IBRANI 12:26 - Susula Malalaok Hehelu Palak Ma Hehelu Beuk

²⁶ Nai lelek ndia, hala na tao nanggengek daebafa ka. Tehu besak ia Ana helu nae, “La'iesa seluk soona, neukose Au tao anggenge kana, ta ka'da daebafa ka mesa kana fa, tehu lalai a boe.”

IBRANI 12:26 Referans Kwoze

YESAYA 13:13

Neukose, Au tao-a lalai-a dele, ma daebafak-ka keko neme mamanan-na, nai faik fo Au, Manetualain Fo Manakoasa, atu'du Au nasa-melung.

KELUARAN 19:18

Ha'imasuk-ka potin-na la'iesak letek ndia, nanahu Manetualain kona nai letek lain, nai ha'i dale. Ha'imasuk ndia masu-masu, sama leo ha'imasuk-ka namasu neme la'o dale mai, de letek ndia nanggengo matuaina nanseli.

YOEL 3:16

Manetualain nangao neme Sion, fo Ndia leten lain mai, halan-na nadodolo neme Yerusalem mai. Hu Manetualain de, lalai-a ma daebafak-ka langgengo. Tehu neukose, Manetualain nasala'e nahele ma nasulu-nahapa Israel, fo anan-nala.

YESAYA 2:19

Nai hatematak fo Manetualain fo'a, fo nanggenggengok daebafak-ka soona, neukose hataholi-la masok leo lea-luak manai pupuku mabatu piak-kala dalek leu, do ala kali bolok nai dae dale, fo ela ala boso hapu Manetualain nasa-melun, ma neme koasan fo mandela-masa'an-na mai. Metema faik ndia losa soona, ala tao-la sosongo-tatango lilofulak ma lilopilas fo ala sene-do'ok-ka, neukose nanala'oelak leondiak mesak-kana, soaneu fo lafo-la lo bauk-kala soan.

IBRANI 12:27

Dede'a ka nae, “la'iesa seluk” natu'du nae, neukose basa daebafak fo nakadada'di kana, neukose Ana fae nanggenggengo kana ma Ana kekoheo kana, fo daenga ela ka'da hata manggengo ta kala.

HABAKUK 3:10

Letek-kala lita O boema, langgengo, u'dan-na neme lalai mai, sama leo nanapo'ak-ka. Tasiina manai daebafak-ka buin-na, oen-na nangguu, de lii-la lapoponu ma nggu-nggu.

HAGAI 2:22

Au tao akalulutuk nusa-nusak-kala, ma Au tao akalulutuk koasan-nala. Neukose Au fae alenga kaleta natee-nata'tin-nala loo hataholi manaho'un-nala; neukose mate basa ndalan-nala, ma hataholi manasa'ek-kala, esa taonisa esa.

HAKIM-HAKIM 5:4

Lelek O la'o meme Seir mai, ou Manetualain ma O la'oela nusa Edom-ma, daebafak-ka dele, lalai-a oelolon-nala boeo, latahuka, ma ko'as-sala, po'a oen-na mai.

YESAYA 66:22

Sama leo lalai beuk ma daebafa beuk-ka, neukose lakatatakak, nanahu Au koasang-nga, leondiak boe, emi tititi-nonosim, ma emi na'dem-ma nahele.

HAGAI 2:21

fo nanduku-nalosak-kana neu gobelnol Zerubabel-la. Manetualain nafa'da nae, “Ta dook-ka so'on, te neukose Au nggenggengok lalai-a ma daebafak-ka,