IMAMAT 27:9 - Susula Malalaok Hehelu Palak Ma Hehelu Beuk

^9-10 Metema, nasar ndia la'eneu bana ta nalulik fa, de bisa sipon da'di leo tunu-hotuk soaneu Manetualain soona, hataholi manafe nasar ndia, ta bole tukan nenik bana fe'ek fa, nana basa hata lala'en fo nanatunu-hotuk soaneu Manetualain-na, ana da'di Manetualain nuun. Metema, ana da'di tukan boe, soona bana ka duak sila-la, da'di Manetualain nuun.

IMAMAT 27:9 Referans Kwoze

IMAMAT 27:8

Metema, hataholi manafe nasar-ra, ta hapu hata esa boen, soaneu bae belik nananaketuk-ka fa soona, muse noo hataholi fo nanatunu-hotu basak soaneu Manetualain ndia, leo imam-ma neu. Imam-ma, muse naketu belin-na nai dae seluk, fo nandaa no hataholi ndia bebe'in-na.

IMAMAT 5:15

Metema, hataholi esa ta name'da fa te ana tao sala-singok, nanahu nafandele henin, de ana ta fe tutunu-hohotun fo muse ana fen leo Manetualain neu fa, soona hataholi ndia, muse neni tutunu-hohotuk bae hutak. Tutunu-hohotuk ndia, muse bi'ilopo esa, do bi'ihii mane esa, ta lu'u-la'ak fa, ma puku belin-na, sama no belik fo nanapakek nai Manetualain Lalaa Teman-na.

AMSAL 20:25

Beita maheluk fe Manetualain tutunu-hohotuk fa te, dodoo matalololen dei. Bole da'di, neu fai makabuin te, neukose o masasale dale.

PENGKHOTBAH 5:6

Sama-na leo me'is makadotok sila-la sosoa-ndandaan taa, leondiak boe bafa maloa, sosoa-ndandaan ta. Tehu bii neu Manetualain leona.

YESKIAL 48:14

Sila ta bole lase'o dae ndia, leomae ka'da tenga esa boe, do ala tukahenin; Israel dae baba'en fo, malole nanseli-a, ta bole lali leo hataholi fe'ek liman neu fa, nana dae ndia, nanafe hehelik ba'eneu Manetualain de ana da'di Manetualain nuun so.

MATEOS 15:5

Tehu emi manoli mae, metema hataholi nafa'da ina aman nae, ‘Hata fo au muse fen neu au ina ama nga, au fe henin leo Manetualain neu so,’