IMAMAT 19:11 - Susula Malalaok Hehelu Palak Ma Hehelu Beuk

¹¹ Boso mamanako, boso tipu-dai, ma boso masapepeko-masandandali.

IMAMAT 19:11 Referans Kwoze

KELUARAN 20:15

Boso mamanako.

KOLOSE 3:9

Esa boso nasapepeko-nasandandali esa boen, nana emi tu'u-tapa heni so'da palaa ka no basa ha'da-paliin lala'ena so.

EFESUS 4:25

Hu ndia, tolano-tolanoo ngala lemin! Boso masapepeko-masandandali bai. Esa tao ndoos no esa, nana ita basa-basa tala nde bee na, Kristu sao paa na, lima ein no'u-no'u.

MAZMUR 101:7

Manatipu-daik-ka, ta bole leo nai au umang fa; masapepeko-masandandalik-ka, neukose ta nakatatakak nai au matang fa.

ROMA 3:4

Tao leo bee o ta! Nana dede'a mangale'do na, Manetualain ndos nahele, leomae basa hataholi daebafa ka masapepekok mesa-mesan. Nai Susula Malalaok dale nanasulak nae, “Ela leo bee na, lita O ndos nai O hala-kokola ma dalek, ma O sengi nai lelek fo laketu-lala'di O.”

ULANGAN 5:19

Boso mamanako.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

1 TIMOTIUS 1:10

soaneu mana sosoa-piao kala, touk sao seluk touk, hataholi mana mamanako neok, masapepeko-masandandali kala; mana sakasii pepeko kala, ma su'di see fo, tatao-nono'in ta nandaa no nanoli ndo sa fa.

EFESUS 4:28

Hataholi fo ana biasa namanako, muse ana hahae namanako leona. Dede'a nasafali na, ana muse naue-nale'di, fo ana hapu tei-buin no matetu na, fo daenga ana hapu tulu-fali hataholi mana to'a-taa kala.

YEREMIA 6:13

Sila basa-basas, matua ana, ala sanga nanalak nenik eno ke'di-ndiuk. Nakalenak nabi ma imam boe, tipu-dai hataholi.

MAZMUR 116:11

Nai au napangamang-nga dalek, au afa'da ae, “Ta hapu hataholi esa boen, fo hapu nananamahelek fa.”

KELUARAN 22:7

Metema, hataholi esa pe'da doin, do bua-lo'a kabelin-na nai nonoon-na uman. Tehu, basa boema, lamanako-la buas sila-la neme nonoon-na uman mai. Metema, ala ho'u-la nakodaa soona, ana muse bae didikuk la'i dua.

KELUARAN 22:1

“See namanako-na sapi do bi'ilopo esa, boema ana do'don do nase'on soona, muse ana nggati sapi ndia nenik sapi lima ma bi'ilopo ndia nenik bi'ilopo haa.

KELUARAN 20:17

Boso dale he'di hataholi fe'ek hata-heton; uman-na, saoinan-na, atan-nala, bana-manun, keledein-na, do su'di beek fo hataholi fe'ek nuun.”

1RAJA-RAJA 13:18

Boema nabi lasik fo maneme Betel mai ndia boeo nasapepeko neun nae, “Au boeo nabi sama leo o boe. No Manetualain paletan-na boe, de ata nusa so'dak esa nadenu basa au soaneu au mai ala o fo au fe o mu'a nai au umang.”

KELUARAN 20:16

Boso sakasii pepekok la'eneu hataholi fe'ek.

KELUARAN 23:1

“Boso makalala'ok halak masapepeko-masandandalik, ma boso tulu-fali hataholi mangalauk fo manasakasii pepekok.

IMAMAT 19:10

Metema, emi seu basa angol-la boa makasososan-na soona, boso fali seluk fo meu seu angol nanaseu ela-kala. Boeo, boso hele angol boak manakonok-kala. Ela sila-la soaneu hataholi nuu-taa hata-taak-ka, ma hataholi nusa dea-la. Au nde emi Manetualain.

2 SEMUEL 17:20

Absalom nadenu hataholi-la leu leo uma ndia leu, de latane inak na'kasa ndia lae, “Ahimaas no Yonatan lai bee?” Boema inak ndia nataa nae, “Besak-ka, ala lena leo lee selik leu.” Ala sanga touana ka duak sila-la, tehu ala ta hapu fas, boema ala fali le'us leo Yerusalem leu.

AMSAL 24:28

Metema, o ne'ek ta soona, boso sakasii hataholi fe'ek dede'an; boeo, boso masapepeko-masandandali neun.