IMAMAT 26:11 - Susula Malalaok Hehelu Palak Ma Hehelu Beuk

¹¹ Neukose, Au leo nai emi tala'da, fo nai Au Lalaa Temang dale, ma neukose Au ta tipa emi fa.

IMAMAT 26:11 Referans Kwoze

KELUARAN 25:8

Madenu leoina ndia, fo ana tao fe Au Lalaa Temak esa, fo ela Au hapu leo nai sila tala'da.

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.

KELUARAN 29:45

Neukose Au leo nai leoina Israel-la tala'da heon, fo da'di sila Manetualain.

EFESUS 2:22

Hu no maso'dak fo da'di esa no Kristu sa de, emi boeo nananafofo'ak sama-sama no hataholi fe'e kala, da'di uma esa soaneu Manetualain; fo Manetualain no Dula dale na, leo lai ndia.

MAZMUR 106:40

Boema Manetualain nasan-na lua ponu-ponu soaneus, Ana malua seluk, Ndia nuu mesan-na.

MAZMUR 76:2

Manetualain nananita-nalelak nai Yehuda; na'den-na nanakoa-nanakiok nai Israel.

IMAMAT 20:23

Boso nanadulak neme leoina manai naa-la ha'dan-nala. Ala tao-la Au malua nenik sila tatao-nono'i mangalaun sila lala'en-na. Hu ndia de, Au usi henis, fo ela emi hapu masok leo nusak ndia meu.

1RAJA-RAJA 8:27

Tehu, ou Manetualain, tete'e ka O nau leo nai daebafak ia do? Lalai lala'en-na boeo, loloan-na ta dai soaneu O fa, mu'da hata no uma hule-haladoik fo au afofo'ak ia!

1RAJA-RAJA 8:13

Besak ia au afofo'a uma mana'ahiik soaneu O, soaneu O mamana leleo ma losa dodoon-na.”

YOSUA 22:19

Metema, emi nusam ndia manggenggeok, fo ta nandaa taon da'di mamana makaluku-makatele neu Manetualain fa soona, lali heok-kana leo ia mai, fo leo Manetualain nusan-na mai, fo Manetualain Lalaa Teman-na nai ndia. Ami fe emi ami nusam-ma seli, tehu sa'di boso la'ban Manetualain do la'ban ami nenik popo-tama seluk mei tunu-hotu fe'ek esa, te se'kona Manetualain fo ita Manetualain-na nanuu mei tunu-hotuk so.

RATAPAN 2:7

Manetualain ta sipok mei tunu-hotun fo malalao-malalafuk-ka fa, Ana la'oela Uman-na; Ana po'ilotak musu-a tao natu'u papala nanadaman-nala. Nai mamanak fo makahulun-na ita sene-do'ok ma tao feta, musu-a eki nanahu lamahoko-setelee.

YEREMIA 14:21

Mafandele neu O hala hehelum-ma te O boso makadadaek ami; Ma O boso ka'i O hala-hehelum neu ami-a. O boso makadadaek Yerusalem fo O kandela manem-ma mamanan.

ULANGAN 32:19

Manetualain nita dede'ak ndia boema, namanasa, de Ana ta sipok anan-nala fa.

ZAKHARIA 11:8

Manafoo 3, de 3-s ta hii au fa, ala tao-la au hihii amanasa. Au usi henis, nai bulak esa dalen-na.

MAZMUR 78:59

Manetualain nita boema, namanasa nanseli, de Ana ta sipok-kasa, makandondook fa.

NINITAK 7:15

Hu ndia de, lapadeik lai Manetualain kandela mane na mata na fo ala koa-kion lele'do-le'odaen nai Manetualain Uman dale. Ma Ndia fo nangatuuk nai kandela manek ndia lai na, neukose Ana mai fo nasulu-nahapas.

KELUARAN 29:46

Neukose ala bubuluk lae Au nde Manetualain fo sila Manetualain-na fo mana no sila kalua leme Masir mai, fo ela Au hapu leo nai sila tala'daheon. Au nde sila Manetualain-na.”

IMAMAT 26:15

metema emi la'olena hehelu-balataak fo Au taon no emi, ma ta nau tunga Au nakeketung, ma Au nakaneneteng-ngala fa soona,

IMAMAT 26:43

Tehu, muse usi heni nakahuluk laun manai dae ndia dalek-ka, fo dae ndia louk, fo ela te'e-te'e, dae ndia hapu hahaeaon. Ma Au anang-ngala, muse lakalala'ok basa huhukuk fo Au aketun soaneus, nanahu ala ta nau tunga Au nakaneneteng, ma Au paletang-ngala fa.

IMAMAT 26:44

Tehu, leomae sila bei lai musu nusan-na boeo, neukose Au ta la'oela fas, do Au tao amopo-amates makandondook fa. Nana metema Au tao amopo-amates soona, ndia sosoa-ndandaan nae Au tao ketu Au hehelu-balatang no sila, te se'kona Au ia Manetualain, fo sila Manetualain-na.

YOSUA 22:31

Boema Pinehas, fo Imam Eleazar-ra anan-na, nafa'da leo Ruben Gad ma Manasye Dulu, hataholin-nala nae, “Besak ia, ami bubuluk Manetualain no ita, nanahu emi ta la'ban-nana fa. Emi soi-tefa-ma, hataholi Israel-la neme Manetualain huhukun-na mai so.”

2 SEMUEL 7:7

Lelek Au aleu-alaak sama-sama o leoina Israel-la, Au beita atane ita mauli-malangan fo Au hele basak-kala, hu beek de, ala ta lapadedeik fe Au uma neme ai kaiou Libanon-na mai fa.’

1RAJA-RAJA 6:13

Neukose Au leo nai uma fo o mafofo'ak ia dalek, nai Au anang Israel tala'da heon. Neukose Au ta la'oela fas.”

YOEL 2:27

Boema emi bubuluk leon hai Israel, te Au nai emi tala'da heom, ma bubuluk mae, tete'ek-ka Au nde been-na, Manetualain, fo emi Manetualaim. Ta hapu fe'ek so'on, te ka'da Au mesang-nga. Neukose, ta lakamamaek Au anang-ngala so'on!”