IBRANI 11:1 - Susula Malalaok Hehelu Palak Ma Hehelu Beuk

¹ Namahehele ka sosoa na nae, tamahele te'e-te'e neu dede'ak fo nananamahena ka, ma tanuu nakeketuk neu dede'ak fo ta nananita ka fa.

IBRANI 11:1 Referans Kwoze

2 KORINTUS 5:7

Nana ami maso'da tunga ka'da ami mamahele neu Kristus. Ami ta tunga hata fo nananita ka fa,

2 KORINTUS 4:18

Nana ami ta paluu hata nananita ka fa, te ami paluu ka nde hata nananita ta ka dei. Hata nananita ka, nakatatakak ka'da ba'ihanak mesan, tehu hata nananita tak ndia matea-mahelek losa dodoo na.

IBRANI 11:7

Hu ka nde namahehele ka, de Manetualain nafa'da Noh, la'eneu dede'ak fo neukose ala da'di nai fai makabuin; fo ana ta hapu nita fan. Noh tunga Manetualain paleta na, nalosa ana tao na ofak esa, de neu makabui na boema, nananitak ana soi-tefa nan sama-sama no uma isi nala. No enok ndia, daebafa ka nanahukuk, tehu Noh mesa kana, hu ka nde namahehele na de nananafa'dak neme Manetualain mai, da'dileo hataholi fo malole.

IBRANI 10:22

Hu ndia de mai fo ata deka to Manetualain no dale ndoos, ma namahehelek fo matea-mahelek; no dalek fo nanatao nalalao-nalalafu basak neme dale nameme'da masalak, ma no ao paak fo nanabalisik ninik oe fo neu isi ka.

MAZMUR 27:13

Au amahele, neukose au la'ola'di Manetualain dale malolen-na, nai au maso'dang-nga dalek, nai daebafak ia.

IBRANI 11:27

Hu ka nde namahehela ka, de Musa la'oela Masir no ta name'da bii bii-namata'uk soaneu Mane Masi ra nasa-melun fa. Musa la'ok nakandoo tunga dale tutu'u na, nono'ka bai, nita basa Manetualain fo nananita tak ndia.

IBRANI 6:12

Ami ta nau emi da'di manapela-balek fa. Tehu ami hii fo ela emi maso'da sama leo hataholi fo manasipo hata fo Manetualain helu ka, ma nanahu emi mamahele neun, ma emi mahani no ta haelai mamanasa fa.

IBRANI 10:39

Ita ia, ta nde hataholi kamahehelek fo mana fali deak, ma mana la'ok sala enok fa. Nasafali na ita nde bee na, hataholi kamahehelek fo tamahele neu Manetualain, ma nanasoi-tefak.

MAZMUR 42:11

Au daleng-nga nakalulutuk, nanahu musu-a hakinonolin-na. Ala latane lakandoo lae, “O Manetualaim-ma, nai bee?”

1 KORINTUS 13:13

Da'di soaneu hatematak ia, hapu dede'ak telu fo ita muse tao-no'i taheles fo nde: namahele ka, namahena ka, ma nasue-nalai ao ka. Neme dede'a ka teluk sila la, fo nanapaluu nanseli a nde, sue-lai hataholi fe'ek.

IBRANI 11:13

Basa hataholi sila la lamahehele lahele losa mate. Ala ta sipo dede'ak fo nanaheluk neme Manetualain mai fa, tehu ka'da lita ma ala sipo kana neme doo ka mai. Ma no enok ndia de lafa'da lae, sila ka'da hataholi manamai, ma manasepo-danga nai daebafak ia.

IBRANI 3:14

Ita basa-basa tala nde bee na, tolanoo mana sanga enok esa to Kristus, sa'di losa mate'e na, ita ho'u tahehele ita namahehelen fo ita tanuun nai makasososa na.

GALATIA 5:6

Hu ka nde, metema ita da'di esa too Kristus soona, tunga do ta tunga suna ta fa o, ta hata-hata fa. Fo paluu nanseli a, nde ka'da tamahele Kristus, fo dede'ak ndia, nananitak nai ita susue-lalain neu hataholi fe'e ka.

2 KORINTUS 5:17

Hataholi fo naso'da da'di esa no Kristu sa, ana da'di hataholi beuk. So'da palaa ka ta kana so. Basa-basan, ana da'di beuk so.

2 PETRUS 1:1

Tolano-tolanoo ngala lemin! Susulak ia neme au, Simon Petrus, fo Yesus Kristu satan ma hataholi nadedenun. Au sulak susulak ia soaneu emi, fo mana mamahele te'e-te'e sama leo ami boe. Yesus Kristus fo nde Manetualain ma ita Mane Mana Fe So'da na, Ana tao basa tatao-nono'i ndoos lala'ena, nalosa ita tamahele neun.

HATAHOLI 20:21

Au fe nasanene'dak tataas esa, nau neu hataholi Yahudi do leoina fe'e kala, fo ela ala tukatei-saledale leme sala-singo nala mai, fo ala fali leo Manetualain mai, boema lamahele Lamatuak Yesus.

TITUS 1:1

Susulak ia neme au, Paulus. Au sulak susulak ia, da'dileo Manetualai natan ma Yesus Kristus hataholi nadedenun. Au nanahelek ma nananadenuk, soaneu au tulu-fali Manetualain hataholi kamahehele nala, fo ela ala da'di balakaik nai namahehele nala dalek. Au boeo muse hela-noles, fo ela lalelak nanoli ndoos fo agama nanoli kala.

IBRANI 2:3

Muda hata no so'dak-molek matua ina, fo nanananduku-nalosak tunga hala heheluk ndia bai! Metema ita ta taoafik neu so'da-molek ndia fa soona, tao leo bee o, neukose ita ta tatapo'i teme huhukuk ndia mai fa. Nanahu Lamatua ka mesa kana nde makasososa po'a-benga so'da-molek ndia, ma hataholi fo lamanene makasososa nana, ala fe basa buti ndo na neu ita so.

2 KORINTUS 11:17

Manamaik ia, neukose au afa'da au namatutua-namadedemang, tehu Lamatua ka ta nde nadenu au afa'da dede'ak ndia fa. Nai dede'ak ia dalek, te'e-te'e au kokolak sama leo hataholi nggoa ka.

2 KORINTUS 9:4

Tehu au bibii ka'da boso nalosak hapu hataholi Makedonia la tunga sama-sama lo au nai lelek au ne'i. Ma metema ala hapu la emi beita maheheleaom fa soona, weh, mahani te se ami mae manseli, nana ami mafa'da basa mae, ami mamahele manseli neu emi! Ma neukose emi mae boe.

IBRANI 3:6

Tehu Kristus lilineka da'dileo Anak fo nde nataa Manetualain Uma na. Ma ita ia nde Manetualain Uma na, metema ita manggate tahele ma tamahele tahele soona ita hapu hata fo ita tamahena ka.