IMAMAT 22:13 - Susula Malalaok Hehelu Palak Ma Hehelu Beuk

¹³ Tehu imam-ma anafe'on-na inafalu so, do ela henin so te anan ta, boema ana fali ne'un leo aman uman neu, de aman mete-nakanaen soona, bole na'a aman nana'a baba'en-na. Ka'da imam-ma teidale-bobongin mesak-kasa nde bole la'a tunu-hotuk ndia.

IMAMAT 22:13 Referans Kwoze

IMAMAT 10:14

Tehu o ma o anatou-anainam-mala, bole mi'a bana tutunu-hohotu natutu'duk-ka tenen-na, ma bana tutunu-hohotu hehelik-ka sakibolon-na. Basa sila-la nde da'di imam-mala baba'en-na neme leoina Israel-la tutunu-hohotu mole-damen-na mai. Emi bole mi'an su'di nai mamanak bee boe, sa'di ta manggenggeok fa.

KEJADIAN 38:11

Basa boema Yehuda nafa'da Tamar fo manafeun ndia nae, “Fali mu'u ma leo o ina-amam uman muu, fo leo meme ndia da'dileo inafalu losa au anang Syela namatua.” Ana nafa'da nae leondia nanahu ana bii boso nalosak neukose Manetualain taonisa Syela boe, sama leo ka'an duas. Boema Tamar fali ne'un leo ina-aman uman neu.

KELUARAN 29:33

Sila muse la'a nana'ak fo nanatunu-hotuk nai feta sala-singok hapu do'o do ampon nai fai ndo eik-ka. Ka'da imam-mala nde bole la'a nana'ak fo nanafe hehelik soaneu Au ndia.

IMAMAT 22:10

Tunu-hotuk fo nanahele hehelik ba'eneu Au-a, ka'da imam sila-la teidale-bobongin mesak-kasa, nde bole la'an; hataholi fe'ek ta bole fa, leomae hataholi ndia leo no imam-ma nai uma esa dalek, do imam-ma hataholi mana'a ngga'din-na boe.

IMAMAT 22:12

Imam-ma anafe'on esa sao touk esa, imam ta ndia fa soona, ta bole na'a tunu-hotuk ndia fa.

KELUARAN 12:43

Manetualain nafa'da Musa ma Harun nae, “Ito-ato feta Paskah nde ia. Hataholi nusa dea-la, ta bole la'a paa bi'ilopo, fo nana tunu-hotuk nai fai Paskah fa.

ULANGAN 24:2

Basa boema, inak ndia sao seluk tou fe'ek.

SEMUEL SUSULAK-KA ESAN-NA 21:7

Nai faik ndia, Doëg, fo Saul malanga manafoo bana-manun-na, nai ndia boe, fo ana tao natetu agama bela-ba'un esa.)

EZRA 2:63

Boema, nusa Yehuda filana-la, ana kena-ka'is, fo boso la'a nana'ak fo ala fen neu Manetualain, losa hapu imam esa noke natutu'duk nenik, ana pake Urim ma Tumim.

YESKIAL 44:8

Ta ka'da sila mesak-kasa, nde tao feta malalao-malalafuk-ka nai Au Umang fa, te ala fe hataholi nusa dea-la bela-ba'uk soaneu ala tao-no'in.