IMAMAT 13:46 - Susula Malalaok Hehelu Palak Ma Hehelu Beuk

⁴⁶ Nai lelek ana bei hapu he'dis ndia, ana da'di hataholi manggenggeok, de muse ana leo nai mamana oofuk-ka deak, fo dook-ka neme hataholi fe'ek-kala mai.

IMAMAT 13:46 Referans Kwoze

2RAJA-RAJA 7:3

Nai faik ndia, hataholi ha'di lou mangalauk 4 lai Samaria lelesuinan-na deak. Esa kokolak no esa nae, “Sosoak hata, ita bee-na mai ia, fo tahani mamates-sa do?

2RAJA-RAJA 15:5

Boema, Manetualain taon-nan, doi-doso no he'di lou mangalauk-ka, losa maten te, he'din ndia, ta lea-hai fa. Ala fen leo fe'e, mesak-kana nai uma esa dalek, ma ala ta fen tao bela-ba'uk fa. Anamanen Yotam, ana paleta laun-na, da'di leo lima boa konan-na.

2TAWARIKH 26:21

Losa Manek Uzia maten te, he'di-laun ndia ta lea-hai makandondook fa. Ala fen leo pasi fe'e nai uma esa dalek, ma ala ta fen loak masok leo Manetualain Uman dale neu so'on. Ala fen hahae neme bela-ba'un mai, de anamanen Yotam paleta laun-na da'di leo limaboa konan-na.

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.

NINITAK 21:27

Tehu hataholi fo manatao-no'i dede'a manggenggeo kala, do hataholi masapepeko-masandandali ka, dede'a keke'u na, hata beek boe – metema manggengeok soona, neukose ta masok leo kota ndia dalek makandondook fa. Fo manamaso ka nde ka'da hataholi fo na'de nala nanasulak nai Susula Hataholi Maso'da kala fo nde Bi'ilopo Ana ndia susulan dale.

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

2 TESALONIKA 3:14

Fafakama neukose hapu hataholi ta nau tunga hata fo ami mafa'dan nai susulak ia dalek fa. Soona, ia'akouk hataholi matak leondia ka, ma boso leo-mapalasa moon, fo daenga ana mae.

2 TESALONIKA 3:6

Tolano-tolanoo ngala lemin! No Lamatuak Yesus Kristus koasa na, ami moke neu emi, fo madook ao mala neme basa hataholi mana pela-bale kala mai, ma hataholi fo ala ta tunga nanolik fo ami manoli sala fa.

1 KORINTUS 5:5

emi muse fe hataholi ndia leo Nitu neu, fo ela hataholi ndia ao paa na nakalulutuk, fo no enok ndia, dula dale na hapu so'dak, nai lelek fo Lamatua ka fali ma'in.

LUKAS 17:12

Lelek ana masok nala nggolok esa dalek boema, hataholi he'di lou mangalauk sanahulu ala mai. Lapadeik lai doo ka,

RATAPAN 1:8

Yerusalem tao nanggenggeo aoinan-na mesak-kana nenik tao sala-singo manggenggeok makadotok. Basa hataholi fo makahulun-na fen ha'da-holomata, besak ia, lakadadaek-kana nanahu lita makaholan-na. Ana hoo-nggu'u, nanahu ana mae so.

RATAPAN 1:1

Besak ia, Yerusalem nee-nee lino-linok nanseli, kota fo makahulun-na henuk no makaseek nanseli. Makahulun-na nai leoina-la uluk, tehu besak ia, ana da'di sama leo inafalu so. Makahulun-na kota fo nanakoa-nanakiok nanseli, besak ia, ana da'di ata so.

AMSAL 30:12

Hapu hataholi nggelok, lafa'da lae sila malalao-malalafuk, te se'kona, manggenggeon-na seli.

IMAMAT 13:47

Metema, hapu pulu po'ok nai bua papakek do temak bi'i bulu, do tema abalutu,

IMAMAT 14:3

fo imam-ma noon leo mamana oofuk-ka deak neu. Metema, tunga imam-ma palisan-na nae, hataholi ndia lea-hai so, soona

IMAMAT 23:29

Ba'eneu see, fo na'a hata esa nai faik ndia soona, ana ta da'di Manetualain anan-nala so'on.

2 SEMUEL 3:29

Nemen-na, fo huku Yoab no teidalen-nala, hu kande tatao-nono'in ndia. Sa'di leo been-na, nai Yoab teidalen-nala dalek, neme bobongik leo bobongik neu, hapu hataholi, ana hapu he'di lou mangalauk tataas esa, do touk be'i-balakai tak, do maten nai natee-natatik dale, do ala to'a-taa nana'a-nininuk.”

RATAPAN 4:15

Hataholi-la lafa'da lae, “La'o meme ia mai! Emi manggenggeok, de boso mafaloe ami!” Boema ala la'o, de laleu-lalaak leme leoina esa leo leoina esa leu, tehu ta hapu hataholi esa boen, fes loak fo leo lahele fa.