IBRANI 13:4 - Susula Malalaok Hehelu Palak Ma Hehelu Beuk

⁴ Basa hataholi lala'ena, muse latu'du heo-hilu ha'da-holomata soaneu uma lo a, hu ndia de ela leo bee na saotou saoinak, esa lilineka nahele no esa. Hataholi mana sosoa-piao ka ma manahohonge ka, neukose Manetualain naketu-nala'dis.

IBRANI 13:4 Referans Kwoze

KEJADIAN 2:24

Hu ndia de, touk-ka la'oela ina-aman, fo ana da'di esa no saoinan-na, boema duas da'di esa.

GALATIA 5:19

Hataholi daebafa ka hihii-nanaun ma ha'da-tataon, nananitak nai tatao-nono'in fo nde, sosoa-piao ka, manggenggeo ka, ma ta kandaa ka dalek;

GALATIA 5:21

boema nape'da dale ka, mana mafuk, feta-dote, ma bei nggelok seluk bai. Hu ka nde basa dede'ak sila la de, besak ia au fe emi nasanene'dak sama na leo makahulu na boeo, au fe emi nasanene'dak ae, basa hataholi mana tao-no'i tatao-nono'i leondia ka, neukose ana ta da'di lima-eik nai Manetualain hataholi kamahehele nala dalek fa.

1 KORINTUS 6:9

Ade emi bubuluk hataholi ta manatunga Manetualain hihii-nanau na, neukose ala ta da'di lima eik neme Manetualain hataholi kamahehele nala mai fa do? Boso fe hataholi ke'dindiu na emi! Hataholi manatao-no'i sosoa-piao kala, manasongo-tango kala, manahohonge kala, touk fo nase'o ao paa na neu ina kala fo ana hapu doik, touk manatao tatao-nono'ik fo manini mamaek soaneu nonoo tou na ma saoina na,

EFESUS 5:5

Taoafik matalolole hataholi mana sosoa-piao ka, do matetu-mandaa ta ka, do mana tene peta ka ha'da-tatao matak leo sila kala, sama no sosongo-tatango ka, hataholi ndia, ta hapu da'di lima eik hataholi kamahehelek fo Kristus ma Manetualain paleta fan.

1 TIMOTIUS 3:12

Hataholi mana tulu-fali salani ka, muse saon ka'da esa. Muse ana ito-ato nalelak ana nala ma uma loon no malole.

1 TIMOTIUS 3:4

Muse ana ito-ato nalelak uma loon no malole, ma nanoli ana nala, fo ala tunga paleta na, ma ala fe ha'da-holomata neun.

1 KORINTUS 7:38

Mangale'do na, hataholi masaoana ka tatao-nono'in malole, ma hataholi saoana ta ka, tatao-nono'in malole seluk bai.

KEJADIAN 2:21

Boema Manetualain taon-na, hataholi ndia sungu namanee, de ana bei sungu-sungu te, Manetualainho'i-na hataholi ndia kaiisu duin esa, boema Ana tao ketu mamanan-na, nenik hataholi ndia, ao isin-na.

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.

TITUS 1:6

Penatua fo o sanga so'uk ndia, muse hataholi esa, sala-singon ta; saoinan ka'da esa; ana nala muse lamahele Kristus so, fo ela ala boso da'di ni'iana mangalau kala, do ni'iana langa batu kala.

1 TIMOTIUS 5:14

Hu ndia de, au nau inafalu muli solu kala sao seluk fo ala hapu anak, ala ito-ato uma loon, fo ela ita musu noo na, boso hapu loak, tao langgenggeo ita na'de na.

1 TIMOTIUS 4:3

Lanoli hataholi a fo ala boso saoana, ma laluli nana'a-nininuk nggelok. Te se'kona nana'a-nininuk sila la, Manetualain nakadada'di kasa soaneu hataholi kamahehele kala ma hataholi mana malelak Manetualain nanoli ndo na, fo la'a-linu soona, ala hule-haladoi, loke makasi neu Manetualain

2 KORINTUS 5:10

Nana tao leo bee o, ita basa-basa tala nanakalaak leo Kristus kandela kekee-fufulan mata na teu, fo neukose ita esa-esak hapu babala na, nandaa no tatao-nono'in nai daebafak ia, nau tatao-nono'i malalole do tatao-nono'i mangalauk boe.

1 KORINTUS 9:5

Ade au ta anuu hak la'ok o saoina kamahehelek esa nai au leleo-lala'o nga dalek, sama leo Lamatuak Yesus tolanoo nala ma hataholi nadedenu fe'e kala, fo leo Petrus ala tao ka fa do?

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

1 TIMOTIUS 3:2

Mauli-malanga salanik esa, muse hataholi bu'u-ba'e tak, saon ka'da esa, nakatatakak nala dale na, manatee tenok, ma mana ito-ato malole; ana nau sipok hataholi leo uman neu, ma nanoli nalelak hataholi; boso hataholi mana mafuk ala lalu;

YESAYA 8:3

Neu fai makabuin boema, au saong-nga nailu. Lelek bongi ami anam-ma boema, Manetualain nafa'da au nae, “Foi ni'iana ndia, na'de ‘Naseti-nalaka no Lai-laik, Namanako no Lai-laik.’

2RAJA-RAJA 22:14

Boema, Hilkia, Ahikam, Akhbor, Safan ma Asaya leu loke natutu'duk neme inak esa, na'de Hulda. Inak ndia, nabi esa, fo ana leo nai nggolo beuk manai Yerusalem-ma. Saon-na, na'de Salum, fo Tikwa anan-na, ma Harhas upun-na; Salum ia, nde ito-ato papake-ngganggaok makaluku-makatele-a, nai Manetualain Uman. Lelek Hulda namanene, sila hala nafa'dan ndia boema,

IBRANI 12:16

Manea leona, fo ela boso hapu nggelok laso'da sosoa-piao, do ala ta so'ulaik dede'a samane kala, sama leo hata fo Esau tao-no'i ka. Ana nase'oheni ndia ha ka da'dileo ana uluk ka'da soaneu nana'ak mango esa.

IMAMAT 18:20

Boso sungu moo hataholi fe'ek saon; nana tatao-nono'ik ndia, ana tao-na o da'di manggenggeo.

ULANGAN 22:22

Metema, nai kota esa dalek, ala ho'u-la touk esa, ana sungu no hataholi fe'ek saon-na soona, muse tapanisa la'iesak duas. No enok ndia, emi tao mamopo tatao-nono'i mangalauk ndia.

1 KORINTUS 6:18

Madook aoina ma neme tatao-nono'i sosoa-piao ka mai. Nana hataholi tao basa sala-singo fe'e kala ndia, ana da'di nai hataholi ao paa na deak. Tehu hataholi fo ana tao tatao-nono'i sosoa-piao ka soona, ndia sosoa na nae, ana tao sala-singok soaneu ao paa na mesa kana.

1 TESALONIKA 4:6

Nai basa tatao-nono'ik sila la dalek, emi boso ke'dindiu do tao mangalauk neu emi tolanoo ma do tipu dain. Makahulu na ami fe basa emi nasnene'dak mae, neukose Lamatua ka huku hataholi mana tao-no'i tatao-nono'i masalak leo sila kala.

IMAMAT 15:18

Ina-touk sungu lakabubua basa soona, duas muse ladiu oe, tehu duas langgenggeo lehele losa le'do tenak.

AYUB 31:12

Sala-singok ndia, ana tao namopo-namate, sama leo ha'i manai tasi ha'ik dale-a, ana hotu heni, basa au hata-hetong lala'en-na.