IMAMAT 27:27 - Susula Malalaok Hehelu Palak Ma Hehelu Beuk

²⁷ Tehu, bole soi bana nalulik-ka ana makasososan-na tunga belik fo nanapakek nai Manetualain Lalaa Teman-na, ma popo-taman no baba'ek dahulu neme bana ndia belin-na mai. Metema ta soi fan soona, bole nase'o bana ndia leo hataholi fe'ek neu, tunga belik fo nanapakek nai Manetualain Lalaa Teman-na.

IMAMAT 27:27 Referans Kwoze

IMAMAT 27:11

Tehu, metema nasar ndia la'eneu bana nalulik, fo ta sipon da'di leo tunu-hotuk soaneu Manetualain fa soona, hataholi manafe nasar-ra, muse neni bana ndia leo imam-ma neu.

IMAMAT 27:26

Bana-manu ana makasososan-na nde been-na, Manetualain nuun, da'di ta bole fen no dale hihii-nanau mesan-na, tunu-hotu bana ndia soaneu tutunu-hohotuk fa. Sapiana, bi'ilopoana do bi'ihiiana fo nanabongi makasososak-kala nde been-na, Manetualain nuun.

IMAMAT 27:28

Ta hapu hataholi esa boen, hapu nase'o do soi falik hata fo ana fe basan da'di leo fe-fe hehelik, soaneu Manetualain so, nau hata ndia hataholi, bana-manu do dae boe. Sila-la da'di Manetualain nuun losa dodoon-na.

IMAMAT 5:16

Hataholi ndia, muse bae tunu-hotuk fo ana ta fe ndia fa, ma ana popo-tama seluk baba'ek lima neme bi'ilopo do bi'ihiik-ka belin-na mai. Basa soona, muse neni bana ndia leo imam-ma neu, fo imam-ma tunu-hotun soaneu hataholi ndia, soona neukose, Manetualain fe do'o do ampon neun.

IMAMAT 27:13

Metema hataholi ndia, ana nau soi falik banan-na soona, muse ana bae belin-na ma ana popo-taman no baba'ek duahulu neme bana ndia belin-na mai.

IMAMAT 27:15

Metema hataholi ndia, ana nau soi falik uman-na soona, muse ana bae belin-na, ma ana popo-taman nenik baba'ek duahulu neme uma ndia belin-na mai.

IMAMAT 27:31

Metema hataholi esa, ana nau soi falik buna-boak sila-la seli soona, muse ana bae belin fo nananaketu basak-ka, ma popo-taman no baba'ek duahulu, neme buna-boak sila belin-na mai.