IMAMAT 27:15 - Susula Malalaok Hehelu Palak Ma Hehelu Beuk

¹⁵ Metema hataholi ndia, ana nau soi falik uman-na soona, muse ana bae belin-na, ma ana popo-taman nenik baba'ek duahulu neme uma ndia belin-na mai.

IMAMAT 27:15 Referans Kwoze

IMAMAT 27:13

Metema hataholi ndia, ana nau soi falik banan-na soona, muse ana bae belin-na ma ana popo-taman no baba'ek duahulu neme bana ndia belin-na mai.

IMAMAT 27:14

Metema hataholi esa, ana tunu-hotu uman-na soaneu Manetualain soona, imam-ma muse naketu belin-na, tunga uma ndia lole-napun. Belik fo nananaketu basak-ka nde been-na, belik fo ta naloe-nasa'en so'ok.

IMAMAT 27:16

Metema hataholi esa, ana tunu-hotu daen-na seli soaneu Manetualain soona, muse naketu belin-na, tunga dae ndia bini-nggen baba'un-na, soaneu sele-nggali neu dae ndia. Soaneu gandum kilo duahulu soona, belin-na doi fulak sanahulu.

IMAMAT 5:16

Hataholi ndia, muse bae tunu-hotuk fo ana ta fe ndia fa, ma ana popo-tama seluk baba'ek lima neme bi'ilopo do bi'ihiik-ka belin-na mai. Basa soona, muse neni bana ndia leo imam-ma neu, fo imam-ma tunu-hotun soaneu hataholi ndia, soona neukose, Manetualain fe do'o do ampon neun.

IMAMAT 27:27

Tehu, bole soi bana nalulik-ka ana makasososan-na tunga belik fo nanapakek nai Manetualain Lalaa Teman-na, ma popo-taman no baba'ek dahulu neme bana ndia belin-na mai. Metema ta soi fan soona, bole nase'o bana ndia leo hataholi fe'ek neu, tunga belik fo nanapakek nai Manetualain Lalaa Teman-na.