IMAMAT 23:3 - Susula Malalaok Hehelu Palak Ma Hehelu Beuk

³ Hapu faik 6 soaneu naue-nale'di, tehu fai ka hitun-na, fai Sabat, de fai hahaeaok, fo faik ndia nanahele hehelik ba'eneu Manetualain. Nai faik ndia, emi muse makabubua, fo sene-do'ok, ma ta bole maue-male'di fa.

IMAMAT 23:3 Referans Kwoze

IMAMAT 19:3

Hataholi-a esa-esak, muse fe ha'da-holomata neu ina-aman, ma taoafik neu fai Sabat-ta, sama leo hata fo Au paletan. Au nde emi Manetualain.

KELUARAN 23:12

Nai mamasok esa dalen-na, emi bole maue-male'di faik nee dalen-na, tehu neu fai ka hitun-na, emi muse hahaeaom, fo ela emi bana-manum, emi atam-mala ma hataholi nusa dea fo manamaue-male'di fe emi-a, ala hapu hahaeaon-nala boe.

LUKAS 13:14

Malanga uma mamasok ndia namanasa de nae, Yesus nakahahaik hataholi nai fai Saba ta, hu ndia de nafa'da hataholi la nae, “Hapu faik ne soaneu taue-tale'di, hu ndia de mai la'e faik sila la fo nakahahaik o, fo boso nai fai Saba ta!”

KELUARAN 34:21

Hapu faik nee soaneu naue-nale'di; boso maue-male'di nai faik-ka hitun-na, leomae nai fai sele-nggalik do fai ketu-koluk.

NINITAK 1:10

Nai Lamatua ka fai na, Manetualain Dula Dale na koasa na au, boema au amanene halak matuaina kokolak nai au dea nga sama leo pupuu ka lii na.

HATAHOLI 15:21

Nana neme makahulun eli mai a, ala lees Musa hoholo-lalanen tunga-tunga fai Saba ta nai uma mamaso kala dalek, ma nanatui-bengak nai basa kota lala'ena so.”

LUKAS 23:56

Basa boema ala fali de ala sadia bunga-henasina ma mina kaboominik fo ala pisi neu Yesus popola na. Nai fai Saba ta ala hahae ue-le'dis, fo tao tunga agama hoholo-lalanen.

YESAYA 58:13

Manetualain nafa'da nae, “Fe ha'da-holomata neu fai Sabat-ta, sama leo Manetualain fain-na. Nai faik ndia, emi ta bole ito-ato emi paluum-ma fa. Tao faik ndia, da'di leo emi fai maua-manalem: fe ha'da-holomata neu Manetualain fain-na, nenik ta bole la'o leo su'di bee meu fa; boeo, boso maue-male'di, do kokolak dede'a manada'di tak.

YESAYA 56:6

Manetualain nafa'da, hataholi nusa de fo nanalekek nai anan-nala dalek, ma manasue-lai Manetualain, ma nakatele neun, fo manataoafik neu fai Sabat-ta, ma lilineka neu hehelu-balataan-na, nae,

YESAYA 56:2

Au be'e-pala hataholi fo, ana tao natetu fai Sabat-ta, ma ana ta tao nanggenggeo faik ndia fa. Hataholi fo, ana ta tao tatao-nono'i mangalauk fa, neukose Au taon no malole.”

KELUARAN 16:29

Mafandendelek, te Au fe emi faik esa soaneu hahaeaom-mala. Hu ndia de, neu fai ka 6-na, Au fe emi nana'ak dai, soaneu faik dua dalen-na. Neu fai ka hitun-na, hataholi-la esa-esak, muse nahele nai uma, fo ta bole kalua fa.”

KELUARAN 16:23

Musa nafa'das nae, “Manetualain paletan-na nde ia nae: Balahaa nde been-na, fai hehelik soaneu hahaeaok, fai Sabat, faik fo fen neu Manetualain. Hata fo emi nau tunu-dalan nai faik ia soona, tunu-dalan leona, ma hata fo emi nau tunu-nasun soona, tunu-nasun leona. Metema emi paluun nai faik ia dalen-na hapu lenak soona, pe'da fe'en soaneu balahaa.”

KELUARAN 16:30

Hu ndia de, nai fai ka hitun-na, ala ta tao bela-ba'uk fa.