IMAMAT 26:44 - Susula Malalaok Hehelu Palak Ma Hehelu Beuk

⁴⁴ Tehu, leomae sila bei lai musu nusan-na boeo, neukose Au ta la'oela fas, do Au tao amopo-amates makandondook fa. Nana metema Au tao amopo-amates soona, ndia sosoa-ndandaan nae Au tao ketu Au hehelu-balatang no sila, te se'kona Au ia Manetualain, fo sila Manetualain-na.

IMAMAT 26:44 Referans Kwoze

ROMA 11:2

Ta! Neme makasososan mai a, Manetualain hele basa hataholi kamahehele nala so, de Ana ta tu'u-tapaheni fas. Emi bubuluk hata fo nanasulak nai Susula Malalaok dale la'eneu Elia, nai lelek ana kalaak hataholi Israe la leo Manetualain neu. Elia nae,

NEHEMIA 9:31

Tehu, hu kande O susue-lalai matuainam-ma, de O ta la'o ela do tao makalulutuk-kasa fa. Memak, O nde Manetualain fo nakasasaman ta; O susue-lalaim ba'un-na seli, henuk no dale kasian!

MAZMUR 94:14

Nana, neukose Manetualain ta la'oela anan-nala fa; ma Ana ta tapa heni pusakan-na fa.

2RAJA-RAJA 13:23

Tehu, Manetualain dalen-na, tu'da kasian neu anan-nala, de Ana fe do'o do ampon neus. Ana ta nau po'ilotak-kasa nanatao namopo-namatek fa, de Ana tulu-falis, hu kande hehelu-balataan no Abraham, Isak ma Yakob. Losa besak ia, ta nafandele heni anan-nala la'iesa boen.

ROMA 11:26

No enok ndia, basa hataholi Yahudi la neukose laso'da. Nana nai Susula Malalaok dale nanasulak nae leo ia, “Neukose, mane Manasoi-Tefa ka, Ana mai neme Sion mai; Neukose Ana kokaheni basa Yakob tititi-nonosin sala-singo nala.

YESKIAL 16:60

Tehu, neukose Au afandele hehelu-balataak fo, Au taon no o, nai lelek o bei muli-solum-ma, ma Au tao hehelu-balataak no o, fo paken losa dodoon-na.

YEREMIA 33:26

leondiak boe neukose Au ho'u ahele Au hehelung-nga neu Yakob tititi-nonosin ma neu Au atang Dauk. Neukose Au hele-a hataholi esa neme Dauk tititi-nonosin-na soaneu ana paleta Abraham, Isak, ma Yakob tititi-nonosin. Neukose Au sue-lai an seli neu Au anang-ngala, ma Au tao-a so'dan-nala latetu seluk.”

YEREMIA 30:11

Neukose Au mai, fo neukose Au soi-po'i emi. Leoina-leoina, fo mamanak Au tao tapasasala emik-ka, basas neukose Au tao amopo-amates, tehu Au ta tao emi tao leondiak fa. Tete'ek-ka neukose emi ta maladeak neme huhukuk-ka mai fa, tehu Au huhukung neu emi-a nde been-na ndos matetuk, ma nanda no nakeketun-na. Au, Manetualain, nde manakokolak-ka.”

YEREMIA 14:21

Mafandele neu O hala hehelum-ma te O boso makadadaek ami; Ma O boso ka'i O hala-hehelum neu ami-a. O boso makadadaek Yerusalem fo O kandela manem-ma mamanan.

MAZMUR 89:33

Au hukus nenik ue, nanahu la'olenan-nala, ma Au fe soe-a, tuni-nalas, nanahu sala-singon-nala.

IMAMAT 26:11

Neukose, Au leo nai emi tala'da, fo nai Au Lalaa Temang dale, ma neukose Au ta tipa emi fa.

HAKIM-HAKIM 2:1

Manetualain ata nusa so'dan-na, neu leo Bokhim neu, de nafa'da hataholi Israel-la nae, “Au kalua basa emi neme Masir mai so, de Au o emi leo nusak fo Au helu basan neu emi bei-ba'i kaim-mala so. Au boeo afa'da ae, ‘Hehelu-balataak, fo manapa'a Au o emi-a, neukose Au ta tao ketu fan.

KEJADIAN 17:7

Neukose, Au tao atetu Au hehelu-balataang neu o, ma neu o tititi-nonosim-mala, neme bobongik leo bobongik neu, ma hehelu-balataak ndia, manaketu-basa taak. Neukose, Au da'di o Manetualaim-ma, ma o tititi-nonosim Manetualain-na.

NEHEMIA 9:17

Ala ta tunga fa, lafandele heni O dale malolem lala'en-na, ma lafandele heni basa O tatao-nono'i manada'di beum-mala. No koao-ndaeaok, ala hele mauli-malangan esa, fo nos leo Masir leu fo da'di ata seluk. Tehu O Manetualain fo nau fe do'o do ampon, hahae naluk, dale malole ma manasue laik. O susue-lalaim, tete'ek-ka ba'un-na seli; O ta la'o ela fas.

MAZMUR 103:13

Manetualain sue-lai hataholi kamahehelek-ka, sama leo amak esa, ana sue-lai anan-nala.

YEREMIA 24:5

“Hataholi fo Au po'ilotak-kasa nanafua nenik lo Babel neu ndia, Au akasasamak-kana sama leo ai kaak boak fo neulau hik iala; hu ndia de Au, Manetualain fo Israel Manetualain-na, neukose tao sila no malolen-na.

YEREMIA 31:20

Israel, o nde been-na Au anang susueng, anan fo nanasue-laik nai Au dale bobongo anang-nga. Tunga faik Au dodoki-aali O, tehu Au hii ka'da afandele neu o tatas esa. Neukose Au tao-a O henuk no susue-lalaik.