IMAMAT 26:28 - Susula Malalaok Hehelu Palak Ma Hehelu Beuk

²⁸ soona neukose Au anoli emi no nasak, ma Au huku emi la'i hitu, fo belan-na lena neme huhukuk makahuluk-kala mai.

IMAMAT 26:28 Referans Kwoze

YESAYA 59:18

Ana balas musun-nala, nandaa no sila tatao-nono'in-nala. Nakalenak, leoina manai pulu dook-kala, ta lala huhukun-na deak fa.

YESKIAL 8:18

Neukose, ala lame'da lita, Au nasa-melung matuainang-nga! Neukose, Au ta fes do'o do ampon fa. Leomae ala nggasi, fo besak-ka ala hule-haladoi neu Au boe, Au ta nau amanene sila hule-haladoin ndia fa.”

YESKIAL 5:15

Metema, Au amanasa o, ma Au huku o soona, basa leoina manai o boboa-kaisum-ma, lame'da bibii-namata'uk nanseli. Neukose, ala hakinonoli o, ma ala pela-malua mete o.

YESKIAL 5:13

Neukose o mame'da mita, Au nasa-melung ma Au fefepa-lili'u matuainang-nga, losa Au daleng-nga tesa-tama. Basa sila-la ala da'di soona, neukose o mamahele mae Au, Manetualain kokolak o o so, nanahu Au amanasa o ta lilineka fa.

YEREMIA 21:5

Neukose Au de tee-tati emi-a nenik basa au be'i balakai, ma nenik nasa-meluk fo manalu'a pon-ponung-nga.

YESAYA 66:15

Tete'ek-ka, neukose Manetualain mai no ha'i; Neukose Ana sa'e kaletan-na, sama leo ani-sangu, fo ana kalua nasa-melun, ma nasapala napane'e.

YESAYA 63:3

“Au mesang-nga, masok leo mamana popo'de angol-la u, nai Au anang-ngala dalek, ta hapu manatulu-fali Au fa. Au heheta-aa'i leoinak-kala, nai Au nasa-melung dale, sama leo heheta-aa'i angol boak-ka Daan-nala lasapula mai de, nakadoe Au ba'dung-nga, ana tao nanggenggeo, Au ba'dung-nga lala'en-na.

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

NAHUM 1:2

Manetualain ta nau hataholi nakasusu'dik no fan, hataholi manala'ban-nana, tao leo bee-o ana hapu huhukuk No nasa-meluk nanseli, Ana balas nape'da dalen-na neus.

YESAYA 27:4

Au ta amanasa so'on. Metema, hapu na'u do makatema dila-nggauk soona, neukose Au taoisan, ma Au hotuheni la'iesak-kasa.

IMAMAT 26:24

soona neukose, Au anoli emi, ma Au huku emi la'i hitu, fo belan-na lena huhuku makahuluk-kala.

IMAMAT 26:27

Metema, emi la'ola'di basa huhukuk sila-la, te emi bei lena-la'ban mahele Au boe, fo ta nau tunga neu Au fa,

IMAMAT 26:41

nalosa Au ho'i nakeketuk, soaneu la'ban-nasa, ma Au usi henis leo mamana okak dale, nai sila musun-nala nusan. Mate'en-na, metema emi tititi-nonosim tunga, boema nanahuku basak hu kande sila sala-singon, ma malena langan-nala soona,

MAZMUR 79:12

Ou Manetualain, balas leoina sila-la, didikuk la'i hitu, nanahu sila nakamumulu-nakamamaen soaneu O-a.

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

RATAPAN 4:11

Manetualain nasa-melun fo'a, de Ana hotu heni kota Sion-na, losa ta hapu sesee-bobolon fa.