HOSEA 6:10 - Susula Malalaok Hehelu Palak Ma Hehelu Beuk

¹⁰ Au ita hata esa nai Israel, neni bibii-namata'uk fo nde: Au anang-ngala tao langgenggeo aoinan-nala nenik sosongo-tatangok.

HOSEA 6:10 Referans Kwoze

HOSEA 5:3

Hai Israel, Au bubuluk basa hata lala'en-na la'eneu emi! O ta bisa mafuni-mala hata esa boen, neme Au mai fa. O sene-do'ok neu sosongo-tatangok, ma o ta lilineka neu Au so'on. Hu ndia de, o laum-mala, ta landaa sene-do'ok seluk neu Au so'on.”

YEREMIA 23:14

Tehu Au ita nai Yerusalem bai soona, nabi-nabi-la tao-no'i mangalauk lena seluk bai. Ala lasapepeko-lasandandali ma ala hohonge, boema ala tulu-fali hataholi fo manatao-no'i mangalauk-ka de nalosa ta hapu hataholi esa Taka Tei-sale dale boen. Ba'eneu Au soona, basa-basas mangalauk-ka sama leo Sodom ma Gomora.”

HOSEA 4:17

Hataholi Israel-la, dalen-nala latea lahele neu sosongo-tatangok so. Hu ndia de, po'ilotak-kasa.

HOSEA 4:11

Manetualain nafa'da nae, “Hai, Au anang-ngala lemin, nau angol palaak do angol beuk boe, ana tao namopo emi dudu'a-aafi neulaum-ma so.

YESKIAL 23:5

Leomae Ohola ana da'di Au saoinang so, tehu ana bei sosoa-piao nahele, de ana manggate nanseli, nalalau-naoono tou susue-lalain-nala leme Asyur mai.

YEREMIA 18:13

Manetualain nafa'da nae, “Matane neu leoina-la esa-esak, ade dede'ak leoiak-ka ana da'di hai so do beik. Hataholi Israel-la ala tao-no'i hai hata esa fo mangalau ina nanseli!

YEREMIA 3:6

Nai tepo lelek Mane Yosia paleta, Manetualain nafa'da au nae leo ia, “O mita basa hata fo Israel, inak fo ta manalilinekak ndia, tao-no'ik-ka so do beik? An la'oela Au, de ana sosoa-piao nai pupuku mademaina-la esa-esak lain, ma nai ai huu matuaina-la, esa-esak huun-na.

2RAJA-RAJA 17:7

Samaria tu'da, nanahu hataholi Israel-la, lasala-lasingo neu sila Manetualain, fo manasoi-tefa-nalas leme mane Masir-ra mai, de nos kalua leme nusak ndia mai. Ala sene-do'ok neu lamatua daebafak fe'ek-kala,

1RAJA-RAJA 15:30

Yerobeam nasala-nasingo, de ana tao na hataholi Israel-la boeo lasala-lasingo. No enok ndia, Yerobeam tao lafo'a Amak fo hataholi Israel-la Manetualain-na nasa-melun.

1RAJA-RAJA 12:8

Tehu Rehabeam ta taoafik neu lasi-lasik sila-la nanoli-nafa'dan fa. Nasafali na, neu leo ndia dedena-baba'u muli-solun fo besak ia ala falin nana.

YESKIAL 23:7

Ohola sosoa-piao no manapaleta matua-madema sila-la. Bai te, hu kande nasa sosoa-piaon nasuu nanseli, de ana tao nanggenggeo aoinan-na, nenik ana sene-do'ok neu hataholi sila sosongo-tatangon-nala.

HOSEA 4:12

Emi moke natutu'duk neme ai bibiak esa mai! Ai tete'ek esa, nafa'da emi hata fo emi hii bubuluk-kana! Emi sama leo saoinak esa, ana da'di manasosoa-piaok; Emi la'oela Au, de emi fe emi aoinam-ma neu lamatua daebafak fe'ek-kala.