IMAMAT 20:8 - Susula Malalaok Hehelu Palak Ma Hehelu Beuk

⁸ Tunga Au hoholo-lalaneng-ngala, nanahu Au nde Manetualain, fo manahele hehelik emi soaneu Au.”

IMAMAT 20:8 Referans Kwoze

KELUARAN 31:13

fo po'a-benga neu leoina Israel-la nae, “Makaboboi fai Sabat, faik fo Au aketu basan da'dileo fai hahaeaok. Faik ndia da'di nasanene'dak neu emi ma Au losa dodoon-na, fo ela emi bubuluk mae Au nde Manetualain, ma mae Au tao emi da'di Au leoinang so.

YAKOBIS 1:22

Ela leo bee na, emi tao-no'i hata fo Manetualain nafa'dak ndia. Boso ka'da mamanenen, nana metema ka'da leondiak mesan soona, emi ke'di ndiu seluk emi ao ina ma nde ndia.

2 TESALONIKA 2:13

Tolano-tolanook fo Lamatua ka sue-lai ka lemin! Ami muse moke makasi makandoo neu Manetualain soaneu emi, nana neme makasososa na mai, Manetualain hele basa emi, fo Ana soi-tefa na emi. Dede'ak ndia ana da'di neme hata fo, Manetualain Dula Dale na tao-no'in neu emi, fo Ana tao emi da'di Manetualain hataholi kamahehelen fo malalaok, ma hu ka nde emi mamahele hala ndoos, fo maneme Manetualai na mai.

1 TESALONIKA 5:23

Manetualain nde fe ita mole-dame ndia. Ela leo bee na, Ana tao na emi, te'e-te'e maso'da ka'da soaneu Ndia mesa kana. Ami hule-haladoi, fo ela leo bee na, nanea emi dale nakababale ma, dudu'a-aafim, ma emi tatao-nono'im, ta hapu sala-singok faa anak boen, nai faik fo ita Lamatuan Yesus Kristus fafali ma'i na.

IMAMAT 21:8

Leoina Israel-la, muse manaku, imam-ma da'di leo hataholi fo nanafe hehelik ba'eneu Au, nanahu, ana tunu-hotu tutunu-hohotu nana'ak soaneu Au. Au nde Manetualain; Au ia malalao-malalafuk, de Au tao alalao-alalafu Au anang-ngala.

NINITAK 22:14

Maua-manalek neu hataholi fo ana safe ba'du manalu na losa malalaok, nalosa sila lanuu hak la'a ai boak neme ai maso'da ka boa na, ma ala masok leo kota ndia dalek tunga lelesuina na.

1 KORINTUS 1:30

Hu ka nde Manetualain de nalosa emi da'di esa mo Kristus Yesus. Tunga Kristus, de Manetualain tao na ita da'di manatee tenok, ma tunga Ndia boe, de Manetualain tao na ita malole falik to Manetualain, nakadada'dik ita da'di Ndia hataholi kamahehele hehelin, ma Ana soi-tefa na ita.

YOHANIS 13:17

Makanaema emi bubuluk basa dede'ak ia la lala'ena, boema emi tao tungan soona, maua-manalek neu emi.

MATEOS 12:50

Hataholi mana tao tunga Au Amang manai nusa so'da ka hihii-nanau na, hataholi ndia nde da'di Au tolanoo toung, Au tolanoo inang, ma Au ina nga.”

MATEOS 7:24

“Naa, ba'eneu see fo namanene Au dede'a-kokolang ia boema ana tao tungan, soona hataholi ndia sama na leo hataholi malela ka napadedeik uma na nai batu lain.

MATEOS 5:19

Hu ndia de, metema see la'olena paleta sila la, leomae ka'da de'ek esa boe, boema nanoli hataholi fe'e kala fo ala tao leondiak boe, soona neukose hataholi ndia ana da'di kome'doana nanseli nai Manetualain hataholi kamahehele nala tala'da. Nasafali na, ba'eneu see fo nakalala'ok paleta sila la no malole na, boema nanoli hataholi fe'e kala, fo daenga ala tao leondiak boe, soona neukose ana da'di matuaina nai Manetualain hataholi kamahehele nala tala'da.

YESKIAL 37:28

Metema, Au Umang-nga nai sila tala'da heon losa dodoon-na, soona besak-ka leoina fe'ek-kala bubuluk, lae Au Manetualain, hele basa Israel da'di Au anang mesang so.”

YESKIAL 20:12

Au adenus fo, ala tao lalalao-lalalafu fai Sabat-ta, da'di leo ta'du-tana neu Au hehelu-balataang no sila, soaneu fes nasanene'dak, nae Au Manetualain, tao sila da'di Au ana heheling so.

IMAMAT 19:37

Tunga la'iesak Au hoholo-lalaneng, ma Au paletang lala'en-na. Au nde Manetualain.”

MATEOS 23:17

Emi hataholi nggoa poke kala! Bee ka nde beli na lena. Lilo pila sa, do Manetualain Uma na nde tao na lilopilas ndia malalao-malalafu ka?

IMAMAT 19:19

Tunga Au paletang-ngala. Boso makasasaok bana dua, ta matak esa fa. Boso sele-nggali bini-ngges matak dua neu dae duduik esa. Boso pake bua papakek fo nanatenuk neme abas matak dua mai.

IMAMAT 20:26

Au ta'da fe'e emi neme leoina fe'ek-kala mai, fo ela emi da'di Au nuung. Emi muse malalao-malalafuk, nanahu Au nde Manetualain, ma Au malalao-malalafuk.

IMAMAT 22:32

Boso tao manggenggeo Au na'de malalao-malalafung-nga. Basa leoina Israel-la lala'en-na, muse sene-do'ok neu Au, da'di leo Fo Malalao-malalafuk nanseli. Au nde Manetualain, de Au tao-a emi da'di malalao-malalafuk.