IMAMAT 26:13 - Susula Malalaok Hehelu Palak Ma Hehelu Beuk

¹³ Au, emi Manetualain, fo no emi kalua meme Masir mai, fo ela emi boso boe da'di ata bai. Au tao akalulutuk koasa manatuni-ndeni emi-a so, de Au tao emi da'di hataholi ao loak.”

IMAMAT 26:13 Referans Kwoze

YESKIAL 34:27

Neukose ai-la laboa, tina-osi fe buna-boa malole, ma basa hataholi-la, neukose ala leo no nee-nee lino-linok nai sila daen dale. Metema, Au tao ketu namosina fo, manapa'a Au anang-ngala, ma Au soi-tefa alas leme hataholi fo, manataos da'di ata mai soona, besak-ka ala bubuluk, lae Au nde Manetualain-na.

MAZMUR 116:16

Ou Manetualain, O atam au ia, au boeo fe ha'da-holomata neu O, sama leo au inang. O soi-po'i au neme bui dale mai so.

IMAMAT 25:38

Emi Manetualaim-ma fo no emi kalua meme Masir mai, soaneu Ana fe nusa Kanaan-na neu emi, fo ela Ana da'di emi Manetualaim-ma, paletan-na nde ndia.

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

YEREMIA 2:20

Manetualain nafa'da nae, “Dook-ka so, o ta nau da'di ata neu Au fa; o ta nau tunga, do sene-do'ok neu au fa. Nai pupuku mademaina-la esa-esak lain, ma nai aihuuina-la esa-esak huun-na, o sene-do'ok neu lamatua daebafak, fo manafe dae-a nalole.

IMAMAT 25:55

Hataholi Israel esa, ta bole da'di ata losa mate fa, nanahu leoina Israel-la nde been-na, Manetualain atan-nala. Manetualain nde nos kalua leme Masir mai. Ndia nde Amak, fo sila Manetualain-na.

YESAYA 51:23

Au fe doidosok ndia, neu hataholi manatuni-ndeni emi, fo nadenu emi mangape'uk hai meme dae lain so, fo ana heheta-aa'i emi, nono'kabai, emi da'di enok, fo hataholi-la'ok tunga lain.”

IMAMAT 25:42

Hataholi Israel-la nde been-na Manetualain atan-nala; Ndia nde nos kalua leme Masir mai, hu ndia de ta bole mase'os da'di leo ata fa.

KELUARAN 6:7

Neukose, Au o emi leo nusak fo Au helu basan nenik soo neu Abraham, Isak ma Yakob; Au fe dae ndia neu emi, fo da'di emi pusaka mesam. Au nde Manetualain.”

YESKIAL 30:18

Nai faik fo, Au tao ate'e Masir paletan-na, ma Au ho'i-a koasan-na soona, neukose makahatuk-ka poti-na kota Tahpanhes-sa, ma inan-nala, neukose nanafoo nenik

HOSEA 11:4

No basa Au suse-lalaing lala'en-na, Au fen deka no Au. Au lui amada'u basa doi-doson lala'en-na, ma no Au dale maloleng-nga, Au fen na'a.

KELUARAN 14:8

Memak, Manetualain tao-na manek Masir-ra da'di langa batuk, nalosa ana usi hataholi Israel-la bei lai leleo-lala'on-nala dalek, nai lelek ala la'oela nusak ndia no Manetualain nasulu-nahapan.

YESAYA 9:3

O ho'i-ma lelepa mabelan-na so ma lelepak-ka neme alun lain mai. O sengi leoina manatuni-ndenik ndia fo manalumu-ese O anam-mala. Sama-na leo nai tepo-lelek makahulun eli, lelek O sengi solda'du Midian-nala.

YEREMIA 28:2

nae Manetualain Fo Manakoasa, fo Israel Manetualain-na, nafa'da nae leo ia, “Manek Babel-la be'i-balakain Au tao alu'u son.

YEREMIA 28:4

Au boeo o falik Yoyakhin ana manen Yoyakim fo manek Yehuda, no basa Yehuda laun-nala fo nanafoo nenik lo Babel neu-a. Te'e-te'e neukose Au tao alu'u Babel be'i-balakain. Au, Manetualain, nde manakokolak-ka.”

NAHUM 1:13

Besak ia, neukose Au tao ete'e Asyur koasan neu emi, ma Au tao aketu namosina manahenge emi-a.”