IBRANI 3:8 - Susula Malalaok Hehelu Palak Ma Hehelu Beuk

⁸ Emi boso malanga batu, sama na leo bei-ba'ikai mala, lelek ala la'ban Manetualai na, boema ala so'ba-su'di Manetualain neme mo solokae ka.

IBRANI 3:8 Referans Kwoze

AMSAL 28:14

Fe ha'da-holomata tataas esa neu Manetualain, soona neukose o maua-manale. Metema, o la'ban-nana soona, o hapu soe.

KELUARAN 17:7

Ala foi mamanak ndia na'de Masa nanahu nai mamanak ndia, hataholi Israel-la so'ba-su'di Manetualain, nai lelek latane lae, “Ade Manetualain no ita do ta?” Ala foi mamanak ndia boeo na'de Meriba nanahu nai mamanak ndia, hataholi Israel-la lakamuu-muu.

DANIAL 5:20

Tehu nai lelek ana koao-ndaeao, langa batu ma ana tao hataholi no dale susue-lalai tak boema, nanaloli henik neme kandela manen lain mai, nalosa mopo ndela-sa'an.

YEREMIA 7:26

Tehu ta hapu hataholi namanene, do taoafik neu fas. Nakalenak, emi boetai malanga batu, ma mangalauk lena heni emi bei-ba'i kaim-mala.”

MAZMUR 78:56

Tehu lalena langa-lasa'ba soo ma ala fola Manetualain Fo Mademaina, nenik ala ta tunga paletan-nala fa.

MAZMUR 78:18

Ala so'ba Manetualain, nai dalen-nala dalek, no nakasetik, fo fes nana'ak fo, sila lahiik-kana.

MATEOS 13:15

Nanahu hataholi ia la, dudu'a-aafin nala pa'an so, di'idoo nala pakes so, ma mata nala lasusungu kana so. Dede'ak ia ana da'di, fo ela mata nala boso lita, ma di'idoo nala, boso lamanene, dudu'a aafin nala, boso lamatane, fo ela, ala boso fali leo Au mai, fo Au boso tao ahais.’ ”

AMSAL 29:1

Metema nanoli-nafa'da see, fo ana la'ban nakandoo soona, neu faik esa te, neukose nakalulutuk, fo ta bisa tao matalololen fa.

AYUB 9:4

Manetualain ndia, malelak ma manatee-tenok nanseli, ma manakoasa; see bisa nakataka la'ban-nana?

KELUARAN 8:15

Lelek manek-ka nita, nae lo'donggelek sila-la mates so, boema nalanga batu. De sama leo hata fo Manetualain nafa'da basan nae, manek-ka ta nau taoafik neu Musa no Harun hala-kokolan fa.

MAZMUR 106:14

Nasan-nala dudungu-papaus, leme moo solokaek-ka, de ala so'ba Manetualain.

2TAWARIKH 36:13

Manek Nebukadnezar-ra nakaseti Zedekia fo ana soo-supa nenik Manetualain na'den-na nae neukose ana lilineka neu Nebukadnezar. Tehu makabuin-na Zedekia tao nakabubua mangalauk la'ban Nebukadnezar. Zedekia nalanga bat neu Amak fo Israel Manetualain-na. Ana ta nau tuka tei-sale dale neme sala-singon mai, ma ana ta nau fali leo Manetualain mai fa.

ULANGAN 6:16

Boso so'ba emi Manetualaim-ma, sama leo emi taon neme Masa.

1 KORINTUS 10:9

Ita ta bole so'ba-so'ba to Lamatua ka, sama leo makahulu na sila nggelok so'ba Lamatua ka de nalosa menge malaso ka ana kaa nisas.

HATAHOLI 19:9

Tehu hataholi sila la, de'ubee ala langa batu de ala ta nau lamahele fa. Nai basa hataholi mana makabubuak sila la matan, lakamu-lakadau nanolik la'eneu Manetualain dale tutu'un soaneu Ana soi-tefa na hataholi daebafa ka tunga Yesus. Hu ndia de Paulus la'oelas de no hataholi mana tunga Yesu sala leu leo Tiranus kama nanolin dale leu. Leu ndia boema, tunga faik Paulus natukaaafik no hataholi la.

NEHEMIA 9:16

Tehu ami bei-ba'i kaim koao-ndaeao ma latea dalen-nala; ala ta tao tunga O paletam-mala fa.

SEMUEL SUSULAK-KA ESAN-NA 6:6

Sosoak hata, emi malanga batu sama leo makahulun-na, mane Masir-ra ma hataholin-nala boe? Boso mafandele heni, tao leo beek de Manetualain tao nakamiminak-kasa, nalosa lame'da he'din-na boema, ala po'i hataholi Israel sila-la, la'oela Masir.

BILANGAN 14:11

Manetualain nafa'da Musa nae, “Hataholi ia-la, la'ban Au losa faihi'da? Losa faihi'da seluk bai, fo hataholi ia-la ta nau lamahele Au fa, leomae Au tao basa manada'di beuk makadotok nanseli, nai sila matan so?

2TAWARIKH 30:8

Boso malanga batu sama leo sila, tehu tunga neu Manetualain. Mai leo Yerusalem mai, leo Manetualain Uman fo emi Manetualain hele heheli basan ba'eneu Ndia mesak-kana losa dodoon-na. Mai fo sene-do'ok neun fo ela nasan-na tenak soaneu emi.

2RAJA-RAJA 17:14

Tehu, Israel ma Yehuda, ta nau lamanene fa. Lalanga batu, sama leo sila bei-ba'ikain-nala, fo ta lemahele neu sila Manetualain fa.

MAZMUR 95:8

“Boso malanga batu, sama leo o bei-ba'i kaim-mala leme Meriba, sama leo nai lelek leme Masa, fo nai moo solokaek-ka.

HATAHOLI 7:36

Musa ia nde hela-nole leoina Israe la kalua leme Masir mai, ninik ana tao manda'di beuk, ma dede'a matuaina la neme Masir, neme Tasi Pila sa, ma neme mo maloa teuk hahulu dale na.