IBRANI 8:11 - Susula Malalaok Hehelu Palak Ma Hehelu Beuk

¹¹ Sila ta paluu lanoli sila lau nala fa, do lafa'da tolanoo nala lae, ‘Malelak Manetualain leona.’ Nanahu sila basa-basas, matua, ana, neukose lalelak Au.

IBRANI 8:11 Referans Kwoze

YEREMIA 31:34

Ta hapu sila esa nanoli esa soaneu lalelak Manetualain fa. Nana sila basas, ana do matua, neukose lalelak Au. Sila salan-na lala'en-na neukose Au asanggango henis, sila sala-singon-nala lala'en-na neukose Au fe do'o do ampong neus. Au, Manetualain, nde manakokolak-ka.”

YESAYA 54:13

Basa o laum-mala, ala da'di Au ana sakolang, neukose ala hapu tetu-temak ma so'da-molek.

YOHANIS 6:45

Ala sula kana nai Nabi la Susulan dale nae leo ia: ‘Neukose Manetualain nanoli basa hataholi la.’ Hu ndia de, see namanene Ama ka, ma nanoli neme Ama ka mai soona, ana mai leo Au mai.

1 YOHANIS 2:27

Tehu la'eneu emi soona, Kristus fe basa Dula Dale na neu emi so. Boema metema Dula Dalek ndia bei nahele nai emi dalem dale soona, ta paluu hataholi nanoli emi so'on. Nana Dula Dalek ndia nanoli emi, la'eneu basa hata lala'ena; boema ta hapu masapepeko-masandandalik nai nanolin sila la dalek fa. Hu ndia de ela leo been-na, emi tunga Dula Dale ka nanolin sila la, ma ela leo been-na emi maso'da tataas esa mo Kristus.

YEREMIA 24:7

Neukose Au fes dudu'a maneu soaneu lalelak lae, Au ia Manetualain. Soona neukose sila da'di Au anang-ngala, ma Au da'di sila Manetualain-na, nanahu ala fali lo Au-a mai no dale katematuak.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

HATAHOLI 8:10

Boema basa hataholi ta'da-ta'dak manai kota ndia, ala taoafik lanseli neu hataholi ndia. Hataholi sila la lae, “Hataholi ia, Manetualain be'i balakain, fo nananita-nalelak da'dileo Be'i balakai Matua Ina.”

HABAKUK 2:14

Tehu sama leo oe henu tasi-a, leondiak boe daebafak-ka, neukose henuk no malelak la'eneu Manetualain, ma koasan-na.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

YESAYA 2:3

basa-basas lafa'da lae, “Mai fo, ata kae leo Manetualain Pupukun lain teu, leo Israel Manetualain Uman-na teu. Neukose nanoli ita hata fo ita muse taon. Neukose ita tunga enon-na, nana Manetualain nanolin-na, ana mai neme Yerusalem mai, Ana kokolak neme Sion mai.”

YESKIAL 34:30

Soona besak-ka, basa hataholi-la ala bubuluk, lae Israel nde been-na, Au anang, ma lae Au asulu-ahapas. Au, Manetualain Fo Mademaina, nde manakokolak-ka.

EZRA 7:25

Tolanook Ezra, pake manatee-tenok fo, Manetualain fe basan neu Tolanook-ka so, fo so'u mauli-malangan, ma manakee-manafula-la, fo ala paleta basa hataholi manai propensi Efrat Muli, fo laso'da tunga Tolanook-ka Manetualain-na, Hoholo-lalanen. Ela leo ben-na, Tolanook-ka manoli Hoholo-lalanek ndia, neu basa hataholi fo, ala beita bubuluk-kana fa.

2TAWARIKH 30:22

Hataholi Lewi sila-la mauli-malangan malelak nai makaluku-makatele neu Manetualain, nalosa Hizkia koa-kios. Faik hitu dalen-na ala la'a-linu nana'a-nininuk neme feta ndia mai, ma ala tunu-hotu tutunu-hohotuk soaneu loke makasi neu Manetualain, fo sila bei-ba'i kain-nala Manetualain-na,

YEREMIA 44:12

Ma metema neme hataholi Yehuda fo bei elak-kala hapu lakisak dalen-nala fo leu lo Masir soaneu ala leo lai na soona, neukose mate-mopo la'iesak-kasa. Sila basa-basas ana matua, neukose mates nai Masir, nai natee-natatik-ka dalek do hukande la'a-ndoes-sa. Neukose hataholi litas soona, lame'da langgenggengo ao, ma neukose lakamumulu-lakamamaek-kasa. Sila na'den-nala neukose nanapakek da'di leo soo-supak.

YEREMIA 6:13

Sila basa-basas, matua ana, ala sanga nanalak nenik eno ke'di-ndiuk. Nakalenak nabi ma imam boe, tipu-dai hataholi.

YEREMIA 42:1

Basa ndia boema basa hataholi matua do ana, lo basa soloda'dun-nala, ma Yohanan Fo Kareah anan-na ma Azarya fo Hosaya anan-na mai

YEREMIA 42:8

Boema au aloo-a Yohanan no soloda'dun-nala, ma hataholi fe'ek fo ala mai sama-sama lon nana.