HOSEA 6:1 - Susula Malalaok Hehelu Palak Ma Hehelu Beuk

¹ Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

HOSEA 6:1 Referans Kwoze

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa

AYUB 5:18

Nana, Manetualain nde tao nahe'di, de Ndia boeo, nde puli-namo'do, Ma liman fo manafepa-li'uk-ka, nde tao malole falik-kana.

SEMUEL SUSULAK-KA ESAN-NA 2:6

Manetualain tao mamates, ma Ana tao naso'dan boe. Nakona hataholi daebafak-ka leo hataholi manamatek-ka daebafan-na neu. Ma Ndia boeo nde so'u falik-kana neme naa mai.

HOSEA 14:4

Neukose, Asyur ta soi-tefa-nala ami fa, ma ndala natee-natatik-kala, ta hapu tulu-fali ami fa. Neukose ami ta kokolak seluk moo dodoki-dudulak-kala mae, ami Manetualaim-ma nde sila. Ou Manetualain, O sue-lai hataholi fo, ta namahena neu hataholi esa boen.”

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

YEREMIA 30:17

Leomae emi musum-mala nafa'da nae, ‘Sion nanatu'u-tapa henik so, ma ta hapu manatao afik neu fan,’ tehu leomae leondiak boe, neukose Au tao-a emi lea-hai nasa-fali, ma neukose emi bisum-mala Au amo'dos.”

YESAYA 2:3

basa-basas lafa'da lae, “Mai fo, ata kae leo Manetualain Pupukun lain teu, leo Israel Manetualain Uman-na teu. Neukose nanoli ita hata fo ita muse taon. Neukose ita tunga enon-na, nana Manetualain nanolin-na, ana mai neme Yerusalem mai, Ana kokolak neme Sion mai.”

AYUB 34:29

Metema Manetualain ho'i nakeketuk fo denge-denge soona, ta hapu esa boen napalani nakamulu-nakadaun. Metema Ana nafuni mata panan soona, ta esa nitan boen.

HOSEA 14:1

Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

YEREMIA 50:4

Manetualain nafa'da nae, “Nai faik ndia hataholi Israel ma Yehuda ala mai kii sama-sama fo sanga Au, sila Amak Manetualain-na.

YEREMIA 3:22

Hei basa emi fo, manala'oela Manetualain so, fali ma'im-ma leona! Neukose, Ana tao nalea-nahai emi, ma Ana taon-na emi da'di manalilinekak. Emi mafa'da mae, “Ya, besak ia ami mai leo Manetualain, nanahu ami Manetualain ndia.

YESAYA 30:26

Neukose bulak-ka mangale'don-na, sama leo le'do-a mangale'don-na, ma le'do-a namaneu la'i hitu neme biasan-na mai, ma le'do mangale'don-na, sama leo mangale'dok faik hitu dalen-na. Basa sila-la, neukose ala da'di nai lelek Manetualain popoti-papalu, ma nakahahaik anan-nala bisun fo, lakahinak-kala so.

YEREMIA 33:5

palsuma la'i esak-kana la'ban hataholi Babel-la, nanahu dede'ak ndia ka'da Ana taon-na kota ia henuk no hataholi-la popolan-nala fo Au taoisas nai Au nasa-melung-nga dalek soaneu sila. Au ta mete-lakanae kota ia fa, nanahu ala tao-no'i hata fo mangalauk-ka.

MAZMUR 30:7

Lelek au ame'da au daleng-nga tesa-tama, au afa'da ae, “Neukose au ta anggengo duku dodon-na!”

YEREMIA 30:12

Manetualain nafa'da neu anan-nala nae: “Emi he'dim-mala bela nanseli, ba'eneu emi bisum-mala soona ta hapu aidon-na fa.

YESAYA 30:22

Emi dodoki-dudula sosongo-tatangom fo, nananakadiditak nenik lilofulak ma lilopilas-sa, neukose emi tapahenis, sama leo manggenggeok-ka, boema emi mafa'da mae, “La'oela au leona!”

ZEFANYA 2:1

Hai leoina fo bibii-mamae tak-kala lemin, mame'dak leona,

SEMUEL SUSULAK-KA ESAN-NA 7:3

Boema, Semuel nafa'da hataholi Israel-lala nae, “Metema, emi sanga fali leo Manetualain meu, fo sene-do'ok-kana no dalek-katematuak soona, emi muse tu'u-tapa heni basa nusa dea-la lamatua daebafan-na, ma lamatua daebafak inak Asytoret-ta dodoki-dudulan. Fe la'iesak emi aoinam-ma neu Manetualain ma ka'da sene-do'ok neun soona, neukose Ana soi-po'i emi neme hataholi Filistin-nala mai.”

AYUB 16:9

Manetualain sii-sii lulu'i au aopaang-nga no nasak; Ana mete au no mata panan pila lo'a-lo'a.

MAZMUR 6:2

Manetualain, boso fepa-li'u au nai O nasa-melum-ma dalek, boso huku au, nai O nasa-melum-ma dalek.

MAZMUR 71:20

O fe au doi-doso mabela makadotok, tehu neukose, O tao mabebeu au be'i-balakaing, ma O mafofo'a falik au neme lates dale mai.

PENGKHOTBAH 3:3

faik soaneu nanisa, ma faik soaneu nakahahaik, faik soaneu ofe henin, ma faik soaneu nafofo'an.

YESAYA 17:7

Nai faik ndia, neukose hataholi fali, fo noke tutulu-fafalik neu Manamakadada'dik-kana, fo Israel Manetualain malalao-malalafun-na.

YEREMIA 33:6

Tehu neu makabuin-na te neukose Au tao ahii kota ia no laun-nala heo-hilun; neukose ala labe'i-balakai lasafali. Neukose Au fes tetu-temak ma nene-lino-linok fo manasasi kao-kaok-ka.

YEREMIA 50:5

Neukose sila latane enok mana neu leo Sion, boema ala la'ok leo ndia leu. Neukose ala tao hehelu mate'ek lo au ma ami ho'u mahele.

RATAPAN 3:11

Ana usi au losa au singo heni enok-ka, boema Ana sii-sii au de Ana la'oela au.

HOSEA 11:10

Manetualain nafa'da nae, “Metema, Au angao sama leo singa soona, neukose Au anang-ngala tunga Au, fo Au tao-a musu noon-na, dele ngge'be-ngge'be. Neukose no lai-laik, Au anang-ngala mai leme muli mai, fo ala sene-do'ok neu Au.

HOSEA 12:6

Manetualain ndia nde Manetualain Fo Manakoasa. Na'den-na nde Manetualain. No na'dek ndia, nde Ana nau hataholi-a sene-do'ok neun.

IMAMAT 14:48

Tehu, metema imam-ma mai, de tunga palisan-na nae, ta'du-tana ndia, ta da'di seluk nai lelek uma ndia nanapalestel seluk-ka soona, muse nafa'da nae, uma ndia balisi, nana mopo la'iesak, pulu po'ok ndia so.

2TAWARIKH 30:6

No manek-ka ma hataholi mana'a ngga'din-nala paletan-na, de ladenu hataholi nadedenuk neu leo basa Yehuda ma Israel lala'en-na fo leni susulak sila-la fo isi-liin nae leo ia, “Laun Israel-la lemin! Emi mala hataholi Asyur-ra koasan-na deak so. Ela leo bee na emi mamahele falik neu Amak, Manetualain fo Abraham, Isak ma Yakob sene-do'ok-ka, fo ela Ndia boeo tulu-fali seluk emi.

AYUB 22:23

Fali leo Manetualain mai, no dale taidaek ela leo been-na, tatao-nono'i mangalauk manai o umam-ma, mate'en leona.

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.