IMAMAT 11:29 - Susula Malalaok Hehelu Palak Ma Hehelu Beuk

^29-30 Lafo manai bolodae dale, lafo matua, lafo ana, ba'iafa, basa lo'donggelek mata-matak lala'en-na, landak, ba'iafa, nggonggoek, ma busali'da nde been-na, bana nalulik sila.

IMAMAT 11:29 Referans Kwoze

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”

KOLOSE 3:5

Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

EFESUS 4:14

Soona ita ta da'di ni'i ana manggonga-po'ak, hu ka nde hataholi mana po'de-pai kala, nanoli lupa-lupa nala so'on. Nana no sila puta-pain ndia de, hataholi ba'u ka latofa-latalak.

YOHANIS 6:66

Mulai neme hatematak ndia mai a, ana manatungan ba'u ka, lalai la'oelan, de ala ta nau tungan so'ok.

YOHANIS 6:26

Boema Yesus nae, “Tete'e ka, emi mai sanga Au nana ta hu ka nde emi malelak basa Au tao manda'di beu kala sosoa-ndandaan fa, te hu ka nde emi mi'a basa de emi makabete so.

LUKAS 16:14

Hataholi Farisi la lamanene basa hata fo Yesus nafa'da kala. Boema ala hikan, nana ala hii ka'da doi ka.

LUKAS 12:15

Basa boema, Yesus nafa'da basa hataholi manai sila la nae, “Masanene'dak ma manea, fo boso nalosak emi tenepeta. Nana hataholi daebafa ka so'da na, ta tai-namahena neu ka'da su'i-bete nala fa, leomae hata-heto nala, ala sasi kao-kao.”

HAGAI 2:6

Ta dook-ka so'on, te neukose Au anggenggengok lalai-a, ma daebafak-ka, daema'dak-ka ma tasi-a.

YESAYA 66:17

Manetualain nafa'da nae, “Basa hataholi fo manatao lalao-lalafu aoinan-nala, fo leu leo lamatua daebafak-kala osin-nala leu ma sene-do'ok neus-sala, neukose mopok-kasa sama-sama lo hataholi mana'a paa bafi, ma paa lafo, boema nana'a nanamalua fe'ek-kala.

MAZMUR 10:3

Hataholi mangalauk-ka kokolak bafa louk, la'eneu hihii-nanau mangalaun-na, hataholi manatene petak-ka, soo-supa ma tipa Manetualain.

KEJADIAN 1:20

Basa boema, Manetualain kokolak nae, “Ela leo been-na, mahahae maso'dak makadotok lakalalapa lai oe dale, ma manupui makadotok bee-laa lai lalai.”

AMSAL 30:28

Tekela'bak-ka, bana esa, bisa ho'un nenik limak, tehu hapun nai manek-ka uma manen dale.