IMAMAT 22:3 - Susula Malalaok Hehelu Palak Ma Hehelu Beuk

³ Metema hataholi esa neme o tititi-nonosim nai manggenggeok-ka dalek, boema ana deka no tunu-hotu malalao-malalafuk fo leoina Israel-la hele hehelin ba'eneu Au soona, ana ta bole nalalau-naoono nai mei tunu-hotuk-ka so'on. Nakanenetek ia, nanapakek losa dodoon-na. Au nde Manetualain.

IMAMAT 22:3 Referans Kwoze

2 TESALONIKA 1:9

Neukose Manetualain huku hataholi sila la, fo ala doidoso losa dodoo na. Neukose hataholi sila la, nanatapa henik leo deak leu fo, ala doo ka leme Lamatua ka no koasa matua-mademan mai.

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

MAZMUR 51:11

Lepos masafali O mata-panam neme au sala-singong mai, ma lose heni basa au salang-ngala lala'ena.

MAZMUR 16:11

O matu'du au, enok manaleo maso'dak-ka neu; nai O dalek, au hapu namahoko-seteleek fo, manasasi kao-kaok-ka, ma ua-nalek-ka losa dodoon-na.

BILANGAN 19:13

Hataholi fo, aon-na la'e mamates-sa, tehu ana ta tao nalalao-nalalafu aoinan-na, nde been-na manggenggeok, nanahu beita nanapisik nenik oe feta fa. De ana tao nanggenggeo Manetualain Lalaa Teman-na, hu ndia de, ta nanalekek da'di Manetualain anan-nala so'on.

IMAMAT 22:2

nanduku-nalosak paleta ia-la neu Harun no anan-nala nae, “Hata fo leoina Israel-la tunu-hotu hehelik-kana soaneu Au, taon no matetu-mandaak, fo ela emi boso tao manggenggeo Au na'de malalao-malalafung-nga. Au nde Manetualain.

EZRA 8:28

Au afa'da basa imam sila-la ae, “Emi nanahele hehelik soaneu Manetualain, fo ita bei-ba'i kain-nala sene-do'ok-ka. Leondiak boe, basa bua-lo'a lilofulak ma lilopilas fo ala fe tutulu-fafalik neu Manetualain-na, nde been-na hehelik soaneu Manetualain.

KELUARAN 30:33

Hataholi fo ana tao mina matak leondiak-ka, do ana losen neu hataholi fo ta imam fa soona, Au anang ta ndia so'on.”