IMAMAT 17:11 - Susula Malalaok Hehelu Palak Ma Hehelu Beuk

¹¹ Basa mahahaek lala'en-na, maso'dan-na nai daan dale. Hu ndia de, Manetualain paleta, fo ela muse pisi basa daak lala'en-na leo mei tutunu-hohotuk lain neu, fo ela hataholi-a sala-singon nanalose henik. Daak fo nde maso'dak-ka, ana lose heni sala-singok.

IMAMAT 17:11 Referans Kwoze

IBRANI 9:22

Memak tunga agama Yahudi a hoholo-lalanen soona, hihii nae basa hata lala'ena, ala tao lalalaos linik daak; sala-singo ka hapu do'o do ampon, metema hapu daa ka ana faa.

1 YOHANIS 1:7

Tehu metema ita taso'da nai mangale'do ka dalek, sama leo Manetualain nai mangale'do ka dalek, soona ita taso'da nai nakabua-nakaesa ka dalek, boema ita esa mole-dame no esa, soona Manetualain Anan fo Yesus daa na, ana safe nalalao ita teme ita sala-singo nala mai.

ROMA 3:25

Manetualain feheni Kristus Yesus, fo ela no mamaten ndia, hataholi daebafa ka nanafa'dak natapo'i neme sala-singo ka mai, metema lamahele neun. Manetualain tao leondiak soaneu natu'du ndo matetu na. Nana nai tepo lele makahulu na, Manetualain ta haelai namanasa hataholi daebafa ka sala-singo nala fa, de nalosa Ana ta huku fas.

NINITAK 1:5

ma neme Yesus Kristus, sakasii fo manalilineka ka. Ndia nde makasososa naso'da falik neme mamate sa mai, ma Ndia nde manakoasa neu mane-mane daebafa kala. Yesus sue-lai ita, ma no mamate na de Ana soi-po'i ita teme ita sala-singon mai,

MARKUS 14:24

Basa ndia boema Yesus nae, “Ia nde bee na Au daa nga, fo ana pakunisa Manetualain hehelu-balatan, daak fo nanapo'ahenik soaneu hataholi ba'u ka.

KEJADIAN 9:4

Ka'da esa mesak-kana, nde o ta bole mu'a fan, fo nde paa bei madaak-ka, nana ani hahaek ndia, nai daak dale.

KOLOSE 1:14

Nanahu Anan ndia nde soi-tefa nala ita, boema Ana fe do'o do ampon neu ita sala-singo nala so.

MATEOS 26:28

Nana Au daang ia daak hehelu-balataak, daak fo nanapo'a henik soaneu fe do'o do ampon neu hataholi ba'u sala-singon.

IBRANI 13:12

Hu ka nde ndia de, Yesus boeo mate nai kota lelesu ina na deak, soaneu tao balisi hataholi kamahehele nala neme sala-singo nala mai ninik daa na mesa kana.

EFESUS 1:7

Nana, hu ka nde Kristus mamate na de, Manetualain se'i po'i ita, fo dede'ak ndia sosoa na nae, Ana fe do'o do ampon neu ita sala-singon so.

IMAMAT 17:14

Basa mahahaek lala'en-na, maso'dan-na nai daan dale, hu ndia de, Manetualain kena-ka'i leoina Israel-la, fo boso la'a daak. Ba'eneu hataholi see, fo ana tao tatao-nono'ik nananalulik ndia soona, ana ta da'di Manetualain anan-nala so'on.

KOLOSE 1:20

nana hu ka nde Kristus de, basa hata lala'ena malole falik lo Manetualain-fo basa hata manai daebafa ka ma manai nusa so'da ka boe. Manetualain tao basa sila la tunga Yesus mamate na, nai ai nggangek lain.

ROMA 5:9

Besak ia ita malole falik to Manetualain, tunga Kristus mamate na so. Hu ndia de tao leo beeo Kristus soi-tefa nala ita teme Manetualain nasa-melun mai.

IMAMAT 8:15

Boema, Musa ta'ti sapi ndia, de ana ho'i-na daan-na seli. Ana lose daak ndia, nenik limaku'un-na neu mei tunu-hotuk-ka susulan manai bu'un haas, fo ela mei tunu-hotuk ndia, nanafe hehelik ba'eneu Manetualain. Ana pisi daa lenak-ka leo mei tunu-hotuk-ka sosolon dale neu. Enon-na leondiak, mei tunu-hotuk ndia nanatao nalalao-nalalafuk, ma nanafe hehelik ba'eneu Manetualain.

1 YOHANIS 2:2

No Yesus Kristus tunu-hotu ao ina na, de ita sala-singon hapu do'o do ampon. Tehu ta ka'da ita mesa tala sala-singon hapu do'o do ampon fa te, basa hataholi daebafa ka sala-singon boeo, hapu do'o do ampon.

MATEOS 20:28

Sama na leo Ana Hataholik ndia boe. Ana mai fo ta soaneu hataholi la lalalau-laoono fan, te Ana mai soaneu nalalau-naoono ma Ana fe heni so'da na, soaneu Ana soi-po'i hataholi ba'u ka.”

IMAMAT 16:11

Harun tunu-hotu, ma ana do'do basa sapi mane-a, soaneu tutunu-hohotuk neu ndia no teidale-bobongin-nala sala-singon hapu do'o do ampon,

IMAMAT 1:5

Basa soona, muse ta'ti sapi ndia nai Lalaa Temak-ka lelesun-na, bafan-na. Imam-imam fo Harun tititi-nonosin-nala, muse tunu-hotu daan-na soaneu Manetualain boema pisi daak ndia neu mei tunu-hotuk-ka boboan haas, fo nai Lalaa Temak-ka lelesun-na matan-na.

IMAMAT 17:12

Hu ndia de, leoina Israel-la, do hataholi nusa dea esa, ana leo nahele nai hataholi Israel-la tala'da, hapu kena-ka'ik, fo boso la'a paa daa.

IMAMAT 4:25

Imam-ma muse dope limaku'un-na leo bana ndia daan dale neu, fo ana losen neu mei tunu-hotuk-ka susulan-nala nai mei bu'un haas, ma ana pisi daak fo bei elak-ka leo mei tunu-hotuk-ka sosolon dale neu.

IMAMAT 4:26

Basa soona, muse tunu la'iesak bana ndia minan-na nai mei tunu-hotuk lain, sama leo tutunu-hohotu mole-dame-a boe. Imam-ma tataon-na leondiak, soaneu ana fe tutunu-hohotuk ba'eneu hataholi manakoasa esa, soona neukose, Manetualain fe do'o do ampon neu hataholi ndia sala-singon.

ULANGAN 12:23

Tehu paa bee-la bei madaak soona, emi ta bole mi'a fan, nanahu bana ndia samanen-na, nai daan dale, de emi ta bole mi'a paan-na, sama-sama no samanen-na fa.