IBRANI 11:12 - Susula Malalaok Hehelu Palak Ma Hehelu Beuk

¹² Leomae Abraham nai lelek ndia, sama leo hataholi fo mate ao paa na so, tehu ana hapu tititi-nonosik ba'u ka, fo dede'u na ta hapu leke nala fan, dede'u nala sama leo nduuk manai lalai a, ma solokaek manai tasi su'u na.

IBRANI 11:12 Referans Kwoze

KEJADIAN 22:17

Neukose, Au ba'e-pala o nenik baba'e-papalak manasasi kao-kaok-ka, ma Au fe o tititi-nonosim de'u nduuk manai lalai-a, ma solokaek manai tasi su'un-na. Neukose, o upu-anam sengi musun-nala.

KEJADIAN 32:12

Mafandendelek te, Manetualain helu basa, nae neukose Amak-ka ito-ato basa hata lala'en-na no malole soaneu au, ma Amak-ka fe au tititi-nonosik makadotok. Ta hapu hataholi esa boen, hapu leke-nala fan, nanahu dede'un-na sama leo solokaek manai tasi su'un-na.”

HOSEA 1:10

Leoina Israel-la, neukose de'u solokaek manai tasi su'un-na, nalosa ta hapu leke-nala fas. Besak ia, Manetualain nafa'das nae, “Au anang ta emi fa”, tehu neukose fain-na losa soona, nafa'das nae, “Au nde Manetualain fo maso'dak, ma Au anang emi!”

YEREMIA 33:22

Neukose Au tama Au atang Dauk tititi-nonosin, ma leo Lewi-a imam-nala, de nalosa dede'un-nala boetai lamaba'uk-ka sama leo solokaek manai tasi su'un-na, ma nduk manai lalai-a fo ta hapu leke-na fan.”

KEJADIAN 15:5

Manetualain no Abram leo deak leu, boema nafa'dan nae, “Mete leo lalai neu, fo so'ba leke nduuk-kala; neukose o hapu tititi-nonosik de'u nduuk sila-la.”

KEJADIAN 26:4

Neukose Au fe upu anak dede'un-na leo nduuk manai lalai-a, ma neukose Au fes nusak ia lala'en-na. Basa leoina manai daebafak-ka, ala dokodoe neu Au fo ela Au fes baba'e-papalak sama leo Au ba'e-pala basa o tititi-nonosim so.

NINITAK 20:8

fo neu ke'dindiu leoina manatapasasalak nai basa daebafa ka lala'ena, fo nde Gog ma Magog. Nitu tao nakabubuas fo latee-latati. Sila dede'u nala de'u solokaek manai tasi su'u na.

YESAYA 10:22

Leomae besak ia, hataholi Israel-la dede'un-na de'u solokaek manai tasi su'un-na, tehu neukose ka'da sila de'ubee tukatei-saledale. Manetualain huhukun-na deka so, de memak nandaa, ma no ndoos ma matetuk, leoina ndia nanatao namopo-namatek.

KELUARAN 32:13

Mafandendelek O atam Abraham, Isak ma Yakob. Mafandendelek mae O maheluk pake sosoo-susupak soaneu O fe sila tititi-nonosin de'u nduuk manai lalai, boeo mafandendelek mae O fe la'iesak dae fo O heluk ndia, fo neukose ana da'di sila tititi-nonosin pusakan losa dodoon-na.”

YESAYA 48:19

Neukose o tititi-nonosim, de'u solokaek manai tasi su'uk-ka; Au apalani afa'da nana, tao leo bee-o, ta mate-mopo fas.”

NEHEMIA 9:23

O makadada'dik tititi-nonosin-nala de'u nduuk manai lalai-a. O fes dae fo ala leo, dae fo O helu basan neu bei-ba'i kain so.

1 TAWARIKH 27:23

Manek Dauk-ka ta leke hataholi fo teun duahulu leo dae neu fa, nana Manetualain helu basa sanga tao na hataholi Israel-la de'u nduuk manai lalai-a.

1RAJA-RAJA 4:20

Laun Yehuda ma Israel dede'u na sama leo solokaek manai tasi su'u na. Sila nana'a nininun dai boema so'da nala malole.

2 SEMUEL 17:11

Hu ndia de, au nanoli-nafa'dang leoiak: Maloo makabubua basa hataholi Israel-la leme basa nusak-ka lala'en-na mai, fo ela dede'un-na, de'u solokaek manai tasi su'un-na. Boema, Ama Manek nde nauli-nalangas leo natee-natatik dale leus.

SEMUEL SUSULAK-KA ESAN-NA 12:5

Boema, Semuel nafa'da nae, “Nai faik ia, Manetualain ma Ana hele manek-ka, da'di sakasii, lae se'kona au ta tao salak faaanak boen.” Boema, lataa lae, “Hei, tete'ek-ka, Manetualain da'di ita sakasiin.”

HAKIM-HAKIM 7:12

Nai bafak ndia dalek, hataholi Midian, Amalek ma hataholi fe'ek-kala leme moo solokaek-ka mai, lakapepela su'di lai mamanak lala'en-na. Metes soona, sama leo lamak-kala lakamomotu. Sila ontan-nala makadotok nanseli, sama leo solokaek manai tasi su'uk-ka.

YOSUA 11:4

Boema manek sila-la mai loo basa solda'dun-nala, makadotok nanseli sama leo solokaek manai tasi su'un-na. Ndala ma kaleta musun-nala boeo, makadotok nanseli.

ULANGAN 28:62

Leomae, emi dede'um-ma, de'u nduuk manai lalai-a so boe, tehu nai emi dalek, hapu maso'dak, ka'da lumanak mesak-kana, nanahu emi ta tunga neu emi Manetualaim-ma fa.

ULANGAN 1:10

emi Manetualaim-ma, Ana taon-na emi boetai mamade'uk-ka, nalosa emi dede'um-ma, de'u nduuk manai lalai-a.

ROMA 9:27

Nabi Yesaya kokolak no halabelak la'eneu leoina Israel nae, “Leomae leoina Israe la dede'u na de'u solokaek manai tasi su'u ka, tehu ka'da lumanak mesa kana neukose laso'da;

HABAKUK 1:9

Solda'dun-nala sapu, fo leni naseti-nalakak, basa hataholi-la lita mamai nala soona ala dele bengge'be. Ala ho'u-la hataholi-la, ta leke-na dede'un-nala fa.