IMAMAT 27:17 - Susula Malalaok Hehelu Palak Ma Hehelu Beuk

¹⁷ Metema dae ndia nanatunu-hotuk neme Teuk Fe Falik-ka mai soona, muse bae la'iesak belin-na.

IMAMAT 27:17 Referans Kwoze

IMAMAT 27:14

Metema hataholi esa, ana tunu-hotu uman-na soaneu Manetualain soona, imam-ma muse naketu belin-na, tunga uma ndia lole-napun. Belik fo nananaketu basak-ka nde been-na, belik fo ta naloe-nasa'en so'ok.

IMAMAT 27:16

Metema hataholi esa, ana tunu-hotu daen-na seli soaneu Manetualain soona, muse naketu belin-na, tunga dae ndia bini-nggen baba'un-na, soaneu sele-nggali neu dae ndia. Soaneu gandum kilo duahulu soona, belin-na doi fulak sanahulu.

IMAMAT 27:18

Metema dae ndia nanatunu-hotuk, nai lelek basa Teuk Fe Falik-ka soona, imam-ma muse tai-dodoo belin-na, tunga bei ela teuk-kala dede'un-na, losa Teuk Fe Falik manamaik-ka, fo naketu belin-na nai dae.

IMAMAT 25:9

Boema nai hataholi Yahudi-la bula ka hitun-na, fain sanahulu, fo nde faik fo sala-singok hapu ampon-na soona, madenu hataholi puu puuk-ka nai basa mamanak lala'en-na, nai nusak dale.

IMAMAT 25:10

Emi muse hele hehelik teu ka limahuluk ndia, fo po'a-benga fai soi-po'ik-ka neu basa laun manai nusak-ka lala'en-na. Nai teuk ndia dalen-na, basa hata-heto nananase'o basak-kala, muse fe falik-kasa leo manonuuk-ka, do leo tititi-nonosin neu. See nananase'ok da'di leo ata soona, muse fe falik-kana leo teidale-bobongin neu.

IMAMAT 25:11

Boso sele-nggali emi tinam-ma. Gandum manamoliaok, do angol nanake'di taak manai emi osim dale-a, ta bole ketu-seun fo pe'da fas.

IMAMAT 25:13

Nai teuk ndia dalen-na, basa dae fo nananase'o basak-kala, muse fe falik-kana leo manonuuk-ka neu.