IMAMAT 4:26 - Susula Malalaok Hehelu Palak Ma Hehelu Beuk

²⁶ Basa soona, muse tunu la'iesak bana ndia minan-na nai mei tunu-hotuk lain, sama leo tutunu-hohotu mole-dame-a boe. Imam-ma tataon-na leondiak, soaneu ana fe tutunu-hohotuk ba'eneu hataholi manakoasa esa, soona neukose, Manetualain fe do'o do ampon neu hataholi ndia sala-singon.

IMAMAT 4:26 Referans Kwoze

IMAMAT 4:20

Tataon-na sama leo tunu-hotu sapi mane soaneu tutunu-hohotuk fo sala-singok hapu do'o do ampon. Tataon-na leondiak, ba'eneu Imam Matuaina tunu-hotu tutunu-hohotuk soaneu salanik-ka sala-singon-nala, soona neukose, Manetualain fe do'o do ampon neu sala-singok sila-la.

BILANGAN 15:28

Imam-ma muse tao feta sala-singok hapu do'o do ampon, nai Manetualain, matan, fo ela hataholi ndia sala-singon, hapu do'o do ampon.

IMAMAT 5:10

Basa ndia soona, Imam-ma tunu-hotu manupui ka dua, fo soaneu tutunu-hohotu nanatunuk-ka, nandaa no nakanenetek-ka. Enon-na leondiak, imam-ma tunu-hotu tutunu-hohotuk soaneu hataholi ndia, soona neukose, Manetualain fe do'o do ampon neu hataholi ndia sala-singon.

IMAMAT 4:35

Basa soona, muse ana ho'i-na la'iesak bana ndia minan-na, sama leo tutunu-hohotu mole-dame-a boe. Muse tunu bana ndia minan-na nai mei tutunuk-hohotuk lain, sama-sama no tutunu-hohotu nana'ak fo nanatunu-hotuk neu Manetualain. Imam-ma tataon-na leondiak, soaneu ana fe tutunu-hohotuk ba'eneu hataholi ndia sala-singon, soona neukose, Manetualain fe do'o do ampon neu hataholi ndia.

IMAMAT 4:31

Muse, ana ho'in-na la'iesak bana ndia minan-na, sama leo tutunu-hohotu mole-dame-a boe. Imam-ma, muse tunu bana ndia minan-na nai mei tunu-hotuk lain, fo daenga boon-na nandaa no Manetualain dalen-na. Imam-ma tataon-na leondiak, soaneu ana fe tutunu-hohotuk ba'eneu hataholi lauingu esa sala-singon, soona neukose Manetualain fe do'o do ampon neu hataholi ndia.

IMAMAT 3:5

Muse tunu basa sila-la, sama-sama no tutunu-hohotuk fe'ek-kala, nai mei tunu-hotuk lain. Tutunu-hohotuk nana'ak ndia boon-na, nandaa no Manetualain dalen-na.

IMAMAT 6:7

Imam-ma tunu-hotun soaneu hataholi ndia, soona neukose, Manetualain fe do'o do ampon neu hataholi ndia.

IMAMAT 5:18

Soaneu tutunu-hohotuk bae hutak-ka, muse neni bi'ilopo esa, do bi'ihii mane, fo ta lu'u-la'ak fa, ma puku belin-na tunga belik fo nanapakek nai Manetualain Lalaa Teman-na. Imam-ma tunu-hotun soaneu hataholi ndia sala-singon, soona Manetualain fe do'o do ampon neun.

IMAMAT 5:16

Hataholi ndia, muse bae tunu-hotuk fo ana ta fe ndia fa, ma ana popo-tama seluk baba'ek lima neme bi'ilopo do bi'ihiik-ka belin-na mai. Basa soona, muse neni bana ndia leo imam-ma neu, fo imam-ma tunu-hotun soaneu hataholi ndia, soona neukose, Manetualain fe do'o do ampon neun.

IMAMAT 5:13

Enon-na leondiak, imam-ma tunu-hotu tutunu-hohotuk soaneu hataholi ndia sala-singon, soona neukose, Manetualain fe do'o do ampon neun. Imam-ma baba'en-na nde ha'desopu lenak ndia, sama leo tutunu-hohotuk gandum-ma boe.

IMAMAT 1:4

Boema, muse ana lalaa liman-na neu bana ndia langan lain, soona neukose Manetualain sipok tunu-hotun fo sala-singon hapu do'o do ampon.

IMAMAT 4:19

Muse ana ho'in-na la'iesak bana ndia minan-na, fo tunun nai mei tunu-hotuk lain.

IMAMAT 12:8

Metema, inak ndia ta hapu sadia bi'ilopoana esa fa soona, muse neni manupui kaluaana dua, do manupui kateuana dua; fo esa soaneu tutunu-hohotu nanatunuk, ma esa seluk soaneu tutunu-hohotuk fo sala-singok hapu do'o do ampon. Imam-ma muse tao feta soaneu lose heni inak ndia manggenggeon-na, soona ana da'di balisi.

IMAMAT 14:18

Muse ana po'a mina lenak-ka neu hataholi ndia langan lain. No enok ndia, imam-ma tao feta nalalao-nalalafuk ba'eneu hataholi ndia, nai Manetualain matan.

2TAWARIKH 29:24

Basa ndia boema, imam-mala do'do bi'ihiik sila-la, de ala po'a daan-na neu mei tunu-hotuk-ka, fo da'di leo tutunu-hohotuk sala-singok hapu do'o do ampon ba'eneu laun-na lala'en-na. Ala tao dede'ak ndia nanahu manek-ka paleta basa fo ela tao tutunu-hohotu nanatunuk ma tutunu-hohotuk sala-singok hapu do'o do ampon ba'eneu laun Israel-la lala'en-na.

IMAMAT 15:15

Imam-ma muse tunu-hotu manupui esa, soaneu tutunu-hohotuk fo sala-singok hapu do'o do ampon, ma esa seluk soaneu tutunu-hohotu nanatunuk. No enok ndia, imam-ma tao hataholi ndia feta nalalao-nalalafun, nai Manetualain matan.

IMAMAT 17:11

Basa mahahaek lala'en-na, maso'dan-na nai daan dale. Hu ndia de, Manetualain paleta, fo ela muse pisi basa daak lala'en-na leo mei tutunu-hohotuk lain neu, fo ela hataholi-a sala-singon nanalose henik. Daak fo nde maso'dak-ka, ana lose heni sala-singok.

IMAMAT 19:22

Imam-ma muse tunu-hotu bi'ilopo ndia nai feta nalalao-nalalafuk dale, fo ela hataholi ndia sala-singon hapu do'o do ampon. Soona Au, fo Manetualain, neukose fe do'o do ampon neun.

BILANGAN 15:25

Boema imam-ma muse tao feta sala-singok hapu do'o do ampon soaneu hataholi Israel-la. Soona neukose, ala hapu do'o do ampon, hu kande ta lame'da fa te, ala tao salak so, ma hu kande leni basa tutunu-hohotu sala-singok hapu do'o do ampon, boema tutunu-hohotu nanatunuk neu Manetualain so.

YESKIAL 43:22

Balahaa soona, o muse tunu-hotu bi'ihii mane esa, ta lu'u-la'ak, soaneu tutunu-hohotuk fo, sala-singok hapu do'o do ampon. Tao malalao-malalafu mei tunu-hotuk ndia, nenik bi'ihiik ndia daan-na, sama leo o taon nenik sapi maneanak ndia.