IMAMAT 3:1 - Susula Malalaok Hehelu Palak Ma Hehelu Beuk

¹ Metema, hataholi esa tunu-hotu sapi esa, soaneu tutunu-hohotuk mole-dame soona, sapi ndia bole sapi mane, ma bole sapi ina, tehu ta bole la'u-la'ak fa.

IMAMAT 3:1 Referans Kwoze

BILANGAN 6:14

ma neni fe Manetualain bana telu, ta mana lu'u-la'ak fa: bi'ilopo maneanak esa, besak-ka teuk esa, soaneu tutunu-hohotu nanatunuk, bi'ilopo tenaanak esa, besak-ka teuk esa, soaneu tutunu-hohotuk fo sala-singok hapu do'o do ampon, ma bi'ilopo mane esa, soaneu tutunu-hohotu mole-dame.

IMAMAT 1:3

Metema, nanatunu-hotuk ndia sapi esa soona, bana ndia muse mane, ma ta lu'u-la'ak fa. Muse neni sapi ndia leo Manetualain Lalaa Teman-na lelesun-na neu, fo ela Manetualain dalen-na nahiik hataholi ndia.

1 YOHANIS 1:3

Hata fo ami mitan ma ami mamanenen, ndia nde ami tui-bengan neu emi a, fo ela emi sama-sama mo ami, taso'da to Ama ka ma Anan Yesus Kristus.

IBRANI 10:22

Hu ndia de mai fo ata deka to Manetualain no dale ndoos, ma namahehelek fo matea-mahelek; no dalek fo nanatao nalalao-nalalafu basak neme dale nameme'da masalak, ma no ao paak fo nanabalisik ninik oe fo neu isi ka.

AMOS 5:22

Metema emi meni tutunu-hohotu bana ma tutunu-hohotu gandum soona, neukose Au ta sipo fa. Au ta nau sipo emi bana-manu maaom, fo emi fen neu Au da'dileo tunu-hotu mole-dame fa.

KOLOSE 1:20

nana hu ka nde Kristus de, basa hata lala'ena malole falik lo Manetualain-fo basa hata manai daebafa ka ma manai nusa so'da ka boe. Manetualain tao basa sila la tunga Yesus mamate na, nai ai nggangek lain.

MALEAKHI 1:14

Soo-supak be'eneu manake'di-ndiuk, fo ana tunu-hotu fe Au bana beli tak, metema bei hapu bana neulauk nai banan-nala dalek, fo ana helu basa, ana fen neu Au so! Nana Au nde Mane Matua-madema, ma nanafe ha'da-holo mata neme basa leoina-la mai.”

MALEAKHI 1:8

Metema, emi tunu-hotu fe Au, bana pokek, kamahe'dik do lu'u eik soona, ade tatao-nono'i masalak ta ndia fa do? So'ba emi fe bana matak leondiak-ka, leo gobelnol-la neu! Ade neukose namahoko, ma ana tao emi no malole do?”

AMSAL 7:14

“Faik ia au muse bae atetu au ala-hehelung-nga, hu ndia de au fe basa tutunu-hohotuk so.

1 TAWARIKH 21:26

Boema Dauk napadedeik mei tunu-hotuk esa neu dia soaneu Manetualain, de ana fe tutunu-hohotuk nanatunuk, ma tutunu-hohotuk mole-dame. Basa boema ana hule-haladoi de Manetualain nataa hule-haladoin ndia nenik Ana haitua ha'i neme lalai mai de na'aheni tutunu-hohotuk manai mei tunu-hotuk ndia lain.

HAKIM-HAKIM 21:4

Balahaa fafaik, fo bei fafaianak nanseli boema, hataholi Israel-la, lapadedeik-la mei tunu-hotuk esa neu mamanak ndia, boema ala tunu-hotu fe Manetualain tutunu-hohotu nanatunuk ma tutunu-hohotu mole-dame.

HAKIM-HAKIM 20:26

Boema, hataholi Israel-la leu seluk leo Betel leu, de ala kii neu Manetualain. Ala okaaon-nala losa le'odae nai naa, ma ala tunu-hotu tutunu-hohotu mole-dame, ma tutunu-hohotu nanatunuk soaneu Manetualain.

IMAMAT 17:5

Paleta ndia sosoan-na nde, fo ela leoina Israel-la leni la'iesak bana tunu-hotuk, fo biasa ala do'do bana sila-la nai tina-la dalek-ka, muse lenis leo Manetualain Lalaa Teman-na neu. Sila muse leni tunu-hotuk sila-la leo imam-ma, nai Manetualain Lalaa Teman-na lelesun-na, bafan-na neu, fo ana do'don nai ndia, fo soaneu tutunu-hohotu mole-dame.

KELUARAN 29:28

Au nakeketung fo ta hapu nggati fan-na nde ia: Nai lelek Au anang-ngala mai fo ala tunu-hotu tutunu-hohotu mole-dame soona, bana ndia sosolon-na no sakibolon-na nde been-na, basa imam-mala baba'en-na nde ndia. Au anang-ngala tutunu-hohotun soaneu Au-a, nde ndia.

KELUARAN 24:5

Boema Musa nadenu hataholi muli-soluk de'ubee fo leu tunu-hotu tutunu-hohotu nanatunuk soaneu Manetualain, boema ala ta'ti sapi de'ubee soaneu tutunu-hohotu mole-dame.

KELUARAN 20:24

Tao fe Au mei tunu-hotuk esa, taon neme dae-a mai, boema tunu-hotu emi bi'ilopom ma emi sapim-ma nai ndia, soaneu tutunu-hohotu nanatunuk, ma tutunu-hohotu mole-dame. Nai basa mamanak fo Au aketu basan ba'eneu emi, da'di leo mamanak makaluku-makatele soaneu Au-a, neukose Au mai, fo Au ba'e-pala emi.

IMAMAT 3:6

Metema, nanatunu-hotuk soaneu tutunu-hohotuk mole-dame ndia, bi'ilopo esa do bi'ihiik esa soona, bana ndia bole mane, bole ina, tehu ta bole lu'u-la'ak fa.

IMAMAT 9:18

Boema ana ta'ti sapi mane esa, ma ana do'do bi'ilopo mane esa boe, fo soaneu tutunu-hohotuk mole-dame ba'eneu hataholi Israel-la. Harun anan-nala leni fen bana ndia daan-na, de ana pisin neu mei tunu-hotuk-ka boboan haas.

BILANGAN 15:8

Metema nanatunu-hotuk ndia, sapi mane esa, soaneu tutunu-hohotu nanatunuk, do tutunu-hohotu bae nasar, do tutunu-hohotu mole-dame soona,

ULANGAN 12:27

Tutunu-hohotu nanatunuk ma tutunu-hohotuk fo, emi mi'a paan-na, muse nanatunu-hotuk nai emi Manetualaim-ma mei tunu-hotun lain, tehu po'aheni daan-na, leo mei tunu-hotuk ndia lain neu.

YESKIAL 43:27

Basa fai ka hituk sila-la soona, imam-mala muse mulai fe tutunu-hohotuk, nai mei tunu-hotuk ndia lain, tutunu-hohotu nanatunuk, ma tutunu-hohotu mole-dame soaneu laun-nala. Soona neukose, Au sue-lai emi basa-basam-mala. Au, Manetualain Fo Mademaina, nde manakokolak-ka.”

IMAMAT 1:10

Metema, bana nanatunu-hotuk ndia bi'ilopo esa, do bi'ihiik esa soona, bana ndia muse mane, ma ta lu'u-la'ak fa.

IMAMAT 9:4

Madenus, fo ala tunu-hotu sapi mane esa, ma bi'ihii mane esa boe, fo soaneu tutunu-hohotuk mole-dame. Sila muse tunu-hotu basa sila-la, soaneu Manetualain, sama-sama no tutunu-hohotuk nana'ak fo nanatao mina, nanahu nai faik ia, Manetualain mai leo sila mais.”