HOSEA 9:17 - Susula Malalaok Hehelu Palak Ma Hehelu Beuk

¹⁷ Manetualain fo au alalau-aoonon ndia, neukose Ana ta sipok anan-nala fa, nanahu ala ta lamanene fan. Neukose laleu-lalaak lai leoina-la tala'da.

HOSEA 9:17 Referans Kwoze

HOSEA 7:13

Ala soe, nana ala-la'oela Au so. Neukose lakalulutuk, nanahu ala lena-la'ban basa Au so. Au ahiik soi-tefas, tehu sila makaluku-makatelen neu Au-a, ka'da pepekok mesan.

HATAHOLI 3:23

Hataholi fo ana ta taoafik neu hata fo nabi ndia nafa'da ka fa soona, Manetualain si'uheni hataholi ndia neme hataholi kamahehele kala dalek mai, fo mopo-maten.

ZAKHARIA 1:4

Boso sama leo emi bei-ba'i kaim. Makahulun eli, basa nabi-la landuku-lalosak Au hala hehelung-nga neus, fo ela ala boso boe tao seluk tatao-nono'i mangalauk, ma tao sala-singok bai. Tehu ala ta lafaduli ma ala ta nau tunga Au fa.

MIKHA 7:7

Tehu ita tamahena neu Manetualain; ita tahani ita Manetualain, no namahehele henuk. Neukose namanene ita huhule-haladoin fo Ana soi-tefa-na ita.

YESAYA 48:18

Leouni'ka, o taoafik neu Au paletang-ngala, soona o ua-nalem sama leo lee manama'da tak-ka, ma o ua-nale malolem-ma, sama leo lii nai tasi lai, fo ana ta hahae nita fa.

AMOS 9:9

Neukose Au fe paleta, ma Au da'i-lelee leoina Israel-la, sama leo hataholi-a da'i-lelee gandum-ma nai ooko dale, fo soaneu tipa heok hataholi sosoa-ndandaa taak-kala nai sila dalek. Neukose Au dopok-kasa nai leoina-la tala'da.

HOSEA 4:10

Neukose, emi mi'a neme tutunu-hohotuk fo nanatunu-hotuk-ka mai, tehu neukose emi mamala'a mahele. Neukose emi sene-do'ok neu lamatua daebafak, fo ala lamaheles fe bubu'u-palusa lalole, tehu emi laum-ma ta namade'u fa, nana emi la'oela Au so, de emi meu sene-do'ok neu lamatua daebafak fe'ek-kala.”

YESAYA 7:13

Boema Nabi Yesaya nafa'da nae, “Metema leondiak soona, mamanene leon, hei Manek Dauk-ka tititi-nonosin-na nei! Ade, emi fola hataholi daebafak-ka hahae nalun-na, de beita dai fa, nalosa emi fola au Manetualaing-nga hahae nalun-na boe do?

AMSAL 29:1

Metema nanoli-nafa'da see, fo ana la'ban nakandoo soona, neu faik esa te, neukose nakalulutuk, fo ta bisa tao matalololen fa.

MAZMUR 31:14

Nai mamanak lala'ena, hapu bibii-namata'u matuaina; au amanene dede'a anin, la'eneu au musung-nga. Ala lalahalak, soaneu la'ban au, ma ala sanga enok fo taolisa au.

NEHEMIA 5:19

Au dokodoe ou Manetualain, mafandele hata fo au tao basan soaneu leoina ia, ma ba'e-pala au leona.

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

2TAWARIKH 18:13

Tehu Mikha nataa nae, “No Manetualain fo maso'dak-ka na'den-na, au nau afa'da ka'da hata fo Manetualain nafa'dan neu au!”

ULANGAN 32:26

Au hii tao amopo-amate la'iesak-kasa, fo ela mopo na'den-nala.

YAKOBIS 1:1

Tolano-tolanoo Salanik fo mana makapepela manai daebafa ka lala'ena lemin! Nate'ak neme au, Yakobis fo Manetualain ma Lamatuak Yesus Kristu sata na.

FILIPI 4:19

Manetualain fo au sene-do'o ka, fo su'i-beten sasi kao-kao nai Kristus Yesus dale ka, neukose Ana tao natetu basa emi paluum lala'ena.

YOHANIS 20:28

Boema Tomas nafa'da Yesus nae, “Au Lamatua nga ma au Manetualai nga!”

YOHANIS 20:17

Boema Yesus naen nae, “Boso taila'e Au dei, te Au beita kae leo Ama ka u fa. Tehu fali mu'u ma leon, fo mafa'da Au tolanoon gala mae, besak ia Au kae falik leo Au Ama nga ma o Amam, ma Au Manetualai nga ma o Manetualai ma.”

YOHANIS 7:35

Boema basa manakoasa Yahudi la esa kokolak no esa nae, “Te Hataholi ia, ana sanga neu leo bee neu, de nalosak nae, ita ta hapu tatotongo ton so'on? Ade, Ana sanga neu leo hataholi Yahudi manaleo nai nusadea, fo nai hataholi Yunani la dalek, fo sue ka nde nanoli hataholi Yunani sila la do?

AMOS 8:2

Boema Manetualain natane au nae, “O mita beek, Amos?” Au ataa ae, “Au ita sapai esa, ai boa latuk henun.” Boema Manetualain nafa'da nae, “Leondiak boe, Au anang Israel fain-na losa soaneu nanahukuk so. Neukose Au ta dodoo asafali seluk Au dale tutu'ung-nga so'on, de tao leo bee-o, neukose Au hukus.

YEREMIA 6:30

Neukose sila na'den-na, nanafoik na'de, lilofulak nanatu'u-tapa henik, nana Au, fo Manetualain, tu'u-tapa henis so.”

ULANGAN 4:25

Boeo mahani te, metema emi leo dook-ka nai nusak ndia, ma emi maupu-maanak soona, boso tao sala-singok, nanahu emi tao dodoki-dudulak nai lupak matak leo beek-ka boe. Tatao-nono'ik ndia nde been-na, tatao-nono'i mangalauk esa, nai emi Manetualain-ma mata memeten-na, de neukose namanasa.

ULANGAN 4:27

Neukose Manetualain tao tapasasala emi nai leoina fe'ek-kala tala'da, de ela ka'da emi hataholim lumanak laso'da lahele.

YEREMIA 7:13

Leomae Au kokolak o emi la'inono'ik boe, tehu emi ta nau mamanene Au fa. Emi tao basa sala-singok sila-la, de metema Au aloo soona, emi ta nau mataa fa.

YEREMIA 7:15

Neukose Au usiheni emi, neme Au matang-nga mai, sama leo Au usiheni emi teidale-bobongim, fo hataholi Israel-la.”

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.