HOSEA 6:5 - Susula Malalaok Hehelu Palak Ma Hehelu Beuk

⁵ Hu ndia de, Au adenu Au nabing-ngala, fo landuku-lalosak Au nakeketung-nga neu emi, nae emi muse nanahukuk, ma nanatao namopo-namatek. Fo Au ahiik neme emi mai-a, mangale'dok so:

HOSEA 6:5 Referans Kwoze

YEREMIA 23:29

Au hala kokolang sama leo ha'i-a, ma sama leo makoa fo manatao makalulutuk batu-a.

YEREMIA 1:10

Faik ia, Au fe o koasa neu leoinak-kala, ma nusa-nusak-kala – koasa soaneu tao matu'u henin, ma tao mandefa henin, soaneu loli henin, ma tao mamopo-mamate, soaneu mafofo'a ma sele-nggali.”

YEREMIA 5:14

Boema Manetualain Fo Manakoasa, nafa'da au nae, “Yeremia, hu kande hataholi sila-la kokolak lae leondia, de neukose soe-a la'es, fo tunga sila hahapun-na soona, neukose soe ndia ta da'di fa. Neukose Au akadada'dik au hala-kokolang sama leo ha'i nai o bafam dale. Fo leoina ia, neukose ana da'di ai ha'i, fo ha'i ndia na'a henis.”

IBRANI 4:12

Manetualain hala-kokolan nde bee na, hala-kokolak fo maso'dak, ma mabe'i-balakaik; tane na lenaheni tafaina tane kadua ka. Hala kokolak ndia, ana tola losa leo samane ka ma dula dale ka dae too na; ana tola losa leo bu'u-bu'u kala, ma dodole dui ka dae too na, nalosa ana bubuluk besa-besa no hataholi daebafa ka dale-aafin, ma dale tutu'u na.

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

NINITAK 9:21

Ala ta tukatei-saledale leme tatao-nono'i mangalau nala fo nde: kanisak, malela suangi, hohonge ma nakoda.

NINITAK 9:15

Ata nusa so'da kahak sila la nanase'i-po'ik. Sila nanasadia hehelik ba'eneu li'u, faik, bulak, ma teuk soaneu taolisa hataholi daebafa ka baba'ek esa neme baba'ek telu mai.

NINITAK 2:16

Hu ndia de, tukatei-saledale meme emi sala-singo mala mai leona! Metema ta soona, ba'ihanak seluk fa bai te neukose Au mai neu emi, soaneu Au atati o hataholi sila la ninik tafaina manai Au bafa nga.

NINITAK 1:16

Lima kona ho'u nduuk hitu, ma tafaina matane kaduak esa kalua neme bafa na mai. Mata panan nahaa sama leo le'do nai le'dohana nees.

HATAHOLI 7:31

Musa nita manda'dik ndia boema, ana dodoo doa kana, nalosa neu leo telaanak ndia mata na neu, fo sue ka nde ana bubuluk beek manda'dik ndia. Boema namanene Manetualain nafa'dan nae,

ZEFANYA 3:5

Tehu Manetualain bei nai kota ndia. Ana tao hata ndoos-sa tataas esa, ma Ana beita tao hata masalak fa. Tunga-tunga fafain-na, tao leo bee-o, Ana fe ndoos ma matetuk-ka neu anan-nala. Tehu hataholi fo ta nalelak eno ndoos ma matetuk manai kota ndia fa, ana tao nahele tatao-nono'i mangalauk-ka, no ta nalelak bibii-mamaek fa.

YESKIAL 43:3

Ninitak ndia, sama leo au itan nai lelek, Manetualain mai tao nakalulutuk Yerusalem-ma, ma sama leo au itan neme Lee Kebar-ra. Boema au bala u dae, de au sene-do'ok.

YESKIAL 3:9

Neukose, Au tao o da'di batu piak, fo tean-na sama leo batu intan-na. Boso bii-mamata'u neu malenalanga-masabasook sila-la.”

YEREMIA 13:13

Soona mafa'da neus mae, hataholi-hataholi manai nusa ia, manek-manek fo Dauk tititi-nonosin-nala, basa imam-mala, nabi-la, ma basa Yerusalem laun-nala neukose Au isi ahenus nenik angol losa ala mafuk.

YEREMIA 1:18

Mamanene te, neukose nusak ia, laun-nala la'ban o, fo nde Yehuda manen-nala, basa manaho'u paleta-la, basa imam-mala, ma laun-nala. Tehu faik ia, Au fe o be'i-balakaik, soaneu la'ban-nasa. Neukose o da'di sama leo kota fo, nanuu kota musu, sama leo dii besi, ma papala nanadama liti. Neukose ala ta hapu sengi o fa, nana neukose Au o o, ma Au asulu-ahapa o. Au, fo Manetualain nde manakokolak-ka.”

YESAYA 58:1

Manetualain nafa'da nae, “Maloo mapane'e leona! Fo mafa'da sila sala-singon, neu Au anang-ngala.

YESAYA 11:4

Naketu-nala'di hataholi nuu-taa hata-taak-ka, tunga ndoos ma matetuk, nasala'e hataholi tapandoes-sa no dale ndoos; hataholi masalak-ka, nanahukuk tunga paletan-na, Ana tao namopo-namate hataholi mangalauk-ka.

MAZMUR 119:120

Au dele ngge'be-ngge'be nanahu au bii-amata'u neu O, au daleng-nga dele, la'eneu O nakeketum-ma.

MAZMUR 37:6

Neukose, Ana nafa'da o lilinekam sama leo mangale'dok-ka, ma o dale ndoom-ma, sama leo fai lele'don-na.

AYUB 34:10

Hai hataholi manatee-tenok-kala lemin, mamanene leona! Te masa bole, Manetualain Fo Manakoasa ana tao salak?

2TAWARIKH 21:12

Boema Yehoram hapu susulak esa fo Nabi Elia nde sulak-kana nai lelek ana bei naso'da. Susulak ndia liin-na nae leo ia, “Manetualain fo Dauk sene-do'ok-ka, huku Ama Manek nana Ama Manek ta tunga Ama Manek aman ma ba'in ei tata'bu-na fa.

2RAJA-RAJA 1:16

Boema Elia nafa'da manek-ka nae, “Manetualain nae, ‘O madenu hataholi neu noke natutu'duk neme Baal-Zebub, fo kota Ekron-na, lamatua daebafan-na, nono'ka bai, ta hapu Manetualain nai Israel so'on, fo o bole matane neun fa. Hu ndia de, o ta lea-hai so'on, de neukose mate o!’ ”

1RAJA-RAJA 19:17

Su'di see fo Hazael ta taonisa fan, neukose Yehu taonisan, ma sila fo laladeak leme Yehu liman dale mai-a, neukose Elisa taonisas.

1RAJA-RAJA 18:17

Nai lelek Ahab nita Elia boema, naloo bou-bou nae, “Tou maneni susa soe fe Israel-la nde ia so!”

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

1RAJA-RAJA 14:6

Tehu nai lelek Nabi Ahia be namanene ein-na nakandu'u nai lelesu bafan-na boema nae, “Mai leo dalek mai, te au bubuluk Yerobeam saoinan-na nde o. O boso tao nono'kabai hataholi fe'ek bai. Hapu halak ta malole soaneu o.

SEMUEL SUSULAK-KA ESAN-NA 15:22

Tehu Semuel nae, “Beek kande, Manetualain nahiik-kana, tunga do fe tutunu-hohotuk? Tunga neu Manetualain, nde mole lena neme tunu-hotu tutunu-hohotuk. Tunga no dale katematuak, malole lena neme bi'ilopo mina mai.

SEMUEL SUSULAK-KA ESAN-NA 13:13

Semuel namanene dede'ak ndia boema, nafa'da Saul nae, “Ama Manek tataon ndia, tatao-nono'i nggoak nanseli. Leounik-ka Ama Manek tunga Manetualain paletan neu Ama Manek-ka soona, tao leo bee o, neukose Manetualain fe nakeketuk, fo Ama Manek ma Ama Manek tititi-nonosin da'di manek Israel losa dodoon-na.

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

EFESUS 6:17

Ho'i ma so'da mole ka, fo taon da'di topi musu, boema pake Manetualain dede'a-kokolan da'dileo tafa, neme Manetualain Dula Dale na.

SEMUEL SUSULAK-KA ESAN-NA 15:32

Basa boema, Semuel fe paleta nae, “Moo, Manek Agag-ka leo ia mai.” Agag mai no namahehenak nanseli nanahu ana dodoo nae, “Soe mamates-sa seli so.”

SEMUEL SUSULAK-KA ESAN-NA 15:33

Boema Semuel nafa'da nae, “Sama leo o tafainam-ma tao namopo inak makadotok anan-nala so, leondiak boe, neukose mopo o inam, anan-na boe.” Boema Semuel tete'te Agag nai mei tunu-hotuk manai Gilgal-la matan.

YESKIAL 32:18

“Hai hataholi daebafak fo, manasapu-manalalok-konei, kii-makaleleu ba'eneu laun manai Masir-ra. Haituas leo hataholi manamatek-kala mamanan-na leu, sama-sama loo nusa mabe'i-balakaik fe'ek-kala.

AYUB 15:30

Neukose, ta nala makiu-makahatuk-ka deak fa; neukose ha'i na'a heni buku beun-nala. Neukose, mopok-kana, hu kande Manetualain ani hahaen-na.