IMAMAT 16:29 - Susula Malalaok Hehelu Palak Ma Hehelu Beuk

^29-31 Muse tunga nakanenetek ia-la, losa dodoon-na. Neu hataholi Yahudi-la bula ka hitun-na, fain sanahulu soona, hataholi Israel-la, ma hataholi nusa dea fo manaleo loo hataholi Israel-la, muse ala oka aon-nala, ma ta bole laue-lale'di fa, nanahu faik ndia, fai malalao-malalafuk nanseli. Nai faik ndia, muse ala tao feta, soaneu tao nalalao-nalalafu leoina Israel-la neme sala-singon lala'en-na mai, fo ela ala da'di hataholi balisi.

IMAMAT 16:29 Referans Kwoze

YESAYA 58:3

Leoina ndia natane nae, “Sosoak hata, okaaok ndia, metema Manetualain ta mete fa? Sosoak hata, ita takaloe-takadae oa-tala, metema Au ta taoafik neu fan?” Manetualain nafa'da nae, “Te'e-te'e, lelek emi okaaom-mala, emi sanga nanalak soaneu emi, ma eese-lulumu hataholi fo, emi se'ba-baek-kala.

BILANGAN 29:7

Neu hataholi Yahudi-la bula ka hitun-na, fain sanahulu soona, emi muse makabubua, fo makaluku-makatele. Nai faik ndia, emi muse okaaom-mala, ma ta bole maue-male'di fa.

DANIAL 10:12

Boema nafa'da au nae, “Danial, boso bii. Manetualain namanene o huhule-haladoim neme faik makasososan fo o ho'i nakeketuk soaneu o makaloe-makadae o aom-ma, fo ela o da'di manatee-tenok. Au mai da'dileo natataak neu o huhule-haladoim.

YESAYA 58:5

Metema emi okaaom-ma soona, emi fepa-li'u emi aoinam-ma; emi makatele emi langam-ma, sama leo na'u-a doon-na. Emi bela si'di lafa lapik, fo emi nggali afu leo lain neu, fo emi mangape'uk meu lain. Soona, emi mafa'da mae, okaaok-ka nde ndia do? Emi maedaenga, Au amahoko unik emi tatao-nono'im ndia do?

MAZMUR 35:13

Lelek sila lamahe'di, au daleng-nga he'dis-sa ma au ta u'a-inu fa; au akatele, fo au hule-haladoi,

IMAMAT 23:21

Nai faik ndia, emi muse makabubua fo sene-do'ok, ma ta bole tao ue-le'dis mabela fa. Emi tititi-nonosim muse tunga paleta ndia, losa dodoon-na, ma ala leo su'di nai mamanak bee boe.

KELUARAN 20:10

tehu fai ka hitun-na nde been-na fai hahaeaok, fo fai hehelik soaneu Manetualain. Nai faik ndia, hataholi esa boen, ta bole tao bela-ba'uk, nau emi do emi anam-mala, emi atam-mala, emi bana-manum do hataholi nusa dea fo manaleo nai emi nusam dale.

IBRANI 4:10

Nanahu hataholi fo ana masok leo mamana hahae aok, fo Manetualain helu neun ndia soona, neukose ana hahae ao na, neme basa tatao-nono'in lala'ena mai, sama na leo Manetualain boe.

1 KORINTUS 11:31

Tehu metema ita palisak ita aoina na nakahuluk soona, neukose Manetualain ta huku ita fa.

DANIAL 10:3

Nai lelek ndia, au ta u'a nana'a mala'da do paa boen; au ta inu angol ma au ta sau au langang-nga boen.

YESAYA 58:13

Manetualain nafa'da nae, “Fe ha'da-holomata neu fai Sabat-ta, sama leo Manetualain fain-na. Nai faik ndia, emi ta bole ito-ato emi paluum-ma fa. Tao faik ndia, da'di leo emi fai maua-manalem: fe ha'da-holomata neu Manetualain fain-na, nenik ta bole la'o leo su'di bee meu fa; boeo, boso maue-male'di, do kokolak dede'a manada'di tak.

MAZMUR 69:10

Au manggateng-nga lua ponu-ponu, nanahu au sue-lai O umam-ma, hataholi fo lakamumulu-lakamamaek O-a, hakinonolin-nala tuni-la au aoinang-nga.

EZRA 3:1

Nai hataholi Yahudi-la, bula ka hitun-na boema, hataholi Israel-la, ala leo lahele nai esa-esak kotan-na. Nai bulak ndia fain esa boema, lakabubua nai Yerusalem,

1RAJA-RAJA 8:2

Boema basa-basas mai nai Fai Malole Lalaa Akidook-ka nai bulak Etanim fo hataholi Yahudi-la bulak-ka hitun-na.

IMAMAT 23:3

Hapu faik 6 soaneu naue-nale'di, tehu fai ka hitun-na, fai Sabat, de fai hahaeaok, fo faik ndia nanahele hehelik ba'eneu Manetualain. Nai faik ndia, emi muse makabubua, fo sene-do'ok, ma ta bole maue-male'di fa.

KELUARAN 30:10

Harun muse tao nalalao-nalalafu mei tunu-hotuk-ka teuk esa la'iesa nenik ana pisi mei tunu-hotuk-ka bana susulan haas nenik bana fo nanatunu-hotuk soaneu sala-singok hapu do'o do ampon, daan-na. Ana muse tao leondiak tunga teuk ma neme bobongik leo bobongik neu. Mei tutunu-hohotuk ndia muse malalao-malalafuk ma nanafe hehelik soaneu Au.”

KELUARAN 12:16

Nai faik makasososan-na, ma fai ka hitun-na boe, emi muse makabubua, fo tao makaluku-makatele. Nai faik ndia dalen-na, emi ta bole tao tatao-nono'ik hata esa boen, ta'da fe'e emi paluu beek, soaneu do'de-nasu emi nana'a-nininum.

HATAHOLI 27:9

Lelek ndia, hataholi Yahudi la Fai Malole Mole-Dame na seli so. Ami mamopo fai ba'u ka so, de ta hapu fai malole soaneu ofa ka la'ok no malole so'ok. Hu ndia de Paulus nanoli-nafa'das nae,

KELUARAN 31:14

Emi muse fe ha'da-holomata neu fai hahaeaok ndia da'dileo fai malalao-malalafuk. Au fe emi faik 6 soaneu maue-male'di, tehu faik-ka hitun-na nde been-na fai matua fo nanafe hehelik soaneu Au. See ta fe ha'da-holomata neu fan, tehu naue-nale'di nai faik ndia soona, muse nanahukunisak.

IMAMAT 3:17

Hataholi Israel-la, ta bole la'a minak do daak makandondook fa. Nakanenetek ndia, nanapakek losa dodoon-na, de hataholi Israel-la muse tungan, leomae ana leo su'di nai bee boe.

SEMUEL SUSULAK-KA ESAN-NA 7:6

Boema basa-basas lakabubua lai Mizpa. Ala aso oe boema ala po'a henin fo da'di leo tunu-hotuk neu Manetualain basa boema, nai faik ndia dalen-na, ala oka aon-nala. Lafa'da lae, “Ami masala-masingo basa neu Manetualain so.” (Nai Mizpa ndia nde Semuel mulai da'di mauli-alangan neu hataholi Israel-la.)

EZRA 8:21

Boema au po'a-benga nai Lee Ahawa su'un-na, ae basa-basam-mala muse okaaom-mala, ma makaloe-makadae aom-ma nai Manetualain matan. Ami hule-haladoi, fo ela Manetualain hela-nole ami, nai ami leleo lala'om-ma dalek, boema nasulu-nahapa ami, ami anam-mala, ma basa ami hata-hetom lala'en-na.

IMAMAT 25:9

Boema nai hataholi Yahudi-la bula ka hitun-na, fain sanahulu, fo nde faik fo sala-singok hapu ampon-na soona, madenu hataholi puu puuk-ka nai basa mamanak lala'en-na, nai nusak dale.