IBRANI 9:21 - Susula Malalaok Hehelu Palak Ma Hehelu Beuk

²¹ Basa boema, Musa pisi bana daa ndia, neu Lamatua ka Uma Lopo na, ma basa bua lo'as fo ala paken soaneu ala hule-haladoi ka boe.

IBRANI 9:21 Referans Kwoze

IMAMAT 8:19

Musa do'do bi'ilopo ndia, de ana lose daan-na neu mei tunu-hotuk-ka boboan haas.

IMAMAT 8:15

Boema, Musa ta'ti sapi ndia, de ana ho'i-na daan-na seli. Ana lose daak ndia, nenik limaku'un-na neu mei tunu-hotuk-ka susulan manai bu'un haas, fo ela mei tunu-hotuk ndia, nanafe hehelik ba'eneu Manetualain. Ana pisi daa lenak-ka leo mei tunu-hotuk-ka sosolon dale neu. Enon-na leondiak, mei tunu-hotuk ndia nanatao nalalao-nalalafuk, ma nanafe hehelik ba'eneu Manetualain.

KELUARAN 29:36

Tunga faik, muse tunu-hotu sapi mane esa soaneu sala-singok hapu do'o do ampon. No tutunu-hohotuk ndia, mei tunu-hotuk nanatao nalalao-nalalafuk. Boema o muse lose mina neu mei tunu-hotuk ndia nenik mina setun, fo ela nanafe hehelik soaneu Au.

KELUARAN 29:12

Ho'i-ma sapi ndia daan seli, fo lose menik o limaku'um-ma neu mei tunu-hotuk-ka susulan-nala. Daak fo bei elak ndia O muse po'an leo mei tunu-hotuk-ka dae neu.

IMAMAT 9:18

Boema ana ta'ti sapi mane esa, ma ana do'do bi'ilopo mane esa boe, fo soaneu tutunu-hohotuk mole-dame ba'eneu hataholi Israel-la. Harun anan-nala leni fen bana ndia daan-na, de ana pisin neu mei tunu-hotuk-ka boboan haas.

KELUARAN 29:20

Boema do'do bi'ilopo mane ndia, fo ho'i-ma daan faaanak fo losen neu Harun no anan-nala di'idoo konan-na, neu lima ku'uina konan ma ei ku'uina konan-nala. Daak fo bei elak ndia, muse pisin neu mei tunu-hotuk-ka boboan haas.

KELUARAN 24:6

Musa ho'in-na sapi sila-la daan seli, de ana po'an leo bokol dale neu. Ana po'a seli leo mei tunu-hotuk lain neu.

KELUARAN 40:9

Basa soona, o muse tunu-hotu Lalaa Temak no hata-heton lalaena leo Au, no enon-na leoiak: lose mina neu basa hata lala'en-na nenik mina feta, soona basa sila-la nanafe hehelik soaneu Au.