kala muse leni sapi maneanak esa leo Manetualain Lalaa Teman-na bafan-na neu. Bana ndia muse nanatunu-hotuk, soaneu tutunu-hohotu sala-singok-ka, hapu do'o do ampon.

IBRANI 5:3

Ma hu ka nde tapandoen ndia de, metema ana fe tutunu-hohotuk, soona ta ka'da hu ka nde hataholi kamahehele kala sala-singo nala fa, te huka nde ndia sala-singo nala boe.

EZRA 8:35

Nai faik ndia boe, basa hataholi fo manafali ma'is leme mamana tu'u-tapak mai ndia, ala fe tutunu-hohotu nanatunuk neu Israel Manetualain-na. Ala tunu-hotu sapi mane sanahulu dua, soaneu basa Israel-lala'en-na, bi'ilopo mane siohulu nee, ma bi'ilopoana hituhulu hitu; fe'ek neme ndia mai boe, ala tunu-hotu bi'ihiik sanahulu dua, soaneu tutunu-hohotu do'o do ampon ba'eneu sila boe. Ala tunu basa bana sila-la, da'di leo tutunu-hohotuk soaneu Manetualain.

ROMA 8:3

Hata fo agama hoholo-lalanen ta hapu tao nala fan, hu ka nde ita hataholi daebafa ka tapandoe na, Manetualain tao basan so. Manetualain sengi sala-singo ka koasa na nai hataholi daebafa ka ha'da-tatao na dalek, ninik Ana haitua Ana na mai no heheo-hihilun sama na leo hataholi daebafa masala-masingo ka, fo Ana kokaheni sala-singo ka.

YESKIAL 43:19

Ka'da imam fo, leme Zadok neme leo Lewi-a, tititi-nonosin, nde bole mai leo Au matang mai, fo ala tao mamasok. Au, Manetualain Fo Mademaina, nde fe paleta ndia. Fes sapi maneanak esa, soaneu tutunu-hohotuk fo, sala-singok hapu do'o do ampon.

KELUARAN 29:21

Ho'i-ma daak manai mei tunu-hotuk lain-na, faaanak ma mina feta fo pisin neu Harun no anan-nala, boema bua-lo'a papaken-nala. No enok ndia, Harun no anan-nala boema bua-lo'a papaken-nala nanahele hehelik ba'eneu Au.

KELUARAN 29:14

Sapi mane ndia paan-na, loun-na ma ganggaen-na, muse tunus nai mamana oofuk-ka deak. Ndia nde da'di tutunu-hohotuk soaneu basa imam-mala sala-singon hapu do'o do ampon.

KELUARAN 29:7

Boema ho'i-ma mina feta fo po'an neu langan lain ma lose neu aon-na.

BILANGAN 8:8

Boema madenus, fo ala pa'a-la sapi maneanak esa, no tutunu-hohotu nana'ak, fo taon neme ha'desopu nanasese'dok mina. Boema, o muse pa'a-ma sapi mane fe'ek esa, soaneu tutunu-hohotuk fo sala-singok hapu do'o do ampon.

IMAMAT 16:11

Harun tunu-hotu, ma ana do'do basa sapi mane-a, soaneu tutunu-hohotuk neu ndia no teidale-bobongin-nala sala-singon hapu do'o do ampon,

IMAMAT 16:6

Harun muse tunu-hotu sapi mane esa, soaneu tutunu-hohotuk neu ndia no teidale-bobongin-nala sala-singon hapu do'o do ampon.

IMAMAT 8:12

Basa ndia boema, Musa ndo ei Harun, nenik ana po'a mina feta faaanak leo Harun langan lain neu.

IMAMAT 5:6

Ma soaneu sala-singon nanasoi-tefak, muse neni bi'ilopo esa, do bi'ihiiina esa, soaneu Manetualain. Imam-ma muse tunu-hotu tutunu-hohotuk ndia, fo ela hataholi ndia sala-singon, hapu do'o do ampon.

KELUARAN 30:10

Harun muse tao nalalao-nalalafu mei tunu-hotuk-ka teuk esa la'iesa nenik ana pisi mei tunu-hotuk-ka bana susulan haas nenik bana fo nanatunu-hotuk soaneu sala-singok hapu do'o do ampon, daan-na. Ana muse tao leondiak tunga teuk ma neme bobongik leo bobongik neu. Mei tutunu-hohotuk ndia muse malalao-malalafuk ma nanafe hehelik soaneu Au.”

IBRANI 9:12

Kristus masok leo Kama Malalao Malalafuk manai uma lopo ndia dalek, ka'da la'iesa mesa kana, soaneu losa dodoo na. Nai lelek ndia, Ana ta nini bi'i mane daa, do sapi ana daa soaneu tutunu-hohotuk fa, tehu nini daa na mesa kana, ma no enok ndia, Ana soi-po'i ita losa dodoo na.

IMAMAT 4:5

Muse neni daan-na seli leo Lalaa Temak dale neu.

IMAMAT 4:23

boema no lai-laik name'da-nan soona, muse ana tunu-hotu bi'ihii mane esa, ta lu'u-la'ak, soaneu sala-singon hapu do'o do ampon.

IMAMAT 4:28

boema no lai-laik name'da-nan soona, muse ana tunu-hotu bi'ihiiina esa, ta lu'u-la'ak fa.

BILANGAN 16:22

Tehu Musa no Harun senek, de lafa'da lae, “Ou Manetualain, O nde fe maso'dak neu basa hata maso'dak lala'en-na. Metema ka'da hataholi esa mesak-kana nde nasala-nasingo soona, ade O mamanasa basa hataholi Israel-la lala'en-na do?”

2TAWARIKH 29:21

Soaneu tutunu-hohotu fe do'o do ampon neu manek-ka teidale-bobongin ma Yehuda laun-nala sala-singon, ma soaneu tao nalalao-nalalafu Manetualain Uman-na, de leni sapi mane hitu, bi'ilopo mane hitu, bi'ilopo ana hitu ma bi'ihii mane hitu. Manek-ka nadenu imam-imam fo Harun tititi-nonosin-nala tunu-hotu bana sila-la nai mei tunu-hotuk lain da'di leo tutunu-hohotu nanatunuk.

IMAMAT 1:3

Metema, nanatunu-hotuk ndia sapi esa soona, bana ndia muse mane, ma ta lu'u-la'ak fa. Muse neni sapi ndia leo Manetualain Lalaa Teman-na lelesun-na neu, fo ela Manetualain dalen-na nahiik hataholi ndia.

IMAMAT 1:10

Metema, bana nanatunu-hotuk ndia bi'ilopo esa, do bi'ihiik esa soona, bana ndia muse mane, ma ta lu'u-la'ak fa.

IMAMAT 6:18

Losa dodoon-na, basa touk fo Harun tititi-nonosin-nala, bole la'a loti ndia; ndia nde da'di sila baba'e mahelen-na, neme nana'ak fo nanatunu-hotuk soaneu Manetualain. Hataholi fe'ek koila'e nana'ak nanatunu-hotu basak ndia soona, neukose ana hapu soe, nanahu nana'ak ndia malalao-malalafun-na.

IMAMAT 9:3

Boema, madenu leoina Israel-la, fo ala tunu-hotu bi'ihii mane esa, soaneu tutunu-hohotuk sala-singok hapu ampon, ma sapiana esa, boema bi'ilopoana esa, teuk beke esak, ma ta lu'u-la'ak fa, fo soaneu tutunu-hohotu nanatunuk.

IMAMAT 16:3

Ka'da no enok fo tunu-hotu sapi maneanak, soaneu tutunu-hohotuk fo sala-singok hapu do'o do ampon, ma bi'ilopo mane esa soaneu tutunu-hohotu nanatunuk-ka, Harun bole masok leo Kama Malalao-malalafuk nanseli-a dalek neu.”

IMAMAT 16:5

Boema hataholi Israel-la, muse fe Harun bi'ihii mane dua, soaneu tutunu-hohotuk fo sala-singok hapu do'o do ampon, ma bi'ilopo mane esa, soaneu tutunu-hohotu nanatunuk.

YESKIAL 40:39

Hapu mei haa lai kama matuaina ndia dalek, fo boboan esa-na, mei dua. Nai mei sila-la lain nde, ala do'do bana soaneu tutunu-hohotu nanatunuk, do tutunu-hohotuk fo, sala-singok hapu do'o do ampon, do tutunu-hohotu bae hutak.

YESKIAL 44:27

soona neu leo Au Umang-nga, so'dan manai dalek-ka neu, fo ana tunu-hotu tutunu-hohotuk, soaneu ana tao nalalao aoinan-na, fo ela ana bole nalalau-naoono seluk, nai Au Umang. Au, Manetualain Fo Mademaina, nde manakokolak-ka.