IMAMAT 21:1 - Susula Malalaok Hehelu Palak Ma Hehelu Beuk

¹ Manetualain nadenu Musa nanduku-nalosak paleta ia-la neu imam-imam, fo Harun tititi-nonosin-nala nae, “Imam esa, ta bole tao nanggenggeo aoinan-na, hu kande ana tunga tolanoo ka'a-fa'din feta natoi-natonon,

IMAMAT 21:1 Referans Kwoze

YESKIAL 44:25

Imam esa, ana ta bole tao nanggenggeo aoinan-na, nenik ana koila'e mamates, ta'da fe'e, mamatesa ndia, ndia ina-aman, ndia anan, ndia tolanoo toun, do tolanoo inan fo ana beita saoana fa.

BILANGAN 19:14

Metema mate hataholi esa nai lalaa temak dale soona, su'di see fo nai lalaa temak ndia dalek, do neu leo lalaa temak ndia dalek neu, soona nanggenggeo faik hitu dalen-na

IMAMAT 21:11

Ndia nanafe basak leo Au mai fo ana da'di Au nuung so, da'di ana ta bole tao nanggenggeo aoinan-na fa. Boeo, ana ta bole tao nanggenggeo Au Lalaa Temang-nga, nenik ana kalua neme ndia mai, fo neu leo uma fo mamates-sa dalek, leomae mamates ndia, ndia aman do ndia inan boe.

IMAMAT 19:28

Boso duik mahina emi loum-ma, fo tao ta'du-tana, do tao mahina aopaam-ma, da'di leo ta'du-tana manafalu mamates. Au nde Manetualain.

MALEAKHI 2:4

Soona emi bubuluk, mae Au fe basa paleta ia so, fo ela Au hehelu-balatang no basa imam-imam, fo Lewi tititi-nonosin-nala, nanapake nahelek.

MALEAKHI 2:1

Manetualain Fo Manakoasa, nafa'da basa imam-mala nae, “Au fe emi paleta nde ia:

HOSEA 5:1

Manetualain nae, “Hai imam-mala lemin! Mamanene leona. Hai hataholi Israel-la lemin, taoafik leona! Hai manek-ka tititi-nonosin-nala lemin! Huhukuk-ka, nana naketu basak soaneu emi so! Nana, tunga ndoon-na, emi maketu-mala'di tunga ndoos ma matetuk, tehu nasafalin-na, emi da'di sama leo meobesi nai Mizpa, sama leo hihi'ik nai Lete Tabor-ra so,

BILANGAN 19:16

Ba'eneu hataholi fo, aon-na la'e mamate nisalalak, do hataholi fo ana mate aon nai tina soona, nanggenggeo fai hitu dalen-na. Leondiak boe, ba'eneu hataholi fo, ana koila'e lates do hataholi manamatek duin-na.

BILANGAN 5:2

“Fe hataholi Israel-la paleta nde ia nae: Basa hataholi fo ana hapu he'di lou mangalauk, do he'dis-sa nai mamaen-na, do hataholi manakoila'e mamates-sa, muse kalua henin neme hataholi Israel-la mamana ofun-na mai.

BILANGAN 6:6

Langadoon ndia, nalupa ta'du-tana nae ndia nanafe hehelik ba'eneu Manetualain. Nai lelek ana fe nazar-na, ana ta bole tao nanggenggeo aoinan-na fa; ana ta bole deka mamates fa, leomae mamates ndia nde been-na, ndia aman, do ndia inan, do ndia tolanoon boe.

BILANGAN 19:11

Hataholi fo, aon-na la'e mamates-sa, nanggenggeo faik hitu dalen-na.