IMAMAT 26:19 - Susula Malalaok Hehelu Palak Ma Hehelu Beuk

¹⁹ Emi koao-ndaeao manseli, tehu neukose, Au akadadaek emi. Neukose, u'dan-na ta mai fa, nalosa emi dae-ma namatuu ma natea sama leo besi-a.

IMAMAT 26:19 Referans Kwoze

ULANGAN 28:23

U'dan-na ta mai fa, de emi daem-ma, natea sama leo besi-a.

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

LUKAS 4:25

Tehu mamanene leona: te nai lelek Elia tepo-lele na, lelek u'dan ta teuk telu seselik dale na, boema la'a-ndoe matuaina da'di nai basa nusak a lala'ena. Nai lelek ndia, hapu inafalu makadotok nai Israel.

ZEFANYA 3:11

Nai lelek ndia, hai anang-ngala lemin, emi ta paluu mame'da mamaek so'on, nanahu emi lena-la'ban basa Au so. Neukose, Au usi heni basa hataholi manakoao-ndaeaok-ka ma hataholi fo namatutua-nadedema aon-na, soona neukose, emi ta lena-la'ban seluk Au, nai Au pupuku malalao-malalafung lain so'on.

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

YESKIAL 30:6

Manetualain Fo Mademaina, nafa'da nae, “Neme Migdol, fo nai kii, losa Aswan, fo nai kona, ma basa hataholi manalook Masir-ra, neukose mates lai natee-natatik dale. Ma solda'du Masir fo, manakoa-ndaeaok sila-la, neukose lakalulutuk. Au Manetualain Fo Mademaina, nde manakokolak-ka.

YEREMIA 13:9

“Neukose au laka-akasete hataholi Yehuda-la ma Yerusalem laun-nala eno-dalan tao leondiak. Neukose au tao akalulutuk sila manakoao-ndaeaon nanseli ndia.

YESAYA 25:11

Neukose laun-na look liman-na, sama leo hataholi fo, ana sanga suik. Tehu neukose, Manetualain nakadadaek sila fo, manakoao-ndaeaok-kala, nalosa mopo be'i-balakain.

SEMUEL SUSULAK-KA ESAN-NA 4:11

Israel musun-nala loso-la Manetualain Peti Hehelu-balataan, ma taolisa Eli ana ka duan-nala fo nde Hofni no Pinehas.

YESKIAL 7:24

Neukose, Au fe leoina nasa-melu mangalauk-kala mai, fo ala ho'i-la emi umam-mala. Emi hataholi palani tatibatum-mala, neukose ala dele bengge'be, metema Au po'ilotak leoina sila-la, ala tao lakalulutuk emi mamana huhule-haladoim-mala.

YESAYA 26:5

Manetualain nakadadaek hataholi manakoao-ndaeaok-ka; Ana tao nakalulutuk sila kota musun-na ma Ana taon-nan, nakatetepak no dae bafan-na.

YESAYA 2:12

Nai faik ndia, Manetualain Fo Manakoasa, neukose nakadadaek basa hataholi fo namatutua-namadedema aoinan-na, ma Ana huku basa hataholi manakoao-ndaeaok-ka, ma mananamatutua-namadedema aok-ka.

SEMUEL SUSULAK-KA ESAN-NA 4:3

Lelek bei ela solda'du manakala-kala, ala fali leo mamana oofuk-ka, boema basa mauli-malangan Israel-la lafa'da lae, “Tao le'e de, Manetualain po'ilotak hataholi Filistin-nala sengi ita nai faik ia dalen-na.? Mai fo teu ho'i-ta, Manetualain Peti Hehelu-balataan nai Silo, fo tenin leo ia mai, fo ela Manetualain nau tulu-fali ita, fo soi-tefa-na ita teme musu mai.”

1RAJA-RAJA 8:35

Metema O ana mala lasala-lasingo neu O fo O hukus nenik O ta makona fes u'dan fa boema ala tukatei-saledale leme sila sala-singo nala mai, ma ala fe ha'da-holomata neu O da'dileo Manetualain, basa boema ala la'ok lasale leo uma hule-haladoik ia mai, boema ala hule-haladoi neu O lae,

YESAYA 28:1

Soe ba'eneu kota fo, basa manamafuk Israel-la dalen-nala lamatua neun! Lole-napun hii-hii nae mopon, sama leo bunga fo, ana male nai sila langan lain. Soe ba'eneu kota mademaina, nai pupukuk lain, nai bafak malolek-ka tala'da, henuk no maninu angol fo, langan-nala he'dis-sa so

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

YESKIAL 24:21

anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.

ULANGAN 11:17

Metema, emi la'olena paleta sila-la soona, neukose Manetualain namanasa emi. Neukose Ana ta fe emi u'dan fa; fo emi daem-ma namatuu, nalosa mate emi bubu'u-palusam-mala. Soona, ta dooanak so'on te, emi mate nai dae maoe-maisik fo, Manetualain fen neu emi ndia.

YESKIAL 33:28

Neukose Au tao nusak ndia, da'di moo solokaek fo, nee-nee lino-lino, boema neukose mopok sila koao-ndaeaon, hu kande sila be'i-balakain-na. Basa letek manai Israel-la, neukose nee-nee lino-lino, nalosa hataholi ta napalani la'ok tunga ndia fa.